తల నీలాల నుంచి అన్నం ప్రసాదం వరకు.. తిరుమల తిరుపతి దేవస్థానం గురించి 6 ఆసక్తికరమైన విషయాలు!

Tirupati Balaji Mandir Mystery: దక్షిణ భారతదేశంలోని తిరుపతి బాలాజీ ఆలయం భక్తితో పాటు రహస్యాలకు ప్రసిద్ధి చెందింది. ఆసక్తికరమైన విషయాలు తెలుసుకోండి.

TTD News

దేశవ్యాప్తంగా ఎన్నో దేవాలయాలు ఉన్నాయి.. తిరుమల తిరుపతి బాలాజీ ఆలయం చాలా ప్రత్యేకమైనది. ఈ ఆలయం భక్తులకు విశ్వాసానికి కేంద్రంగా ఉండటమే కాకుండా అనేక రహస్యాలతో నిండి ఉంది. బాలాజీ ఆలయానికి సంబంధించిన ఈ రహస్యాలు మీకోసం..

కలియుగంలో విష్ణువు నివాసం తిరుమల అని నమ్మకం. అందుకే ఆలయంలో కోరుకున్న ప్రతి కోరిక నెరవేరుతుందంటారు భక్తులు. తిరుపతి బాలాజీకి ప్రసాదంగా లడ్డూను సమర్పిస్తారు, కాని లడ్డూతో పాటు పెరుగు-అన్నం కూడా పెట్టే ఆచారం ఉంది.

తిరుపతి బాలాజీ ఆలయంలో తలనీలాలు సమర్పించే ఆచారం కూడా ఉంది. నమ్మకాల ప్రకారం, విష్ణువు కుబేరుడి నుంచి అప్పు తీసుకున్నాడు కలియుగం ముగిసే వరకు మొత్తం అప్పు తీరుస్తానని వాగ్దానం చేశాడు. ఆ అప్పు తీర్చడానికి భక్తులు తమ కోరికలు నెరవేరినప్పుడు తలనీలాలు సమర్పిస్తారు. భక్తులు తలనీలాలు సమర్పించడం అప్పు తీర్చే వాయిదాగా భావిస్తారు.

తిరుమల విగ్రహం చాలా ప్రత్యేకమైనది ..చాలా గొప్పది. విగ్రహం వెనుక నుంచి ఎప్పుడూ సముద్రపు అలల శబ్దం వస్తుందని చెబుతారు. విగ్రహాన్ని లక్ష్మీదేవి మరియు విష్ణుమూర్తి ఇద్దరి రూపంగా భావిస్తారు

తిరుపతి బాలాజీ ఆలయం లోపల ప్రతిష్టించిన విగ్రహంపై నిజమైన వెంట్రుకలు ఉన్నాయి, అవి ఎప్పుడూ చిక్కుపడవు. వేసవి కాలంలో శ్రీ వెంకటేశ్వర స్వామి విగ్రహానికి చెమట్లు పడతాయట

గుడిలో ఎల్లప్పుడూ ఓ దీపం వెలుగుతూనే ఉంటుంది... అందులో నెయ్యి లేదా నూనె వేయరు, కానీ అది నిరంతరం వెలుగుతూనే ఉంటుంది. ఈ దీపం అందరికీ ఒక రహస్యంగానే ఉండిపోయింది