Facebook Server Down: మళ్లీ ఫేస్​బుక్​, ఇన్​స్టాగ్రామ్ సేవలకు అంతరాయం.. ఇంతకీ ఏమైనట్టు?

కిందటి వారం ఫేస్​బుక్​, వాట్సాప్​ తదితర సేవలు నిలిచిపోయిన సంగతి తెలిసిందే. దాదాపు ఏడు గంటల తర్వాత సేవలను అందుబాటులోకి తెచ్చింది. అయితే మళ్లీ సేవలకు అంతరాయం కలిగింది.

ప్రతీకాత్మక చిత్రం

4వ తేదీన రాత్రి సమయంలో ఫేస్ బుక్, ఇన్ స్టా, వాట్సాప్ ఇన్‌స్టాగ్రామ్‌ సేవలు స్తంభించిపోయాయి. అసలు ఏమైదంటూ.. యూజర్లు.. నానా హైరానా పడిపోయారు. అయితే తమదే తప్పు అని ఫేస్ బుక్ ప్రకటించింది. ఆ రోజు అర్ధరాత్రి దాటిన తర్వాత సేవలు అందుబాటులోకి వచ్చాయి. అయితే ఎలాంటి సమాచారం లేకుండా.. ఇలా జరగడంపై నెటిజన్లు అనుమానాలు వ్యక్తం చేశారు. అయితే కొత్తగా మళ్లీ ఇన్​స్టాగ్రామ్​, ఫేస్‌బుక్‌​ సేవలు నిలిచిపోవడం కలకలం రేపింది.

We’re aware that some people are having trouble accessing our apps and products. We’re working to get things back to normal as quickly as possible and we apologize for any inconvenience.

— Facebook (@Facebook) October 8, 2021

8వ తేదీన(శుక్రవారం) ఇన్​స్టాగ్రామ్​, ఫేస్​బుక్​ సేవలలో మళ్లీ అంతరాయం వచ్చింది. ఇక యూజర్లు సోషల్​మీడియాలో ఏమైంది బాబు అంటూ.. చర్చలు చేశారు. అయితే సేవలు నిలిపోయిన మాట వాస్తవమేనని.. పరిష్కరిస్తున్నామని.. అక్టోబర్​ 9 వ తేదీ 12.59 AM కి అంటే శనివారం రోజున ఇన్​స్టాగ్రామ్​, ఫేస్​బుక్​ చెప్పాయి. రెండు గంటల తర్వాత సేవలను పునరుద్దరించారు. ఈ మేరకు ఆ సంస్థలు ప్రకటన చేశాయి. అయితే అప్పటికే చాలామంది తమ అకౌంట్లు హ్యాక్ అయినట్లు ఫిర్యాదులు చేశారు.

We know some of you may be having some issues using Instagram right now (🥲). We’re so sorry and are working as quickly as possible to fix.

— Instagram Comms (@InstagramComms) October 8, 2021

కేవలం ఫేస్‌బుక్, దాని అనుబంధ సంస్థల సేవలకు మాత్రమే అంతరాయం కలగడంపై అనుమానాలు వ్యక్తం చేస్తున్నారు నెటిజన్లు. ఇంటర్నెట్ ఇన్ఫ్రాస్ట్రక్చర్ వల్ల ఈ సమస్య తలెత్తి అవకాశం ఉందని చెబుతున్నారు టెక్ నిపుణులు. డీఎన్ఎస్, బీజీపీ వల్ల సేవలు నిలిచిపోయి ఉండొచ్చని భావిస్తున్నారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channelసబ్‌స్క్రైబ్‌ చేయండి