Israel Strike On Iran: ప్లీజ్ మమ్మల్ని కాపాడండి.. భారత ప్రభుత్వాన్ని కోరిన టెహ్రాన్‌లో చిక్కుకున్న విద్యార్థి

టెహ్రాన్‌లోని భారత పౌరుల భద్రతకు ప్రాధాన్యత ఇవ్వాలని, తరలింపు ప్రయత్నాలను ఆలస్యం చేయవద్దని ఓ విద్యార్థిని భావోద్వేగపూరితమైన విజ్ఞప్తి చేశారు.

టెహ్రాన్ నుంచి తరలించాలని కోరుతున్న విద్యార్థిని

Source : PTI

Israel Strike On Iran | టెహ్రాన్: ఇజ్రాయెల్ చేస్తున్న డ్రోన్ దాడులతో ఇరాన్ రాజధాని టెహ్రాన్‌లో ఉద్రిక్తతలు పెరిగాయి.  వైమానిక దాడులు ఉధృతం కావడంతో, అక్కడ ఉన్న ఒక భారత విద్యార్థిని వెంటనే తమను స్వదేశానికి తరలించాలని భారత ప్రభుత్వాన్ని కోరారు. ఒక వీడియోలో ఆమె అక్కడి పరిస్థితి గందరగోళంగా, దారుణంగా ఉందని వివరించారు. భారతీయుల భద్రత కోసం వేగంగా చర్యలు తీసుకోవాలని ప్రభుత్వానికి విజ్ఞప్తి చేశారు.

"నేను ఒక భారత విద్యార్థిని, ప్రస్తుతం ఇరాన్ రాజధాని టెహ్రాన్‌లో ఉన్నాను. ఇక్కడ పరిస్థితి చాలా దారుణంగా, భయంకరంగా ఉంది. తరువాత ఏం జరుగుతుందో మాకు అస్సలు తెలియడం లేదు" అని విద్యార్థి ఆ వీడియోలో పేర్కొన్నారు.

వేగవంతమైన చర్యల కోసం విద్యార్థిని విన్నపం

ఇరాన్‌లో నెలకొన్న పరిస్థితులను వివరించించిన ఆ విద్యార్థిని భారత అధికారులు చేస్తున్న కృషికి కృతజ్ఞతలు తెలుపుతూనే, క్షీణిస్తున్న భద్రతా పరిస్థితుల దృష్ట్యా తరలింపు ప్రక్రియలో వేగం పెంచాలని కోరారు. "మా భద్రత గురించి భారత ప్రభుత్వం, విదేశీ వ్యవహారాల మంత్రిత్వ శాఖ చర్చిస్తున్నందుకు వారికి కృతజ్ఞుత చెబుతున్నాను. కానీ ఇటువంటి సమయాల్లో వేగం చాలా ముఖ్యం" అని ఆమె అన్నారు. వైమానిక దాడుల తీవ్రత కారణంగా తాను సరిగ్గా మాట్లాడలేకపోతున్నానని ఆమె ఆవేదన వ్యక్తం చేశారు. వైమానిక దాడులు జరుగుతున్నాయి, మా పరిస్థితి మరింత దిగజారుతోంది. అందుకే నేను సరిగ్గా మాట్లాడలేకపోతున్నాను అని పేర్కొన్నారు.

VIDEO | Iran: An Indian student in Tehran requests the Indian government for immediate evacuation amid escalating tensions. She says, “I am an Indian student and currently I’m in Tehran. The situation here feels really bad and uncertain. We really don’t know what’s going to… pic.twitter.com/agvZDTkUXJ

— Press Trust of India (@PTI_News) February 28, 2026

‘దయచేసి వేచి చూడకండి’: రక్షణ కోసం భావోద్వేగ విన్నపం

ఇరాన్ లో చిక్కుకున్న విద్యార్థుల తరలింపు ప్రయత్నాలలో జాప్యం చేయవద్దని, టెహ్రాన్‌లోని భారతీయుల భద్రతకు ప్రాధాన్యత ఇవ్వాలని ఆమె అధికారులను కోరారు. ‘వీలైనంత త్వరగా తరలింపు ప్రక్రియను చేపట్టాలని కోరుతున్నాము. దయచేసి పరిస్థితి ఇంకా దారుణంగా మారే వరకు వేచి చూడకండి. సాధ్యమైనంత వెంటనే మాకు సహాయం చేయండి. దయచేసి మమ్మల్ని వీలైనంత త్వరగా ఇక్కడి నుండి బయటపడేయండి’ అని ఆ విద్యార్థిని రిక్వెస్ట్ చేస్తున్న వీడియో సోషల్ మీడియాలో వైరల్ అవుతోంది.

మరిన్ని చదవండి

ఇజ్రాయెల్ దాడుల్లో ఇరాన్ రక్షణ మంత్రితో పాటు ఆర్మీ చీఫ్ మృతి.. రిపోర్ట్స్!

ఇరాన్ దాడులతో గల్ఫ్ దేశాల్లో టెన్షన్ టెన్షన్ - గగనతలం మూసివేత - వైరల్ అవుతున్న వీడియోలు