Gay Marriage Law: సేమ్ సెక్స్ మ్యారేజ్ బిల్లుపై బైడెన్ సంతకం- ఇక ఆ పెళ్లిళ్లకు లైన్ క్లియర్

Gay Marriage Law:  అమెరికా అధ్యక్షుడు జో బైడెన్ మంగళవారం కీలక బిల్లుకు ఆమోదముద్ర వేశారు. స్వలింగ సంపర్కుల వివాహాలకు రక్షణ కల్పించే బిల్లు (సేమ్‌ సెక్స్‌ మ్యారేజ్‌ ప్రొటెక్షన్‌ బిల్‌)పై ఆయన సంతకం చేశారు. దీంతో ఈ బిల్లు చట్టరూపం దాల్చింది. ఇప్పటికే అమెరికా సెనేట్‌లో, ప్రతినిధుల సభలో ఈ బిల్లు ఆమోదం పొందింది.

If there is one message that breaks through from today, it's that this law – and the love it defends – strikes a blow against hate in all its forms.

Celebrate with us as I sign the historic Respect for Marriage Act into law. pic.twitter.com/0NFNNCtVVK

— President Biden (@POTUS) December 13, 2022

As Mildred Loving said: previous generations were “bitterly divided over something that should have been so clear and right.”

Today, with the signing of the Respect for Marriage Act, we celebrate our progress.

There are few things as clear and right as marriage equality. pic.twitter.com/lz9WtQqSsi

— President Biden (@POTUS) December 14, 2022

అంతకుముందు

స్వలింగ సంపర్కుల వివాహాలకు వ్యతిరేకంగా ముందుగా సుప్రీం కోర్టు నిర్ణయం తీసుకుంటుందన్న ఆందోళనతో.. అమెరికన్ సెనేట్ ఈ సేమ్‌ సెక్స్‌ మ్యారేజ్‌ ప్రొటెక్షన్‌ బిల్లుకు ఆమోదం తెలిపింది. అధికార డెమోక్రాట్ పార్టీతోపాటు కొందరు రిపబ్లికన్ సెనేటర్లు కూడా ఈ బిల్లుకు మద్దతు తెలిపారు. దీంతో బిల్లు సెనేట్‌లో సులువుగా పాసైంది. 

కాంగ్రెస్ ఆమోదం

సెనేట్‍లో ఆమోదం పొందిన స్వలింగ సంపర్కుల వివాహ రక్షణ బిల్లు ఆ తర్వాత ప్రతినిధుల సభకు చేరింది. ప్రతినిధుల సభలో ఈ బిల్లుకు 258-169తో మెజారిటీ దక్కింది. డెమొక్రాట్లు మొత్తం సభ్యులు, రిపబ్లికన్లలో 39 మంది బిల్లుకు అనుకూలంగా ఓటేశారు. 169 మంది రిపబ్లికన్లు వ్యతిరేకించారు. దీంతో అక్కడ కూడా ఈ చట్టానికి ఆమోదముద్ర పడింది.

ప్రతినిధుల సభ ఆమోదం తర్వాత బిల్లును సంతకం కోసం అధ్యక్షుడు బైడెన్‌ దగ్గరికి పంపించారు. తాజాగా ఆయన సంతకం కూడా పూర్తవడంతో సేమ్‌ సెక్స్‌ మ్యారేజ్‌ ప్రొటెక్షన్‌ యాక్ట్ కార్యరూపంలోకి వచ్చినట్లయ్యింది.

Also Read: US On India-China Clash: 'భారత్‌కే మా సపోర్ట్'- సరిహద్దు ఘర్షణపై అమెరికా రియాక్షన్