TVK Vijay: తమిళనాడు ఎన్నికల్లో పొత్తుల ప్రస్తావనే ఉండదు - ఒంటరి పోటీనేనని తేల్చిన విజయ్
Tamil Nadu polls: కింగ్ కాకపోతే కింగ్ మేకర్ అవ్వాలన్న లక్ష్యంతోనే తమిళనాడులో విజయ్ ఉన్నారు. ఒంటరి పోటీకే సిద్ధమని ప్రకటించారు.
Vijay Says TVK will get full majority: తమిళనాడు అసెంబ్లీ ఎన్నికలు 2026 సమీపిస్తున్న వేళ, అగ్రనటుడు విజయ్ తన పార్టీ తమిళగ వెట్రి కళగం ఏ పార్టీతోనూ పొత్తులు పెట్టుకునేది లేదని ప్రకటించారు. ఎటువంటి పొత్తులు లేకుండా ఒంటరిగానే బరిలోకి దిగుతామని, సొంతంగా మెజారిటీ సాధిస్తామని నమ్మకం వ్యక్తంచేశారు. సేలం లో జరిగిన సభలో ఈ ప్రకటన చేశారు.
పార్టీని ఎటువంటి స్వార్థపూరిత పొత్తులు లేని ఒక ప్రత్యామ్నాయ శక్తిగా నిలబెడుతానని చెబుతున్నారు. డీఎంకే ను రాజకీయ శత్రువుగా, బీజేపీని సిద్ధాంతపరమైన శత్రువుగా ప్రకటించిన ఆయన, ఈ రెండింటికీ దూరంగా ఉండటం ద్వారా తమిళ ఓటర్ల ముందు ఒక క్లీన్ ఇమేజ్ ను ఉంచాలని భావిస్తున్నారు. ఎవరితోనూ పొత్తు పెట్టుకోకపోవడం వల్ల సీట్ల సర్దుబాటులో వచ్చే ఇబ్బందులు ఉండవని, తద్వారా అన్ని 234 స్థానాల్లో తన కేడర్ను బలోపేతం చేసుకోవచ్చని విజయ్ వ్యూహంగా కనిపిస్తోంది.
దశాబ్దాలుగా తమిళనాడు రాజకీయం డీఎంకే , ఏఐఏడీఎంకే ల చుట్టూనే తిరుగుతోంది. అయితే, ఇప్పుడు విజయ్ ఈ బైపోలార్ రాజకీయాలను బద్దలు కొట్టాలని చూస్తున్నారు. ముఖ్యంగా తటస్థ ఓటర్లు, యువత, మహిళా ఓటర్లు మార్పును కోరుకుంటున్నారని ఆయన నమ్ముతున్నారు. గతంలో ఎంజీఆర్ ఏ విధంగానైతే కొత్త పార్టీ పెట్టి ప్రభంజనం సృష్టించారో, తన విజిల్ గుర్తుతో అదే మ్యాజిక్ను పునరావృతం చేయవచ్చని విజయ్ ధీమా వ్యక్తం చేస్తున్నారు.
విజయ్ ఒంటరిగా పోటీ చేయడం వల్ల ఓట్లు ఏ విధంగా చీలుతాయనేది ఇప్పుడు ప్రధాన ఉత్కంఠ. అధికార డీఎంకే వ్యతిరేక ఓట్లు గతంలో ఏఐఏడీఎంకే లేదా బీజేపీ వైపు వెళ్లేవి. ఇప్పుడు విజయ్ రంగంలో ఉండటం వల్ల ఆ యాంటీ ఇంకంబెన్సీ ఓట్లు టీవీకేకు మళ్లే అవకాశం ఉంది. ఇది డీఎంకే కూటమికి కొంత మేర లాభించవచ్చని కొందరు విశ్లేషిస్తుండగా, యువత , మొదటిసారి ఓటు వేసే వారు విజయ్ వైపు మొగ్గు చూపితే రెండు ప్రధాన ద్రావిడ పార్టీల ఓటు బ్యాంకులకు గండి పడటం ఖాయమని అంచనా వేస్తున్నారు.
విజయ్ తన కార్యకర్తలను మిలిటరీ తరహా క్రమశిక్షణ కలిగిన దళం గా అభివర్ణించారు. క్షేత్రస్థాయిలో దాదాపు 2 కోట్ల మంది సభ్యుల నమోదు లక్ష్యంగా పెట్టుకున్న టీవీకే, ఇప్పటికే బూత్ స్థాయి కమిటీలను సిద్ధం చేస్తోంది. సేలం వంటి కీలక జిల్లాల్లో విజయ్ పర్యటనలకు వస్తున్న స్పందన చూస్తుంటే, ఆయనను కేవలం సినిమా స్టార్గానే కాకుండా ఒక సీరియస్ పొలిటికల్ ఫోర్స్గా ప్రజలు చూస్తున్నట్లు స్పష్టమవుతోందని ఆ పార్టీ వర్గాలుచెబుతున్నాయి.
VIDEO | Tamil Nadu: At Salem rally, actor Vijay (@actorvijay) says, “TVK is 100 per cent 'pure force,' will form government, people's aspiration will be fulfilled. People's aspiration is to bring TVK to power, and dislodge DMK.
— Press Trust of India (@PTI_News) February 13, 2026
(Source: Third Party)#TVKVijay
(Full video… pic.twitter.com/3eIuYNJ3Tv
ఒకవేళ ఏ పార్టీకి స్పష్టమైన మెజారిటీ రాని పక్షంలో హంగ్ ఏర్పడితే విజయ్ నిర్ణయం అత్యంత కీలకం కానుంది. అయితే, ఆయన ప్రస్తుతానికి సింగిల్ మెజారిటీ నినాదంతోనే ముందుకు వెళ్తున్నారు. రాష్ట్రంలో అవినీతి రహిత పాలన , లౌకికవాదమే తన అజెండా అని చెబుతున్న విజయ్, ఏప్రిల్లో జరగనున్న ఎన్నికల్లో కింగ్ అవుతారా లేక కింగ్ మేకర్గా మారుతారా అనేది ఇప్పుడు మిలియన్ డాలర్ల ప్రశ్న. తమిళనాడు రాజకీయాల్లో 2026 ఒక చారిత్రాత్మక మార్పుకు సాక్ష్యంగా నిలవబోతోంది.
టాప్ హెడ్ లైన్స్
ట్రెండింగ్ వార్తలు
