Madhya Pradesh Coivd-19 Vaccine: ఒకే సిరంజితో 30 మంది పిల్లలకు టీకా- షాకైన పేరెంట్స్, వీడియో వైరల్!

Madhya Pradesh Coivd-19 Vaccine: ఓ కరోనా వ్యాక్సినేషన్ కేంద్రంలో ఒక్క సిరంజితో 30 మంది విద్యార్థులకు టీకాలు వేయడం కలకలం రేపింది.

(Image Source: PTI)

Madhya Pradesh Coivd-19 Vaccine: దేశవ్యాప్తంగా కరోనా వ్యాక్సినేషన్ కార్యక్రమం వేగంగా సాగుతోంది. అయితే ఇలాంటి సమయంలో మధ్యప్రదేశ్‌లో ఓ దారుణ ఘటన బయటపడింది. ఓ వ్యాక్సినేషన్‌ కేంద్రంలో జితేంద్ర అనే వ్యాక్సినేటర్ ఒకే సిరంజీతో 30 మంది విద్యార్థులకు టీకా ఇవ్వడం కలకలం సృష్టించింది.

ఇదీ జరిగింది

సాగర్ జిల్లాలోని జైన్ పబ్లిక్ హయ్యర్ సెకండరీ స్కూల్‌లో విద్యార్థులకు జితేంద్ర అనే వ్యాక్సినేటర్ ఒకే సిరంజీతో 30 మందికి టీకా వేశాడు. ఇది  గమనించిన విద్యార్థుల తల్లిదండ్రులు ఇదేంటని ప్రశ్నించారు. అయితే దీనికి ఆయన చెప్పిన సమాధానం విన్న అంతా అవాక్కయ్యారు. తన పై అధికారులు ఆదేశాల మేరకే ఇలా చేసినట్టు తెలిపాడు. 

Shocking violation of “One needle, one syringe, only one time” protocol in #COVID19 #vaccination, in Sagar a vaccinator vaccinated 30 school children with a single syringe at Jain Public Higher Secondary School @ndtv @ndtvindia pic.twitter.com/d6xekYQSfX

— Anurag Dwary (@Anurag_Dwary) July 27, 2022

" మా పై అధికారులు ఒకే సిరంజీ పంపించారు. ఆ ఒక్క సిరంజీతోనే విద్యార్థులందరికీ టీకా వేయాలని ఆదేశించారు. ఇలా టీకా వేయడంలో తప్పేముంది?                                                                             "

-జితేందర్, వ్యాక్సినేటర్

ఈ మాటలు విన్న విద్యార్థుల తల్లిదండ్రులు జితేందర్‌తో వాగ్వాదానికి దిగారు. దాడి చేసేందుకు ప్రయత్నించారు. ఈ మాటలను వీడియో తీసిన కొందరు సోషల్ మీడియాలో పోస్ట్ చేశారు. ఇది వైరల్ అయింది. దీంతో జిల్లా ఇమ్యునైజేషన్ అధికారి డాక్టర్ రాకేశ్ రోషన్ స్పందించారు. చర్యలు తీసుకునేందుకు సిద్ధమయ్యారు. ఒన్ నీడిల్, ఒన్ సిరంజీ, ఒన్ టైమ్ అనే కేంద్ర ప్రభుత్వ విధానాన్ని వ్యాక్సినేటర్ ఉల్లఘించారని ఆయన అన్నారు. జితేంద్రపై ఎఫ్ఐఆర్ నమోదు చేసినట్టు వెల్లడించారు. జితేంద్రను వెంటనే అరెస్ట్‌ చేయాలని కలెక్టర్.. పోలీసులకు సూచించారు.

Sagar, MP | Thirty children at a school in Sagar were allegedly vaccinated by a single injection-syringe

We have got the complaint, and the probe is underway. Stringent action will be taken against those found guilty: DK Goswami, CMHO pic.twitter.com/kzPvyK7Y4t

— ANI MP/CG/Rajasthan (@ANI_MP_CG_RJ) July 27, 2022

కరోనా కట్టడిలో భాగంగా దేశంలో వ్యాక్సినేషన్‌ ప్రక్రియ ముమ్మరంగా సాగుతోంది. ప్రపంచవ్యాప్తంగా వ్యాక్సినేషన్‌లో భారత్‌ రికార్డు స్థాయిలో 200 కోట్ల డోసులకుపైగా టీకాలను అందించింది.