Kangana Ranaut: పొలిటికల్ ఎంట్రీపై కంగనా హాట్ కామెంట్స్- సై అంటే సై!

Kangana Ranaut: భాజపా టికెట్ ఇస్తే ఎన్నికల్లో పోటీ చేయడానికి తాను సిద్ధంగా ఉన్నట్లు నటి కంగనా రనౌత్ అన్నారు.

(Image Source: PTI)

Kangana Ranaut: బాలీవుడ్ స్టార్ హీరోయిన్ కంగనా రనౌత్.. తన పొలిటికల్ ఎంట్రీపై కీలక వ్యాఖ్యలు చేశారు. హిమాచల్ ప్రదేశ్‌లోని మండి ప్రజలు కోరుకుంటే, భాజపా తనకు టిక్కెట్ ఇస్తే ఎన్నికల్లో పోటీ చేయడానికి సిద్ధంగా ఉన్నట్లు కంగనా రనౌత్ ప్రకటించారు. 

" నేను ఎన్నికల్లో పోటీ చేయాలని హిమాచల్‌ప్రదేశ్‌ ప్రజలు మరీ ముఖ్యంగా మండీ ప్రాంతం వాళ్లు అనుకుంటే, భాజపా కోరుకుంటే.. ఆ ప్రాంతం నుంచి పోటీ చేయడానికి సిద్ధమే. కానీ దేశంలో ఎంతోమంది గొప్పవారు ఉన్నారు. వారు రాజకీయాల్లోకి రావాల్సి ఉంది. నా సొంత రాష్ట్ర ప్రజలకు సేవ చేయడాన్ని అదృష్టంగా భావిస్తాను. నరేంద్రమోదీ ప్రధాని మంత్రి అయిన తర్వాత భారత్‌లో మార్పు స్పష్టంగా కనిపిస్తోంది. ప్రతి భారతీయుడిలో జాతీయభావం కనిపిస్తోంది. నేను కాంగ్రెస్ విధానాలను అనుసరించే కుటుంబం నుంచి వచ్చాను. కానీ మోదీ పనితీరుతో ఇప్పుడు మా కుటుంబం భాజపా పక్షాన నిలిచింది.                                "

-    కంగనా రనౌత్, సినీ నటి

మోదీకి పోటీ లేరు

ప్రధాని నరేంద్ర మోదీకి సవాల్ విసరగలిగే నాయకుడు లేరని కంగనా అన్నారు. ఈ విషయం ప్రధాని మోదీకి కూడా తెలుసన్నారు.

It is sad for Modi ji that his competition is Rahul Gandhi and it is sad for Rahul Gandhi that his competition is Modi ji: #KanganaRanaut

Apart from this, Kangana also took a jibe at 'Aam Admi Party'.

Full Show: https://t.co/ANGkcxb3IO#PanchayatAajTak | @rahulkanwal pic.twitter.com/fZAHK0pzXF

— IndiaToday (@IndiaToday) October 29, 2022

" కాంగ్రెస్ సీనియర్ నేత రాహుల్ గాంధీ.. మోదీకి పోటీదారు కాదు. హిమాచల్ ప్రదేశ్‌లో ఆప్‌ కన్వీనర్ అరవింద్‌ కేజ్రీవాల్ ప్రకటించే ఉచితాలు పనిచేయవు. హిమాచల్ ప్రదేశ్ ప్రజలు ఉచితాలకు ఓటెయ్యరు.                                      "

-         కంగనా రనౌత్, సినీ నటి

ప్రస్తుతం కంగనా రనౌత్​ స్వీయ దర్శకత్వంలో దివంగత నేత, మాజీ ప్రధాని ఇందిరా గాంధీ పాత్రలో నటిస్తున్నారు. ఎమర్జెన్సీ ప్రకటించడానికి కారణం, ఆ సమయంలో జరిగిన ఘటనలపై అదే పేరుతో చిత్రం తెరకెక్కుతోంది. 'ఎమర్జెన్సీ' టీజర్​ను ఇటీవల రిలీజ్​ చేశారు కంగనా. ఈ టీజర్​కు నెటిజన్ల నుంచి మంచి రెస్పాన్స్​ వచ్చింది. ఇందిరా గాంధీగా కంగనా లుక్​, హావభావాలు చాలా పర్ఫెక్ట్​గా ఉన్నాయంటూ కామెంట్లు చేస్తున్నారు. ఇప్పటికే మణికర్ణిక చిత్రాన్ని తెరకెక్కించిన అనుభవం ఉన్న కంగనా.. ఇప్పుడు మరోసారి మెగాఫోన్ పట్టారు.