Kangana Ranaut Update: 'నా వాహనంపై రైతులు దాడి చేశారు.. చంపేస్తామని వార్నింగ్ ఇచ్చారు'

తన వాహనంపై రైతులు దాడి చేసినట్లు కంగనా రనౌత్‌ సోషల్ మీడియాలో ఓ వీడియోను పోస్ట్ చేసింది.

కంగనా రనౌత్‌ వాహనంపై దాడి

బాలీవుడ్ హీరోయిన్ కంగనా రనౌత్‌ వాహనంపై దాడి జరిగింది. హిమాచల్ ప్రదేశ్ నుంచి పంజాబ్ వెళ్తుండగా కొందరు రైతులు తన వాహనంపై దాడి చేసినట్లు కంగనా ఓ వీడియోను సామాజిక మాధ్యమాల్లో పోస్ట్ చేశారు. తనపై దుర్భాషలాడినట్లు, చంపేస్తానని బెదిరించినట్లు కంగనా ఆరోపించారు. 

Punjab | Farmers stopped actor Kangana Ranaut’s car near Ropar & protested against her over her statements on farmers protest

"If the police personnel were not present here, lynching would've happened, shame on these people," says Kangana Ranaut pic.twitter.com/Rd37EQfpfT

— ANI (@ANI) December 3, 2021

" నేను పంజాబ్‌లోకి ప్రవేశించిన వెంటనే.. ఓ మూక నా వాహనంపై దాడి చేసింది. మేం రైతులమని వాళ్లు చెప్పారు. ఒకవేళ అక్కడ పోలీసులు లేకపోతే నాపై మూక దాడి జరుగుండేది. నా విమానం క్యాన్సిల్ కావడంతో హిమాచల్ నుంచి పంజాబ్‌కు రోడ్డు మార్గంలో వెళ్లాను. నన్ను చంపేస్తామని బెదిరించారు.                                             "

-కంగనా రనౌత్, సినీ నటి

సాగు చట్టాలపై రైతులు చేసిన ఉద్యమంపై ఇటీవల కంగనా రనౌత్.. వివాదాస్పద వ్యాఖ్యలు చేశారు. నూతన సాగు చట్టాలను రద్దు చేస్తూ ప్రధాని నరేంద్ర మోదీ ఇటీవల ప్రకటన చేసిన తర్వాత ఇన్‌స్టాగ్రామ్‌లో కంగనా ఓ పోస్ట్ పెట్టారు. ఇందులో భారత్‌ను 'జిహాదిస్ట్ నేషన్' అని పిలిచారు. సిక్కులను 'ఖలిస్థానీలు'గా కంగనా పిలిచారు. 

" ఖలీస్థానీ తీవ్రవాదులు ఈ రోజు ప్రభుత్వాన్ని శాసించి ఉండవచ్చు.. కానీ అలాంటి వాళ్లను తన కాలి కింద అణిచివేసిన ఒకే ఒక మహిళా ప్రధాని (ఇందిరా గాంధీ) గురించి మరిచిపోవద్దు.                                                                       "

-కంగనా రనౌత్, సినీ నటి

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి