Rahul Gandhi on Farmers: 'మోదీ దగ్గర బడా వ్యక్తుల నంబర్లే ఉంటాయి.. రైతుల వివరాలు ఎందుకుంటాయి?'

చనిపోయిన రైతుల వివరాలు ప్రభుత్వం వద్ద లేవని కేంద్రం చెప్పడాన్ని కాంగ్రెస్ అగ్రనేత రాహుల్ గాంధీ తప్పుబట్టారు. ఆ జాబితా తమ వద్ద ఉందని, దీనిని పార్లమెంటులో అందజేస్తామని పేర్కొన్నారు.

మోదీపై రాహుల్ గాంధీ ఆగ్రహం

ప్రధాని నరేంద్ర మోదీపై కాంగ్రెస్ నేత రాహుల్ గాంధీ మరోసారి మండిపడ్డారు. ప్రధాని వద్ద కేవలం పెద్ద పెద్ద పారిశ్రామికవేత్తల ఫోన్ నంబర్లే ఉంటాయని రైతుల వివరాలు ఎందుకు ఉంటాయని వ్యంగ్యాస్త్రాలు సంధించారు. నూతన సాగు చట్టాల వ్యతిరేక ఆందోళనల్లో ప్రాణాలు కోల్పోయిన రైతుల వివరాలు తమ వద్ద లేవని పార్లమెంట్​లో కేంద్రం ప్రకటించటాన్ని రాహుల్ గాంధీ తప్పుపట్టారు.

जब PM ने कृषि-विरोधी क़ानून बनाने के लिए माफ़ी माँगी तो संसद में बतायें कि
प्रायश्चित कैसे करेंगे-

लखीमपुर मामले के मंत्री को बर्खास्त कब?
शहीद किसानों को मुआवज़ा कितना-कब?
सत्याग्रहियों के ख़िलाफ़ झूठे केस वापस कब?
MSP पर क़ानून कब?

इसके बिना माफ़ी अधूरी! #FarmLaws

— Rahul Gandhi (@RahulGandhi) December 3, 2021

" రైతుల ఆందోళనల సమయంలో మరణించిన అన్నదాతల కుటుంబాలకు ప్రభుత్వం ఆర్థిక సాయం అందించటంపై పార్లమెంట్​లో సభ్యులు ప్రశ్నించారు. దీనికి వ్యవసాయ శాఖ వద్ద రైతుల మరణాలపై ఎలాంటి సమాచారం లేదని, అందువల్ల పరిహారం అనే ప్రశ్నే కాదని కేంద్రం సమాధానమిచ్చింది. పంజాబ్​ ప్రభుత్వం రూ.5 లక్షల పరిహారం అందించిన వారు 403 మంది ఉన్నారు. 152 మందికి ఉద్యోగాలు ఇచ్చారు. ఇతర రాష్ట్రాల నుంచి 100 మంది జాబితా ఉంది. ప్రజలు ఇచ్చిన సమాచారం మేరకు 200 మంది పేర్లతో తయారు చేసిన మూడో జాబితా ఉంది. కానీ, ప్రభుత్వం అలాంటి జాబితానే లేదని చెబుతోంది.                                       "

-     రాహుల్​ గాంధీ, కాంగ్రెస్​ అగ్రనేత

700 మంది మృతి..

मोदी जी के पास सिर्फ़ अपने उद्योगपति मित्रों के नंबर हैं।
हमारे पास शहीद किसानों के नाम व नंबर हैं।

अगर सच में माफ़ी माँगनी है तो इन परिवारों को फ़ोन करो, उनका दुख सुनो व मुआवज़ा दो।

पंजाब की कांग्रेस सरकार ने बिना गलती, इंसानियत के नाते ऐसा किया। #Farmers #HumanityFirst pic.twitter.com/NwPU26E794

— Rahul Gandhi (@RahulGandhi) December 3, 2021

" తాను తప్పు చేసినట్లు ప్రధాని స్వయంగా ఒప్పుకున్నారు. దేశానికి క్షమాపణలు కూడా చెప్పారు. మీరు చేసిన తప్పు వల్ల 700 మంది చనిపోయారు. కానీ ఇప్పుడు ఆ జాబితా లేదని మీరు అసత్యాలు చెబుతున్నారు. వారికి పరిహారం చెల్లించాలని మీకు ఎందుకు అనిపించడం లేదు? మోదీ దగ్గర బడా వ్యాపారవేత్తలైన స్నేహితుల ఫోన్ నంబర్లే ఉంటాయి. మా వద్ద చనిపోయిన రైతుల పేర్లు, నంబర్లు ఉంటాయి. మీరు నిజంగా క్షమాపణ చెప్పాలనుకుంటే చనిపోయిన రైతు కుటుంబాలను పిలిచి వారి బాధ, వేదన విని పరిహారం చెల్లించండి. మానవతా దృక్పథంతో పంజాబ్ సర్కార్ ఈ పని చేసింది.                                                         "

-  రాహుల్ గాంధీ, కాంగ్రెస్ అగ్ర నేత

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి