DRDO : త్వరలో మేడిన్ ఇండియా మానవ రహిత యుద్ధ విమానాలు - డీఆర్డీవో లెటెస్ట్ సక్సెస్ స్టోరీ ఇదిగో

మానవ రహిత యుద్ధ విమానం తయారీ దిశగా డీఆర్డీవో గొప్ప విజయం సాధించింది. అటానమస్ ఫ్లయింగ్ వింగ్ టెక్నాలజీ డెమోన్‌స్ట్రేటర్ తొలి విమానాన్ని విజయవంతంగా పరీక్షించింది.

త్వరలో మేడిన్ ఇండియా మానవ రహిత యుద్ధ విమానాలు

DRDO :   రక్షణ రంగంలో స్వావలంబన దిశగా భారత్ మరో ముందడుగు వేసింది.  డిఫెన్స్ రీసెర్చ్ అండ్ డెవ‌ల‌ప్‌మెంట్ ఆర్గ‌నైజేష‌న్ ( DRDO ) అటానమస్ ఫ్లయింగ్ వింగ్ టెక్నాలజీ డెమోన్‌స్ట్రేటర్ తొలి విమానాన్ని విజయవంతంగా పరీక్షించింది.  దీంతో మానవ రహిత యుద్ధ విమానం తయారీ దిశగా డీఆర్డీవో గొప్ప విజయం సాధించింది. ఈ తొలి విమానాన్ని డీఆర్డీవో కర్ణాటకలోని చిత్రదుర్గ్ ఏరోనాటికల్ టెస్ట్ రేంజ్ నుంచి శుక్రవారం విజయవంతంగా పరీక్షించింది.  

#DRDOUpdates | Successful Maiden Flight of Autonomous Flying Wing Technology Demonstrator@PMOIndia https://t.co/K2bsCRXaYp https://t.co/brHxaH7wbF pic.twitter.com/SbMnI5tgUM

— DRDO (@DRDO_India) July 1, 2022

ఇది మానవ రహిత గగనతల విమానం ( UAC). ఇందుకు సంబంధించిన వివ‌రాల‌ను డీఆర్డీవో  వెల్లడించింది.  వ్యూహాత్మక రక్షణ సాంకేతికతలో స్వావలంబన దిశగా ఇది ఒక ముఖ్యమైన దశ అని డీఆర్డీవో పేర్కొంది. ఈ మానవ రహిత గగనతల విమానాన్ని డీఆర్డీవో పరిశోధనా ప్రయోగశాల‌ల్లో ఒకటైన బెంగళూరులోని ఏరోనాటికల్ డెవలప్‌మెంట్ ఎస్టాబ్లిష్‌మెంట్ ( ADE ) రూపొందించింది. ఏడీఈ శాస్త్ర‌వేత్త‌లు దీన్ని అభివృద్ధి చేశారు. ఈ యూఏవీ ఒక చిన్న టర్బోఫ్యాన్ ఇంజిన్‌తో పనిచేస్తుంది. ఇది పూర్తిగా తనంతట తాను పని చేస్తుంది. టేకాఫ్ నుంచి వే పాయింట్‌ నేవిగేషన్, ల్యాండింగ్ వ‌ర‌కు క‌చ్చిత‌మైన ప‌నితీరును ప్ర‌ద‌ర్శించింద‌ని డీఆర్డీవో తెలిపింది. భవిష్యత్తులో మానవ రహిత విమానాల అభివృద్ధికి ఈ పరీక్ష గొప్ప మైలురాయి లాంటిద‌ని పేర్కొంది.డీఆర్డీవో శాస్త్రవేత్తలను రక్షణ మంత్రి రాజ్ నాథ్ సింగ్ అభినందించారు. 

Congratulations to @DRDO_India on successful maiden flight of the Autonomous Flying Wing Technology Demonstrator from Chitradurga ATR.

It is a major achievement towards autonomous aircrafts which will pave the way for Aatmanirbhar Bharat in terms of critical military systems. pic.twitter.com/pQ4wAhA2ax

— Rajnath Singh (@rajnathsingh) July 1, 2022

 ఈ ప్రయోగంతో భారత్ యుద్ధ విమానాలవిషయంలోనూ ఇతర దేశాలపై ఆధారపడాల్సిన పరిస్థితి తగ్గిపోతుందని భావిస్తున్నారు.  ఇప్పటికే డీఆర్డీవో భారత  రక్షణ రంగ అవసరాలు తీర్చడానికి ఎన్నో రకాల పరిశోధనలు చేసి అద్భుతమైన ఫలితాలను సాధిస్తోంది. ఈ క్రమంలో యుద్ధ విమానాల దిశగా ముందడుగు వేయడం రక్షణ రంగ నిపుణుల్ని సంతృప్తి పరుస్తోంది.