Retirement Plan: రిటైర్మెంట్ టైంలో రూ.5 కోట్లు కావాలా? SIPని ఎలా ప్రారంభించాలి? ఏం చేయాలంటే

Retirement Goal: రిటైర్మెంట్ సమయానికి రూ. 5 కోట్ల కార్పస్‌ను క్రియేట్ చేయడం మీ కల అయితే, మీరు ఎంత త్వరగా పెట్టుబడి పెట్టాలని నిపుణులు సూచిస్తున్నారు.

రిటైర్మెంట్ ఫండ్

Source : ABP LIVE

Show Quick Read

Key points generated by AI, verified by newsroom

• SIP మొత్తాన్ని పెంచుతూ, వార్షికంగా ప్లాన్‌ను సమీక్షించాలి.

Retirement Goal: చాలా మంది తమ రిటైర్మెంట్ (పదవీ విరమణ) తర్వాత క్యాష్ గురించి ఆందోళన చెందకూడదని కోరుకుంటారు. కానీ పెరుగుతున్న ద్రవ్యోల్బణాన్ని చూస్తుంటే కేవలం బ్యాంకులో డబ్బు దాచుకుంటే సరిపోదని అంతా అర్థం చేసుకుంటున్నారు. రిటైర్మెంట్ సమయానికి మీ వద్ద 5 కోట్ల భారీ నిధి ఉండాలని మీరు అనుకుంటే,పెట్టుబడి పెట్టడం ప్రారంభించాలి. దీని కోసం ఒకేసారి లక్షల రూపాయలు అవసరం లేదు. మీరు ప్రతి నెలా చిన్న మొత్తంలో SIP (సిస్టమాటిక్ ఇన్వెస్ట్‌మెంట్ ప్లాన్) చేయడం ద్వారా కూడా ఈ టార్గెట్ చేరుకోవచ్చు.

5 కోట్ల ఫండ్ ఎందుకు అవసరం?
రిటైర్మెంట్ తర్వాత మీ రెగ్యులర్ శాలరీ ఆగిపోతుంది. కానీ ఖర్చులు మాత్రం అలాగే సాగుతుంటాయి. ఇంటి ఖర్చులు, వైద్యం, జర్నీ, ఇతర అవసరాల కోసం డబ్బు కావాల్సి వస్తుంది. అలాంటి పరిస్థితిలో పెద్ద మొత్తంలో ఉండే రిటైర్మెంట్ ఫండ్ మీకు ఆర్థిక భద్రతను ఇస్తుంది.

ఎంత SIP చేయాలి?
ఉదాహరణకు మీ వయస్సు 30 ఏళ్లు అనుకుందాం.. మీరు 60 ఏళ్లకు రిటైర్ అవ్వాలని భావిస్తే.. అంటే పెట్టుబడి పెట్టడానికి మీ వద్ద దాదాపు 30 ఏళ్ల సమయం ఉంది. ఒకవేళ మీకు సగటున ఏడాదికి 12% రిటర్న్ లభిస్తే, ప్రతి నెలా దాదాపు 15,000 నుండి 20,000 వరకు SIP చేయడం ద్వారా 5 కోట్ల రూపాయల వరకు నిధిని సమకూర్చుకోవచ్చు. ఒకవేళ మీ ఏజ్ ఇంకా తక్కువగా ఉంటే, అంతకంటే తక్కువ మొత్తంతోనే ప్రారంభించవచ్చు. ఆలస్యంగా ప్రారంభిస్తే మాత్రం ఎక్కువ మొత్తంలో ఇన్వెస్ట్ పెట్టాల్సి వస్తుంది.

5 కోట్ల నిధిని సమకూర్చుకోవడానికి 5 సులువైన మార్గాలు
1. వీలైనంత త్వరగా ప్రారంభించాలి
పెట్టుబడిలో సమయమే అన్నింటికంటే పెద్ద శక్తి (కాంపౌండింగ్ పవర్). 25-30 సంవత్సరాల వయస్సులో ప్రారంభించిన పెట్టుబడి సుదీర్ఘ కాలంలో పెద్ద నిధిగా మారుతుంది.

2. ప్రతి సంవత్సరం SIP పెంచుతూ పోవాలి
మీ జీతం పెరుగుతున్న కొద్దీ, మీ SIP మొత్తాన్ని కూడా స్టెప్ అప్ తరహాలో పెంచాలి. ప్రతి సంవత్సరం కొద్దికొద్దిగా పెట్టుబడిని పెంచడం ద్వారా లక్ష్యాన్ని త్వరగా చేరుకోవచ్చు.

3. దీర్ఘకాలం పాటు పెట్టుబడి పెట్టాలి
మధ్యమధ్యలో డబ్బులు వెనక్కి తీసుకోవడం వల్ల పెద్ద నిధి సమకూరడానికి ఆటంకం ఏర్పడుతుంది. అందువల్ల రిటైర్మెంట్ ఇన్వెస్ట్‌మెంట్‌ను దీర్ఘకాలం పాటు కొనసాగించాలి. 

4. మార్కెట్ పడిపోయినప్పుడు కంగారు పడకండి
భారత్‌తోొ పాటు అన్ని దేశాల్లోనూ షేర్ మార్కెట్‌లో హెచ్చుతగ్గులు సహజం. అలాంటప్పుడు SIPలను ఆపడానికి బదులు పెట్టుబడిని అలాగే కొనసాగించాలి.

5. ఏడాదికి ఒకసారి ప్లాన్‌ చెక్ చేసుకోండి
ప్రతి సంవత్సరం మీ పెట్టుబడిని, మీ లక్ష్యాన్ని సమీక్షించుకోవాలి. అవసరమైతే SIP మొత్తాన్ని మరింత పెంచుకోవచ్చు.

చిన్న SIP కూడా పెద్ద ఫండ్ క్రియేట్ చేస్తుంది 
కోటీశ్వరులు కావాలంటే ఒకటేసారి చాలా ఎక్కువ డబ్బు కావాలని చాలా మంది భావిస్తారు. కానీ నిజం ఏంటంటే, క్రమశిక్షణతో కూడిన పెట్టుబడి, సమయం ఒక చిన్న SIP కూడా కోట్ల రూపాయల నిధిగా మార్చగలదు. 

మరిన్ని చదవండి

మళ్లీ పెరిగిన ఎల్పీజీ సిలిండర్ ధర.. నేడు హైదరాబాద్‌లో ధర ఎంతంటే

బంగారం కొనే ముందు మీరు తెలుసుకోవాల్సిన విషయాలు ఇవే!