Jharkhand News: ఝార్ఖండ్‌లో కూడా సేమ్ టూ సేమ్- మహిళా ఎస్‌ఐ దారుణ హత్య

Jharkhand News: ఝార్ఖండ్‌లో ఓ మహిళా ఎస్‌ఐని వాహనంతో ఢీ కొట్టి హత్య చేశారు.

(Image Source: ANI)

Jharkhand News: ఝార్ఖండ్‌లో దారుణ ఘటన జరిగింది. రాంచీలో ఓ మహిళా ఎస్‌ఐని దుండగులు దారుణంగా హత్య చేశారు. ఓ చెక్‌ పాయింట్ వద్ద విధులు నిర్వర్తిస్తుండగా వాహనంతో ఢీకొట్టి చంపేశారు. హరియాణాలో డీఎస్‌పీ హత్య జరిగిన మంగళవారమే ఈ ఘటన కూడా జరిగింది.

Jharkhand | Sandhya Topno, a female sub-inspector was mowed down to death during a vehicle check, last night. She was posted as in-charge of Tupudana OP. Accused has been arrested and the vehicle has been seized: SSP Ranchi pic.twitter.com/WoNhSK6QTY

— ANI (@ANI) July 20, 2022

ఇదీ జరిగింది

సంధ్యా టోప్పో అనే మహిళ తుపుదానా పోలీస్ స్టేషన్​లో ఎస్‌ఐగా పనిచేస్తున్నారు. మంగళవారం రాత్రి ఓ చెక్​పాయింట్ వద్ద విధులు నిర్వర్తిస్తున్న సమయంలో దారిలో వెళ్తున్న ఓ వాహనాన్ని ఆపేందుకు ప్రయత్నించారు. అయితే పోలీసులను పట్టించుకోకుండా నిందితులు వాహనాన్ని ముందుకు పోనిచ్చారు.

దీంతో సబ్ ఇన్​స్పెక్టర్ సంధ్యపై నుంచి వాహనం దూసుకెళ్లింది. తీవ్రంగా గాయపడ్డ ఆమెను ఆసుపత్రికి తరలించారు. అయితే చికిత్స పొందుతూ ఆమె ప్రాణాలు కోల్పోయారు.

హరియాణాలో

హరియాణాలో అక్రమ మైనింగ్‌పై విచారణకు వెళ్లిన డీఎస్‌పీని లారీతో ఢీ కొట్టి హత్య చేశారు దుండగులు. నుహ్​లో ఉన్న రాతి గనుల్లో అక్రమ మైనింగ్​ జరుగుతోందనే ఆరోపణలు రావడంతో డీఎస్‌పీ సురేంద్ర సింగ్ బిష్ణోయ్​ దర్యాప్తు చేస్తున్నారు. ఆధారాలు లభ్యం కావడంతో పంచగావ్ వద్ద ఉన్న ఆరావళి కొండల వద్ద అక్రమ మైనింగ్​ను అడ్డుకునేందుకు డీఎస్‌పీ అక్కడికి వెళ్లారు. అయితే అటుగా వెళ్తున్న ఓ లారీని అడ్డుకునేందుకు ఆయన ప్రయత్నించారు.

లారీ డ్రైవర్ ఇవేవీ పట్టించుకోకుండా పోలీసులపైకి వాహనాన్ని పోనిచ్చాడు. డీఎస్​పీ వెంట ఆయన గన్​మన్, డ్రైవర్ ఉన్నారు. లారీ దూసుకొచ్చిన సమయంలో ఇద్దరూ పక్కకు దూకేశారు. డీఎస్​పీ తప్పించుకోలేకపోయారు. లారీతో ఢీకొట్టిన వెంటనే నిందితుడు పారిపోయాడు.  అయితే డీఎస్‌పీని ఆసుపత్రికి తరలించినప్పటికీ అప్పటికే ఆయన మృతి చెందినట్లు వైద్యులు తెలిపారు.