NEET 2022 Dress Code: లోదుస్తులు తీస్తేనే పరీక్ష రాయడానికి అనుమతి- కేరళలో దారుణం!

NEET 2022 Dress Code: కేరళలో ఓ పరీక్షా కేంద్రంలో సిబ్బంది.. విద్యార్థినులతో అసభ్యంగా ప్రవర్తించిన ఘటన కలకలం రేపింది.

(Image Source: Pixabay)

NEET 2022 Dress Code: నీట్ పరీక్షకు హాజరయ్యే ముందు లోదుస్తులు విప్పాలని సిబ్బంది ఒత్తిడి చేసినట్లు వచ్చిన వార్తలు సంచలనంగా మారాయి. కేరళ కొల్లం​లో నీట్ పరీక్ష నిర్వహణ సందర్భంగా ఓ కేంద్రంలో సిబ్బంది ఇలా వ్యవహరించినట్లు బాధితులు ఆరోపించారు. ఈ ఘటనపై మరికొంతమంది విద్యార్థినులు కూడా పోలీసులకు ఫిర్యాదు చేశారు.

Last day, a girl student was forced to remove her innerwear before entering exam hall, while appearing for the NEET-UG exam in Kollam.

The Modi govt's policy of outsourcing the conduct of entrance examinations to private agencies is time & again proving heights of mismanagement.

— V P Sanu (@VP_Sanu) July 19, 2022

ఇదీ జరిగింది

కొల్లంలోని 'మార్ థోమా' కళాశాలలో విద్యార్థినులు లోదుస్తులు తీసిన తర్వాతే నీట్ పరీక్షకు అనుమతించారని మీడియాలో వార్తలొచ్చాయి. ఈ మేరకు కేంద్రంలో పరీక్ష రాసిన ఓ విద్యార్థిని ఈ విషయాన్ని తన తల్లిదండ్రులకు చెప్పింది. దీంతో వారు స్థానిక పోలీస్‌ స్టేషన్‌లో ఫిర్యాదు చేశారు.

నీట్‌ నిబంధనల ప్రకారమే తమ కూతురు బట్టలు వేసుకుందని తల్లిదండ్రులు ఫిర్యాదులో పేర్కొన్నారు. విద్యార్థినులు లోదుస్తులు లేకుండా మూడు గంటలపాటు కూర్చొని పరీక్ష ఎలా రాస్తారని ప్రశ్నించారు. ఈ విషయంపై మానవ హక్కుల సంఘాన్ని కూడా ఆశ్రయిస్తామని వారు తెలిపారు.

ప్రభుత్వం

ఈ ఘటనపై కేరళ విద్యాశాఖ మంత్రి ఆర్‌.బిందు స్పందించారు. విద్యార్థినుల పట్ల సిబ్బంది తీరు సరైందికాదని, ఈ విషయాన్ని నేషనల్‌ టెస్టింగ్‌ ఏజెన్సీ దృష్టికి తీసుకెళ్తామని చెప్పారు. అయితే ఈ సంఘటనను కేరళ రాష్ట్ర మహిళా కమిషన్‌ సుమోటోగా విచారణకు స్వీకరించింది.

Kerala Minister Dr R Bindu has written a letter to Union Education Minister Dharmendra Pradhan, taking strong exception to how girls students were forced to remove their bra before entering a NEET-UG exam centre near Kollam in Kerala. @thenewsminute @dhanyarajendran @rbinducpm pic.twitter.com/U5OWsLuI27

— Lakshmi Priya 🌈 (@lakshmibindu95) July 18, 2022

ఎన్‌టీఏ ఏమందంటే?

అయితే ఈ వార్తలను నేషనల్ టెస్టింగ్ ఏజెన్సీ (NTA) కొట్టిపారేసింది. ఈ ఘటనపై పరీక్షా కేంద్రం సూపరింటెండెంట్‌ను విచారించనట్లు తెలిపింది. ఈ విచారణలో లోదుస్తులు తీసిన తర్వాతే అనుమతించారనే వార్తలు కల్పితమని, దురుద్దేశపూర్వకమని తేలినట్లు వెల్లడించింది.