Currency Notes Shower: ఆ సింగర్ పాటలకు తట్టుకోలేక ముంచేశారు .. కరెన్సీ నోట్లతో - ఈ వీడియోలు చూస్తే ఆశ్చర్యపోతారు!
Gujarat Culture: గుజరాత్లో గాయకుడిపై కరెన్సీ నోట్ల వర్షం కురిపించారు. ఎంతగా అంటే అందులో ఆయన మునిగిపోయారు.
Gujarat Dayro Event Singer Showered With Currency Notes: గుజరాతీ సంప్రదాయ సంగీత కచేరీ డైరో అంటేనే నోట్ల వర్షానికి పెట్టింది పేరు. తాజాగా దేవభూమి ద్వారక జిల్లాలోని ఖంభాలియాలో జరిగిన శ్రీమద్ భాగవత్ సప్తహ వేడుకల్లో ఈ సంప్రదాయం మరోసారి వైరల్గా మారింది. ప్రసిద్ధ జానపద గాయకుడు తన గాత్రంతో భక్తులను మైమరిపిస్తుండగా, వేదికపై ఉన్న వారు , ప్రేక్షకులు ఒక్కసారిగా కరెన్సీ నోట్లను గాలిలోకి విసిరారు. చూస్తుండగానే గాయకుడు నోట్ల కుప్ప కింద దాదాపుగా కూరుకుపోయారు. ఈ దృశ్యాన్ని చూసిన నెటిజన్లు ఇది నోట్ల వర్షం కాదు, అక్షరాలా నోట్ల ప్రవాహం అంటూ ఆశ్చర్యం వ్యక్తం చేస్తున్నారు.
సామాజిక ప్రయోజనం కోసమే ఈ విరాళాలు
కేవలం ఆడంబరం కోసమే ఇలా నోట్లు చల్లుతున్నారని అనుకుంటే పొరపాటే. ఈ ఈవెంట్ వెనుక ఒక గొప్ప సామాజిక లక్ష్యం ఉంది. ఈ కార్యక్రమంలో సేకరించిన ప్రతి పైసాను ఒక మంచి కార్యం కోసం వినియోగించనున్నట్లు నిర్వాహకులు ప్రకటించారు. వేదికపై కురిసిన నోట్లను , వచ్చిన విరాళాలను లెక్కించిన తర్వాత, ఈవెంట్ ఖర్చులను మినహాయించి మిగిలిన మొత్తం సొమ్మును అహిర్ ఛారిటబుల్ ట్రస్ట్ కు అందజేయనున్నారు.
Watch | A singer was nearly buried under a shower of currency notes during a Dayro event in Gujarat. The video is from last night’s performance at a Shrimad Bhagwat Saptah in Khambhaliya, Dwarka district. Organisers announced that after covering the event’s operational expenses,… pic.twitter.com/C3MQY3ht28
— DeshGujarat (@DeshGujarat) May 15, 2026
బాలికల హాస్టల్ నిర్మాణం
ఈ నిధులతో అహ్మదాబాద్లో బాలికల హాస్టల్, ఒక భారీ విద్యా భవనాన్ని నిర్మించనున్నారు. గ్రామీణ ప్రాంతాల నుంచి వచ్చే అహిర్ సామాజిక వర్గానికి చెందిన విద్యార్థినులకు ఉన్నత విద్య కోసం వసతి కల్పించడమే ఈ ప్రాజెక్ట్ ప్రధాన ఉద్దేశ్యం. భక్తితో పాటు విద్యా దానానికి కూడా తోడ్పడాలనే ఉద్దేశంతోనే ప్రజలు ఇంత భారీ ఎత్తున నోట్లను చల్లారని నిర్వాహకులు వెల్లడించారు.
MONEY RAIN IN DWARKA DAYRO
— NIRAJ MALHOTRA (@nirajmalhotra) May 15, 2026
A singer was nearly buried under a shower of currency notes during a #Dayro event in #Gujarat.
The video is from last night’s performance at a Shrimad Bhagwat Saptah in Khambhaliya, #Dwarka district. pic.twitter.com/2x73Y2oOJ6
గుజరాతీ సంస్కృతిలో భాగం
గుజరాత్లోని సౌరాష్ట్ర ప్రాంతంలో ఇలాంటి డైరో కార్యక్రమాల్లో డబ్బులు చల్లడం అనేది ఒక పాత సంప్రదాయం. దీనిని అక్కడ ఘోల్ అని పిలుస్తారు. ఇలా సేకరించిన సొమ్మును సాధారణంగా గోశాలల నిర్వహణకు, పేద పిల్లల చదువులకు , సామాజిక సేవా కార్యక్రమాలకు ఉపయోగిస్తారు. గతంలో కూడా బ్రిటీష్ గాయకుడు హెమ్ మంతన్ పటేల్ వంటి వారి కార్యక్రమాల్లో ఇలాగే కోట్ల రూపాయల నోట్లు చల్లిన సందర్భాలు ఉన్నాయి.
టాప్ హెడ్ లైన్స్
ట్రెండింగ్ వార్తలు
