Bihar News: కుమారుడి శవం ఇచ్చేందుకు లంచం డిమాండ్- డబ్బుల్లేక తండ్రి భిక్షాటన!

Bihar News: కుమారుడి మృతదేహం ఇవ్వడానికి ఓ ఆసుపత్రి రూ.50 వేలు డిమాండ్ చేయడంతో ఆ తల్లిదండ్రులు భిక్షాటన చేశారు.

కుమారుడి శవం ఇచ్చేందుకు లంచం డిమాండ్- డబ్బుల్లేక తండ్రి భిక్షాటన!

Source : ANI

Bihar News: కన్నకొడుకు మృతదేహం కోసం యాచకులుగా మారారు ఆ తల్లిదండ్రులు. కుమారుడి మృతదేహాన్ని అప్పగించాలంటే రూ.50 వేలు లంచం అడిగాడు ఆసుపత్రిలో పని చేసే ఓ ఉద్యోగి. బిహార్‌లో జరిగిన ఈ అమానవీయ ఘటన యావత్ దేశాన్ని ఆవేదనకు గురిచేస్తుంది.

Samastipur, Bihar | Parents of a youth beg to collect money to get the mortal remains of their son released from Sadar Hospital after a hospital employee allegedly asked for Rs 50,000 to release the body pic.twitter.com/rezk7p6FyG

— ANI (@ANI) June 8, 2022

ఇదీ జరిగింది

समस्तीपुर- जवान बेटे का पोस्टमार्टम के लिए माता पिता कर रहा है भिक्षाटन,पोस्टमार्टम कर्मी ने कहा 50 हज़ार लाओ और बेटे का शव ले जाओ।

यहां जीना भी मुश्किल और मरना भी मुश्किल।#बिहार pic.twitter.com/SZew1K1rwL

— Mukesh singh (@Mukesh_Journo) June 8, 2022

బిహార్ సమస్తీపుర్‌లో ఉన్న సర్దార్ ఆసుపత్రి నుంచి ఆ తండ్రికి కాల్ వచ్చింది. మీ కుమారుడు చనిపోయాడు వచ్చి మృతదేహాన్ని తీసుకువెళ్లండి అని ఆసుపత్రి సిబ్బంది ఫోన్ చేశారు. కొన్ని రోజులుగా కనిపించకుండా పోయిన కొడుకు.. చనిపోయాడని తెలిసి ఆదరాబాదరాగా ఆసుపత్రికి వెళ్లారు ఆ తల్లిదండ్రులు. తీరా ఆసుపత్రికి వెళ్లాక తన కుమారుడి మృతదేహం ఇవ్వాలంటే రూ.50వేలు లంచం ఇవ్వాలని డిమాండ్ చేశాడు ఆసుపత్రిలో పని చేసే ఓ ఉద్యోగి.

అంత డబ్బు ఇవ్వడానికి తమ దగ్గర డబ్బులు లేవని ప్రాధేయపడినా వినలేదట. దీంతో డబ్బులు ఇవ్వడానికి మృతుడి తల్లిదండ్రులు యాచకులుగా మారారు. వీరు భిక్షాటన చేస్తోన్న వీడియో, ఫొటోలు ప్రస్తుతం వైరల్‌గా మారాయి.

సర్కార్ సీరియస్

ఈ విషయంపై ప్రభుత్వ అధికారులు ఆగ్రహం వ్యక్తం చేశారు. సర్దార్ ఆసుపత్రి ఉద్యోగిని అదుపులోకి తీసుకుని విచారించి చట్టప్రకారం చర్యలు తీసుకుంటామని పేర్కొన్నారు. అలాగే ఆ తల్లిదండ్రులకు కుమారుడి మృతదేహాన్ని కూడా అప్పగిస్తామని హామీ ఇచ్చారు.