G20 Summit: 'ప్రపంచానికి బాసటగా భారత్.. 2022 చివరి నాటికి 500 కోట్ల టీకా డోసులు'

కరోనాపై యుద్ధంలో ప్రపంచానికి భారత్ బాసటగా నిలిచిందని ప్రధాని నరేంద్ర మోదీ జీ-20 సదస్సులో పేర్కొన్నారు.

జీ20 సదస్సులో మోదీ ప్రసంగం

కరోనాపై పోరాటంలో భారత్ పాత్రపై ప్రధాని నరేంద్ర మోదీ.. జీ20 సదస్సు వేదికగా కీలక వ్యాఖ్యలు చేశారు. 2022 చివరి నాటికి భారత్​ 500 కోట్ల కొవిడ్​ టీకా డోసులను ఉత్పత్తి చేసి కరోనా పోరాటంలో ప్రపంచానికి బాసటగా నిలుస్తుందని ప్రధాని మోదీ పేర్కొన్నారు. కరోనా సంక్షోభ సమయంలో దాదాపు 150 దేశాలకు వైద్య సాయం చేసి భారత్ అండగా నిలిచిందని గుర్తుచేశారు.

As we are looking forward to Day 3 of PM @narendramodi’s engagements in Rome, here is a quick glimpse of the highlights from yesterday ⬇️ pic.twitter.com/IFEjD9Rqeu

— Arindam Bagchi (@MEAIndia) October 31, 2021

Family photo of the #G20 Heads of Delegation attending the #G20RomeSummit with a group of health personnel struggling against the COVID-19. pic.twitter.com/zvCUnf2S3p

— G20 Italy (@g20org) October 30, 2021

ఈ మేరకు జీ-20 సదస్సులో 'ప్రపంచ ఆర్థిక, ఆరోగ్య సెషన్'​లో భాగంగా ప్రధాని మోదీ మాట్లాడారని భారత విదేశాంగ కార్యదర్శి హర్షవర్ధన్ ష్రింగ్లా తెలిపారు. భారత్ తీసుకున్న​ సాహసోపేత ఆర్థిక సంస్కరణల గురించి కుడా మోదీ ఈ సదస్సులో వివరించారని ష్రింగ్లా వెల్లడించారు. ఆర్థిక పునరుద్ధరణ, సరఫరా గొలుసు వైవిధ్యీకరణలో భారత్​ను తమ భాగస్వామిగా మార్చుకోవాలని జీ20 దేశాలను మోదీ ఆహ్వానించారని పేర్కొన్నారు.

మోదీ స్పీచ్ హైలైట్స్..

• అంతర్జాతీయ ప్రయాణాలు పునరుద్ధరించడం, కరోనా టీకా ధ్రుపత్రాలను పరస్పరం గుర్తించుకోవడం వంటి అంశాలను జీ-20 సదస్సులో మోదీ ప్రధానంగా ప్రస్తావించారు.
• భారత్​ స్వదేశీ టీకా కొవాగ్జిన్​కు డబ్ల్యూహెచ్​ఓ ఆమోదం తెలపాల్సి ఉన్న విషయాన్ని పేర్కొన్నారు.
• ఈ టీకాకు డబ్ల్యూహెచ్​ఓ ఆమోదం లభిస్తే ఇతర దేశాలకు భారత్ మరింత సాయపడగలదని వివరించారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి