Vijay Cabinet : విజయ్ కేబినెట్లో అంతా సామాన్యులే - సినిమా వాళ్లకూ ప్రాధాన్యం - లిస్ట్ ఇదే ?
TVK : తమిళనాడులో తమిళగ వెట్రి కళగం ప్రభుత్వం కొలువుదీరబోతోంది. కొత్త మంత్రులెవరన్నది ఆసక్తికరంగా మారనుంది.
TVK Vijay First Cabinet: తమిళనాడు అసెంబ్లీ ఎన్నికల్లో చారిత్రాత్మక విజయం సాధించిన తమిళగ వెట్రి కళగం అధినేత సి. జోసెఫ్ విజయ్, ప్రభుత్వ ఏర్పాటు దిశగా కీలక అడుగులు వేశారు. ఇప్పటికే ప్రభుత్వాన్ని ఏర్పాటు చేసేందుకు తన క్లెయిమ్ను సమర్పించిన విజయ్, తన కేబినెట్ కూర్పుపై కసరత్తు పూర్తి చేసినట్లు తెలుస్తోంది. సీనియర్ నాయకులు, నమ్మకమైన అనుచరులు, యువత కలయికతో ఒక సమతుల్యమైన టీమ్ విజయ్ సిద్ధమైంది.
సీనియర్లకు కీలక శాఖలు.. బుస్సీ ఆనంద్కు హోం ?
విజయ్ కుడిభుజంగా, పార్టీ ప్రధాన కార్యదర్శిగా కీలక పాత్ర పోషించిన బుస్సీ ఆనంద్ కు కేబినెట్లో అత్యంత ప్రాముఖ్యత కలిగిన హోం శాఖ లేదా ప్రజా పనుల శాఖ దక్కే అవకాశం ఉంది. అలాగే, ఏఐఏడీఎంకే నుంచి వచ్చి టీవీకేలో చేరిన రాజకీయ ఉద్దండుడు సెంగోట్టయన్ అనుభవాన్ని పరిగణనలోకి తీసుకుని, ఆయనకు విద్యాశాఖ లేదా వ్యవసాయ శాఖ బాధ్యతలు అప్పగించవచ్చని సమాచారం. ఎన్నికల వ్యూహకర్తగా పేరుగాంచిన ఆదవ్ అర్జున కు పరిశ్రమలు లేదా ఆర్థిక శాఖ వంటి కీలక పోర్ట్ఫోలియోలు దక్కనున్నాయి.
సాంకేతికత, యువతకు పెద్దపీట
సాంకేతిక రంగంలో నిపుణులైన సీటీఆర్ నిర్మల్ కుమార్ , అరుణ్ రాజ్ లకు ఐటీ, కమ్యూనికేషన్స్ బాధ్యతలు అప్పగించే సూచనలు కనిపిస్తున్నాయి. ఇక పార్టీ ఆవిర్భావం నుంచి విజయ్ వెంట నడుస్తున్న యువ నేతలు సత్యభామ, డాక్టర్ ప్రభు, మదురై కల్లనై, విజయ్ సరవణన్ వంటి వారికి వైద్యం, విద్య, సాంఘిక సంక్షేమ శాఖల్లో అవకాశం కల్పించబోతున్నట్లు తెలుస్తోంది. ముఖ్యంగా విజయ్ సన్నిహితుడు, నటుడు శ్రీనాథ్ , ఐటీ వింగ్లో చురుగ్గా పనిచేసిన రాజ్మోహన్ లకు కేబినెట్లో చోటు దక్కడం ఖాయమని పార్టీ వర్గాలు చర్చించుకుంటున్నాయి.
స్పీకర్ రేసులో ఇద్దరు హేమాహేమీలు
శాసనసభను నడిపించే గౌరవప్రదమైన స్పీకర్ పదవి కోసం స్టాలిన్ పై గెలిచిన వి.ఎస్. బాబు , జె.సి.డి. ప్రభాకరన్ పేర్లు బలంగా వినిపిస్తున్నాయి. సభా నియమ నిబంధనలపై పట్టున్న వీరిద్దరిలో ఒకరిని ఎంపిక చేయడం ద్వారా పరిపాలనలో పారదర్శకతను పెంచాలని విజయ్ భావిస్తున్నారు.
ప్రజాస్వామ్య తీర్పు.. మైనారిటీ ప్రభుత్వ సవాల్
తమిళనాడు దశాబ్దాల రాజకీయ ముఖచిత్రాన్ని మార్చేస్తూ టీవీకే 108 స్థానాల్లో విజయం సాధించి సింహాసనాన్ని దక్కించుకుంది. రెండు చోట్లా గెలిచిన విజయ్, ఒక స్థానానికి రాజీనామా చేయాల్సి రావడంతో టీవీకే బలం 107కు చేరనుంది. డీఎంకే 73 స్థానాలతో ప్రతిపక్ష హోదాకు పరిమితమవ్వగా, ఏఐఏడీఎంకే 53 సీట్లను గెలుచుకుంది. ఈ క్రమంలో 107 సీట్లతో మైనారిటీ ప్రభుత్వాన్ని విజయ్ ఎలా నడిపిస్తారు? విద్య, వైద్యం, ఉపాధి వంటి ప్రజల కనీస అవసరాల విషయంలో ఎలాంటి విప్లవాత్మక మార్పులు తెస్తారు? అనేది ఇప్పుడు సర్వత్రా ఆసక్తి రేకెత్తిస్తోంది.
Before You Go
MahuaMoitra: మహువా మొయిత్రాకు షాక్.. చోర్ అంటూ నినాదాలు|
టాప్ హెడ్ లైన్స్
ట్రెండింగ్ వార్తలు
