Maharashtra Politics: నవాబ్ X ఫడణవీస్.. 'మహా' రాజకీయంలో బాంబుల మంటలు

మహారాష్ట్రలో రాజకీయంలో మాటల దాడులు పెరిగాయి. భాజపా నేత దేవేంద్ర ఫడణవీస్ హైడ్రోజన్ బాంబు లాంటి వార్త చెబుతానని మంత్రి నవాబ్ మాలిక్ అన్నారు.

నవాబ్ మాలిక్ సంచలన వ్యాఖ్యలు

ముంబయి డ్రగ్స్ కేసు దర్యాప్తు జరుగుతున్నప్పటి నుంచి మహారాష్ట్ర మంత్రి నవాబ్ మాలిక్ సంచలన వ్యాఖ్యలు చేస్తూనే ఉన్నారు. రోజుకో బాంబు పేల్చుతున్నారు. అయితే ఈ మాటల బాంబులు చివరికి మహారాష్ట్ర మాజీ సీఎం దేవేంద్ర ఫడణవీస్‌ను కూడా తాకాయి. దీంతో ఫడణవీస్.. నవాబ్ మాలిక్‌కు అండర్ వరల్డ్‌తో సంబంధాలున్నాయంటూ దీపావళి బాంబు పేల్చారు.

Mr Nawab Malik,

WHY DID YOU DO BUSINESS WITH THE KILLERS OF MUMBAI ❓❓❓: @Dev_Fadnavis #DevendraFadnavis pic.twitter.com/da8k0OofmD

— @OfficeOfDevendra (@Devendra_Office) November 9, 2021

దీనిపై స్పందించిన నవాబ్ మాలిక్.. తాను రేపు భాజపా నేతపై హైడ్రోజన్ బాంబు వదులుతానని పేర్కొన్నారు.

Mumbai | I will drop a hydrogen bomb tomorrow in connection with Devendra Fadnavis. I will expose Devendra Fadnavis' underworld links: Maharashtra minister Nawab Malik pic.twitter.com/gqiyel94Lw

— ANI (@ANI) November 9, 2021

ఏం చెబుతారు?

దేవేంద్ర ఫడణవీస్‌కు అండర్ వరల్డ్‌తో ఉన్న సంబంధాలను తాను బయటపెడతానని నవాబ్ మాలిక్ అన్నారు. ముంబయి పేలుళ్ల దోషులతో తనకు సంబంధాలున్నాయని చెప్పి.. తన ప్రతిష్ఠకు భంగం కలిగించే ప్రయత్నం చేశారని నవాబ్ మాలిక్ ఆరోపించారు. త్వరలోనే వారికి లీగల్ నోటీసులు పంపుతానని మాలిక్ అన్నారు.

నవాబ్‌పై కేసు..

డ్రగ్స్ కేసు దర్యాప్తు చేసిన ఎన్‌సీబీ అధికారి సమీర్ వాంఖడేపై మాలిక్ పలు ఆరోపణలు చేశారు. దీంతో వాంఖడే కుటుంబం ఆయనపై పరువునష్టం దావా వేసింది. నవాబ్ మాలిక్‌పై ఎస్సీ, ఎస్టీ చట్టం కింద ఎఫ్ఐఆర్ నమోదు చేయాలని వాంఖడే తండ్రి ధ్యాన్‌దేవ్ వాంఖడే ఓషివారా డివిజన్ పోలీసులకు ఫిర్యాదు చేశారు.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి