COVID Vaccination Certificate: భారత్ టీకాలు తీసుకున్నారా బేఫికర్.. ఆ 96 దేశాలకు ఇక బ్యాగ్ సద్దేయండి!

భారత్ జారీ చేసే కొవిడ్ టీకా ధ్రువీకరణ పత్రానికి 96 దేశాలు ఆమోదం తెలిపాయని కేంద్ర ఆరోగ్య మంత్రి మన్​సుఖ్ మాండవీయ తెలిపారు.

భారత టీకాలు తీసుకున్నారా ఇక బేఫికర్

భారత్ తయారు చేసిన టీకాలకు ప్రపంచవ్యాప్తంగా ఆమోదం లభిస్తోంది. కొవిడ్ సర్టిఫికెట్ల పరస్పర అంగీకారానికి ఇప్పటి వరకు 96 దేశాలు ఆమోదం తెలిపాయి. ఈ మేరకు కేంద్ర ఆరోగ్య శాఖ మంత్రి మన్​సుఖ్ మాండవీయ పేర్కొన్నారు. ప్రపంచ ఆరోగ్య సంస్థ (డబ్ల్యూహెచ్ఓ) 8 వ్యాక్సిన్లకు అత్యవసర అనుమతులు జారీ చేస్తే.. అందులో రెండు (కొవిషీల్డ్, కొవాగ్జిన్) టీకాలు భారత్​కు చెందినవి ఉండటం గర్వకారణం అన్నారు.

ఇక ఈజీగా..

భారత్‌లో తయారైన కొవిషీల్డ్, కొవాగ్జిన్ వేసుకున్న ప్రజలు ఈ దేశాలకు ఇక ఎలాంటి నిబంధనలు లేకుండా ప్రయాణించవచ్చు. కేవలం వ్యాక్సిన్ వేయించుకున్న సర్టిఫికేట్ ఉంటే సరిపోతుంది. కొవిన్ యాప్ ద్వారా సులభంగా సర్టిఫికేట్‌ను తీసుకోవచ్చు. కొవిన్ యాప్​లో ఈ దేశాల జాబితా అందుబాటులో ఉందని మన్‌సుఖ్ తెలిపారు.

PM @NarendraModi जी के नेतृत्व में #HarGharDastak अभियान के तहत टीकाकरण अभियान तेज गति से चल रहा है।

96 देशों ने भारत की दोनों वैक्सीन को मान्यता दी है। आने वाले समय में और भी देश दोनों वैक्सीन को मान्यता दें इसके लिए प्रयास जारी है।

📖 https://t.co/Q2HvItVdUw pic.twitter.com/TN8TXmWTGu

— Office of Dr Mansukh Mandaviya (@OfficeOf_MM) November 9, 2021

మరిన్ని దేశాల్లో టీకా ధ్రువీకరణ పత్రానికి గుర్తింపు కోసం భారత్ ప్రయత్నిస్తోందని మాండవీయ స్పష్టం చేశారు. భారత టీకాలకు గుర్తింపునిచ్చిన దేశాలకు వెళ్తే ప్రయాణ ఆంక్షలకు మినహాయింపు ఉంటుందని తెలిపారు.

ఇప్పటికే కొవాగ్జిన్ అత్యవసర వినియోగానికి డబ్ల్యూహెచ్ఓ అనుమతి లభించింది. అంతకుముందు ఆస్ట్రేలియా వంటి దేశాలు కూడా కొవాగ్జిన్ టీకాను ఆమోదించాయి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి