SBI Video Life Certificate: ఎస్‌బీఐ అద్భుత సర్వీస్‌..! వీడియో కాల్‌ ద్వారా లైఫ్‌ సర్టిఫికెట్‌ సబ్‌మిట్‌

పింఛన్‌దారుల కోసం ఎస్‌బీఐ ఓ అద్భుతమైన సేవను ప్రకటించింది. 'వీడియో లైఫ్‌ సర్టిఫికెట్‌' సౌకర్యం కల్పించింది. ఈ ఆప్షన్‌ ఉపయోగించుకొని పింఛన్‌దారులు వీడియో ద్వారా ఇంటి నుంచే లైఫ్‌ సర్టిఫికెట్‌ను సమర్పించొచ్చు. అయితే ప్రభుత్వం నుంచి పింఛన్‌ తీసుకొనే వాళ్లకు ఈ ఫీచర్‌ ఉపయోగపడదని ఎస్‌బీఐ తెలిపింది. వీడియో ప్రక్రియ ద్వారా లైఫ్‌ సర్టిఫికెట్‌ను ఉచితంగానే సమర్పించొచ్చని వెల్లడించింది.

'ఇప్పుడు ఇంటి దగ్గర్నుంచే లైఫ్‌ సర్టిఫికెట్‌ను సబ్‌మిట్‌ చేయండి! 2021, నవంబర్‌ 1న మా వీడియో లైఫ్‌ సర్టిఫికెట్‌ సర్వీస్‌ను ఆరభించాం. సులభంగా వీడియో కాల్‌ చేసి జీవినపత్రం సమర్పించొచ్చు' అని ఎస్‌బీఐ ట్వీట్‌ చేసింది. పింఛనుదారులు, కుటుంబ పింఛనుదారులు నవంబర్‌ 30లోగా లైఫ్‌ సర్టిఫికెట్లను సమర్పించడం అత్యంత కీలకం. లేదంటే వారికి పింఛను ఆగిపోయే ప్రమాదం ఉంటుంది.

ఎస్‌బీఐలో మీకు పింఛన్‌ ఖాతా ఉంటే వీడియో ప్రక్రియ ద్వారా సులభంగా జీవన పత్రం సమర్పించొచ్చు. ఈ విధానాన్ని ట్వీట్లో స్పష్టంగా వివరించారు.

ఇలా సబ్మిట్ చేయండి

* మొదట www.pensionseva.sbiకి లాగిన్‌ అవ్వాలి.
* వీడియో లైఫ్‌ సర్టిఫికెట్‌ ప్రక్రియ మొదలు పెట్టేందుకు వీడియో ఎల్‌సీపై క్లిక్‌ చేయాలి.
* ఎస్‌బీఐ పింఛన్‌ ఖాతా నంబర్‌ ఎంటర్‌ చేయాలి.
* మీ మొబైల్‌కు ఓటీపీ వస్తుంది. ఆధార్‌తో పాటు దానిని ఎంటర్‌చేసి సబ్‌మిట్‌ చేయాలి.
* ఆడియో, వీడియో, కెమేరా యాక్సెస్‌ ఇవ్వాలని కోరుకుతుంది. 'స్టార్ట్‌ జర్నీ'ని క్లిక్‌ చేయాలి.
* మీ పాన్‌ కార్డును సిద్ధంగా ఉంచుకొని 'ఐయామ్‌ రెడీ'పై క్లిక్‌ చేయాలి.
* వీడియో కాల్‌ పర్మిషన్‌ అడుగుతుంది. అనుమతి ఇవ్వాలి. ఎస్‌బీఐ అధికారి మీతో మాట్లాడతాడు.
* మీ స్క్రీన్‌పై కనిపించిన నాలుగు అంకెల వెరిఫికేషన్‌ను చదవాలి.
* అధికారి అడగ్గానే మీ పాన్‌ చూపించాలి.
* బ్యాంకు అధికారి మీ ఫొటో తీసుకొని లైఫ్‌ సర్టిఫికెట్‌ ప్రక్రియ ముగిస్తారు.

Now submit your #LifeCertificate from the comfort of your home! Our #VideoLifeCertificate service launching on 𝟏𝐬𝐭 𝐍𝐨𝐯 𝟐𝟎𝟐𝟏 will allow pensioners to submit their life certificates through a simple video call.#SBI #Pensioner #AzadiKaAmritMahotsav #AmritMahotsav pic.twitter.com/SsyJjnCPlL

— State Bank of India (@TheOfficialSBI) October 29, 2021

Also Read: Cheapest car loan: కార్‌ కొంటారా? ఇంత కన్నా తక్కువ వడ్డీకి ఎవరూ లోన్‌ ఇవ్వరు..! కొన్ని రోజులే ఛాన్స్..!

Also Read: Provident Funds: ప్రావిడెంట్‌ ఫండ్స్‌ ఎన్ని రకాలు? ఎందులో దాచుకుంటే ఎంత డబ్బొస్తుందో తెలుసా?

Also Read: Income Tax Update: మీరు పన్ను చెల్లింపుదారులా? కొత్త స్టేట్‌మెంట్‌ తెచ్చిన ఐటీ శాఖ

Also Read: Buying First House Tips: మొదటిసారి ఇల్లు కొంటున్నారా..! ఈ తప్పులు చేయకండి

Also Read: Whatsapp New Feature: ఇంటర్ నెట్ అవసరం లేకుండానే వాట్సాప్ వాడుకోవచ్చు.. అద్భుతమైన నయా ఫీచర్

Also Read: RIL Official Statement: అంబానీ ఫ్యామిలీ లండన్‌కు షిప్టు అయిపోతుందా.. లండన్‌లో ప్యాలెస్ ఎందుకు కొన్నట్టు.. దీనిపై రిలయన్స్‌ రియాక్షన్ ఏంటి?

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి