రికార్డు ధర పలికిన బాలాపూర్ గణేష్‌ లడ్డు- 27 లక్షలకు దక్కించుకున్న దయానంద్‌ రెడ్డి

ఈసారి కూడా బాలాపూర్ లడ్డూ కోసం భక్తులు పోటీ పడ్డారు. గత రికార్డులను చెరిపేస్తూ సరికొత్త చరిత్రను సృష్టించిందీ లడ్డూ. 30వసారి జరిగిన లడ్డూ వేలాం ప్రతి ఏడాది సరికొత్త రికార్డులు క్రియేట్ చేస్తోంది.

రికార్డు ధర పలికిన బాలాపూర్ గణేష్‌ లడ్డు

Hyderabad Balapur Ganesh Laddu Auction 2023: హైదరాబాద్ గణేష్ ఉత్సవాల్లో ఖైరతాబాద్‌ గణపతి ఎంత ఫేమస్సో... బాలాపూర్‌ లడ్డూ వేలం కూడా అంతే ఫేమస్. అందుకే గణేష్‌ నిమజ్జనం టైంలో బాలాపూర్ లడ్డూ ఎవరు పాడారు. ఎంతకు పాడారు అనే చర్చ తెలుగు రాష్ట్రాల్లో మారుమోగుతూ ఉంటుంది. 

ఈసారి కూడా బాలాపూర్ లడ్డూ కోసం భక్తులు పోటీ పడ్డారు. గత రికార్డులను చెరిపేస్తూ సరికొత్త చరిత్రను సృష్టించిందీ లడ్డూ. 30వసారి జరిగిన లడ్డూ వేలాం ప్రతి ఏడాది సరికొత్త రికార్డులు క్రియేట్ చేస్తోంది. ఈ ఏడాది బాలాపూర్‌ గణేష్ లడ్డూ వేలంపాటలో 36 మంది భక్తులు పాల్గొన్నారు. 

గతేడాది 24 లక్షల 60 వేల రూపాయలు పలికితే ఈసారి అంతకు మించిపోయింది. 27 లక్షల రూపాయలకు తుర్కయాంజల్‌కు చెందిన  దాసరి దాయనంద్ రెడ్డి దక్కించుకున్నారు. వచ్చే ఏడాది నుంచి వేలాంపాటలో పాల్గొనాలనే వాళ్లంతా ఉత్సవ కమిటీకి ముందుగానే ఇవ్వాలని తీర్మానించారు.     

గతేడాది లడ్డూ దక్కించుకున్న లక్ష్మారెడ్డి   

గతేడాది ఈ లడ్డూ 24 లక్షల 60 వేలు చెల్లించి వంగేటి లక్ష్మారెడ్డి అనే వ్యక్తి దక్కించుకున్నారు. ఈయన ఈసారి కూడా వేలంలో పాల్గొన్నారు. గతేడాది బాలాపూర్ గణేష్ లడ్డూ వేలంలో 9 మంది పాల్గొన్నారు. లడ్డూను దక్కించుకునేందుకు ఆరుగురు స్థానికులు, ముగ్గురు స్థానికేతరులు పోటీ పడ్డారు. వీరిలో జక్కిడి శివచరణ్ రెడ్డి, దాసరి దయానంద్ రెడ్డి, ఎర్ర జయిం, పోరెడ్డి శ్రీనివాస్ రెడ్డి, కొణతం ప్రకాశ్ రెడ్డి, నవారి శ్రీనివాస్ రెడ్డి, వొంగేటి లక్ష్మారెడ్డి, కొలను శంకర్ రెడ్డి తదితరులు వేలం పాటలో పాల్గొన్నారు. 

తొలుత నిర్వహకులు లడ్డూ ధరను 5 లక్షల నుంచి ప్రారంభించారు. బాలాపూర్ లడ్డూ ధరను వేలం పోటీలో పాల్గొన్న వారు అమాంతం పెంచుకుంటూ పోయారు. చివరకు 24 లక్షల 60 వేలకు వంగేటి లక్ష్మారెడ్డి అనే వ్యక్తి లడ్డూను దక్కించుకున్నారు.

గణేష్ లడ్డూ వేలం అనగానే అటు ఆంధ్రప్రదేశ్, ఇటు తెలంగాణ రాష్ట్ర ప్రజలకు వెంటనే గుర్తుకు వచ్చేది బాలాపూర్ మాత్రమే. తెలంగాణ రాజధాని హైదరాబాద్ శివారు బాలాపూర్ గ్రామంలో నగరాత్రి ఉత్సవాల్లో భాగంగా లడ్డూను వేలం వేయడాన్ని మొదట ప్రారంభించింది అక్కడే. మొదట కొంత మొత్తం ధరతో లడ్డూను సొంతం చేసుకున్నారు. కానీ సంవత్సరాలు గడిచే కొద్దీ.. బాలాపూర్ లడ్డూ వేలం ధర వేలు, 10 వేలు, లక్షలు దాటి పదుల లక్షల్లోకి వచ్చేసింది. ప్రతి సంవత్సరం దాని రికార్డును అదే బద్దలు కొట్టుకుంటోంది. బాలాపూర్ లడ్డూ వేలంలో దక్కించుకున్న వారు తమకు చాలా మంచి జరుగుతోందని బలంగా నమ్ముతున్నారు. అది వారికి, వారి కుటుంబసభ్యులకు, గ్రామస్థులకు మేలు జరుగుతోందని విశ్వసిస్తున్నారు. ఆ విశ్వాసం క్రమంగా రెండు తెలుగు రాష్ట్రాలతో పాటు వివిధ రాష్ట్రాలకు కూడా పాకింది. బాలాపూర్ లడ్డూను ఎలాగైన సొంతం చేసుకోవాలన్న కాంక్ష పెరిగి పోయింది. ఇందుకోసం లక్షలాది రూపాయలు సైతం వెచ్చించడానికి వెనకాడటం లేదు. 

ఇప్పటి వరకు లడ్డూ దక్కించుకున్న వ్యక్తులు 

సంవత్సరం	దక్కించుకున్న వ్యక్తులు	పాడుకున్న ధర
1994	కొలను మోహన్ రెడ్డి	రూ. 450
1995	కొలనుమోహాన్ రెడ్డి	రూ.4500
1996	కొలను కృష్ణారెడ్డి	రూ.18 వేలు
1997	కొలను కృష్ణారెడ్డి	రూ.28వేలు
1998	కొలను మోహన్ రెడ్డి	రూ. 51వేలు
1998	కళ్లెం ప్రతాప్ రెడ్డి	రూ.65వేలు
1999	కళ్లెం అంజిరెడ్డి	రూ.66వేలు
2000	జి. రఘునందన్ చారి	రూ.85వేలు
2001	కందాడ మాధవరెడ్డి	రూ.1.05లక్షలు
2002	చిగురంత తిరుపతిరెడ్డి	రూ.1.55లక్షలు
2003	కొలను మోహన్ రెడ్డి	రూ.2.01లక్షలు
2004	ఇబ్రహీం శేఖర్	రూ.2.08లక్షలు
2005	చిగురంత తిరుపతి రెడ్డి	రూ.3 లక్షలు
2006	జి.రఘునందన్ చారి	రూ.4.15లక్షలు
2007	కొలను మోహన్ రెడ్డి	రూ. 5.07 లక్షలు
2008	సరిత	రూ.5.10లక్షలు
2009	కొడలి శ్రీధర్ బాబు	రూ. 5.35లక్షలు
2010	కొలను బ్రదర్స్	రూ. 5.45లక్షలు
2011	పన్నాల గోవర్థన్	రూ. 7.50లక్షలు
2012	తీగల కృష్ణారెడ్డి	రూ.9.26లక్షలు
2013	సింగిరెడ్డి జైహింద్ రెడ్డి	రూ. 9.50లక్షలు
2014	కళ్లెం మదన్ మోహాన్ రెడ్డి	రూ. 10.32 లక్షలు
2015	స్కైలాబ్ రెడ్డి	రూ. 14.65లక్షలు
2016	నాగం తిరుపతి రెడ్డి	రూ.15.60 లక్షలు
2017	తిరుపతిరెడ్డి	రూ. 15 లక్షల 60 వేలు
2018	శ్రీనివాస్‌ గుప్తా	రూ. 16 లక్షల 60 వేలు
2019	కొలను రాంరెడ్డి	రూ.17.60 లక్షలు
2021	మర్రి శశాంక్‌రెడ్డి, రమేశ్ యాదవ్	రూ. 18.90 లక్షలు
2022	వంగేటి లక్ష్మారెడ్డి	రూ. 24 లక్షల 60 వేలు
2023	దాసరి దయానంద్‌ రెడ్డి	రూ. 27 లక్షలు

కరోనా కారణంగా 2020లో వేలాం పాట నిర్వహించలేదు.