Himachal Pradesh: కొండపై నుంచి కిందపడిన బస్సు.. 32 మందికి గాయాలు

హిమాచల్ ప్రదేశ్ లో ఓ బస్సు కొండపై నుంచి కిందపడింది. ఈ ఘటనలో 32 మందికి గాయాలయ్యాయి.

హిమాచల్ ప్రదేశ్ లో బస్సు ప్రమాదం (రిప్రజంటేటివ్ ఇమేజ్)

హిమాచల్ ప్రదేశ్ లో ఘోర ప్రమాదం జరిగింది. సోలాన్ జిల్లా నాలాగఢ్ లోని బరోటివాలాలో కొండపై నుంచి బస్సు కిందపడింది. ఘటనలో 32 మంది ప్రయాణికులకు గాయాలయ్యాయి. వీరందరినీ స్థానిక ఆసుపత్రికి తరలించినట్లు రాష్ట్ర విపత్తు నిర్వహణ దళం తెలిపింది.

Himachal Pradesh | 32 people injured after a bus rolled down a cliff in Barotiwala of Nalagarh in Solan district. All injured being treated at a local hospital: State Disaster Management Authority

— ANI (@ANI) August 21, 2021

తప్పిన పెను ప్రమాదం..

#WATCH | Uttarakhand: A bus carrying 14 passengers narrowly escaped a landslide in Nainital on Friday. No casualties have been reported. pic.twitter.com/eyj1pBQmNw

— ANI (@ANI) August 21, 2021

ఉత్తరాఖండ్​లోని నైనిటాల్​లో త్రుటిలో ఓ ప్రమాదం తప్పింది. భారీ వర్షాలకు శుక్రవారం సాయంత్రం వీర్​ భట్టీ ప్రాంతంలో రహదారిపై కొండచరియలు విరిగిపడ్డాయి. ఆ సమయంలో 14 మంది ప్రయాణికులతో కేఎంఓయూకు చెందిన బస్సు అల్మోరా నుంచి హల్దివానికి వెళ్తోంది. బస్సుకు అడుగుల దూరంలోనే ఈ ఘటన జరగటం వల్ల ప్రయాణికులు భయాందోళనకు గురయ్యారు. కొండచరియలు విరిగిపడుతున్నప్పుడు కొంతమంది ప్రాణాలు కాపాడుకునేందుకు బస్సు కిటికీల్లోంచి దూకేశారు. ఈ వీడియో నెట్టింట్లో వైరల్ అవుతుంది.

దిల్లీలో కుండపోత..

ये समुद्र की लहरें मुम्बई या गोवा के पास की नहीं है।ये लहरों का नजारा दिल्ली के ITO का है। महाठग @ArvindKejriwal दिनभर अपने छुटभैया नेताओं से प्रेस वार्ता कर भाजपा को कोसने में लगा रहता है… काश कुछ पैसा दिल्लीवालो पर भी खर्च किया होता….,pic.twitter.com/w77GQaeQcJ

— Naveen Kumar Jindal 🇮🇳 (@naveenjindalbjp) August 21, 2021

దిల్లీని భారీ వర్షాలు ముంచెత్తాయి. ఎడతెరపి లేకుండా కురిసిన వర్షాలకు లోతట్టు ప్రాంతాలు జలమయమయ్యాయి. దిల్లీలోని సఫ్దార్‌గంజ్‌ ప్రాంతంలో 24 గంటల్లో రికార్డు స్థాయిలో 13.8 సెంటీమీటర్ల వర్షం కురిసినట్లు వాతావరణ శాఖ తెలిపింది. ఆగస్టు నెలలో దిల్లీలో ఒక రోజులో ఇంత భారీ స్థాయిలో వర్షం కురవడం 13ఏళ్లలో ఇదే తొలిసారి. 

వర్షం కారణంగా దిల్లీ రైల్వే స్టేషన్‌లోకి వరద నీరు చేరింది. అనేక రైళ్లు రద్దయ్యాయి. పలు అండర్‌పాస్‌ రోడ్లలో భారీగా నీరు చేరడంతో ఆ మార్గాల్లో రాకపోకలను నిలిపివేశారు.