Omicron: గుడ్ న్యూస్... ఈ వ్యాక్సిన్ ఒమిక్రాన్‌కు చుక్కలు చూపిస్తుందట, మీరు ఇదే వేయించుకున్నారా?

Omicron రెచ్చిపోతున్న వేళ ఇప్పుడందరూ మళ్లీ వ్యాక్సిన్ గురించే చర్చలు మొదలుపెట్టారు.

(Image credit: Pixabay)

ఒమిక్రాన్ ఏ వ్యాక్సిన్‌ను తట్టుకుంటుంది? ఏ వ్యాక్సిన్ ఈ కొత్త వేరియంట్ పై పనిచేస్తుంది? బూస్టర్ డోస్ అవసరమా? ఇలా ఇప్పుడు మళ్లీ వ్యాక్సిన్లపై జోరుగా చర్చలు సాగుతున్నాయి. అయితే ఓ వ్యాక్సిన్ ఒమిక్రాన్ పై ప్రభావవంతంగా పనిచేస్తున్నట్టు కొత్త పరిశోధన తేల్చింది. ఆ వ్యాక్సిన్ ఏదంటే ‘స్పుత్నిక్  V’. ఈ వ్యాక్సిన్ ఒమిక్రాన్‌కి వ్యతిరేకంగా బాగా పనిచేస్తున్నట్టు కనుగొన్నారు పరిశోధకులు. దీన్ని బూస్టర్ డోస్‌గా తీసుకుంటే ఒమిక్రాన్ వేరియంట్ కు వ్యతిరేకంగా ప్రభావవంతంగా పనిచేస్తున్నట్టు రష్యాలోని గమలేయా సెంటర్లో నిర్వహించిన ప్రాథమికం ప్రయోగంలో తేలింది. 

Omicron వేరియంట్‌కు వ్యతిరేకంగా స్పుత్నిక్ V అధిక వైరస్ న్యూట్రలైజింగ్ చర్యను ప్రదర్శిస్తుందని కూడా ప్రయోగంలో తెలిసింది. వేరియంట్ తీవ్రంగా ఊపిరితిత్తులపై ప్రభావం చూపే అవకాశాన్ని, ఆసుపత్రిలో చేరే అవకాశాన్ని చాలా వరకు తగ్గిస్తుందని ఫలితం వచ్చింది. దీంతో రష్యాలోని ప్రజలు బూస్టర్ డోస్ తీసుకునేందుకు ఆసక్తి చూపిస్తున్నారు. ఈ అధ్యయనాన్ని జర్మనీకి చెందిన ఇన్ స్టిట్యూట్ ఫర్ మెడికల్ వైరాలజీ అనే జర్నల్ లో ప్రచురించారు.

Koo App

View attached media content

- Anand Sai (@Madasu1) 18 Dec 2021

 

 ఈ ప్రయోగంలో రెండు డోసుల వ్యాక్సినేషన్ పూర్తయిన వందమందిని ఎంపిక చేసుకుని వారికి బూస్టర్ డోస్ గా స్పూత్నిక్ Vని ఇచ్చారు. బూస్టర్ డోస్ ఇచ్చాక వారిలో ఒమిక్రాన్ వైరస్లను న్యూట్రలైజ్ చేసే యాంటీబాడీలు అధికంగా ఉత్పత్తి అయినట్టు గుర్తించారు. ఈ వ్యాక్సిన్ ను దాదాపు 71 దేశాలలో గుర్తించారు. 

గమనిక:ఈ కథనంలో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు. ఏదైనా వ్యాయామం లేదా డైట్‌లో మార్పులు చేయాలనుకుంటే తప్పకుండా మీరు వైద్యుడు, డైటీషియన్‌ను సంప్రదించాలి.  

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి