Pressure Cooker : ప్రెజర్ కుక్కర్ పేలిపోకుండా తీసుకోవాల్సిన జాగ్రత్తలు, ఫాలో అవ్వాల్సిన టిప్స్ ఇవే

Pressure Cooker Blast : ప్రెజర్​ కుక్కర్​ని ఉపయోగించడంలో మిస్టేక్స్ చేస్తే అవి పేలిపోయే ప్రమాదముంది. కాబట్టి కొన్ని టిప్స్ ఫాలో అయితే ఈ ప్రమాదాల నుంచి తప్పించుకోవచ్చట. 

ప్రెజర్ కుక్కర్ ఇలా వాడితే ప్రమాదాలు జరగవు (Image Source : Envato)

Source : Envato

Tips to Avoid Pressure Cooker Explosions : ప్రతి ఇంట్లో ప్రెజర్ కుక్కర్ ఉంటుంది. వివిధ అవసరాలకోసం బ్యాచిలర్స్​ నుంచి ఫ్యామిలీ వరకు అందరూ దీనిని వినియోగిస్తూ ఉంటారు. ముఖ్యంగా త్వరగా ఆహారాన్ని కుక్ చేసుకోవాలనుకున్నప్పుడు కుక్కర్స్ బెస్ట్ ఆప్షన్ అందుకే వీటి వినియోగం ఎక్కువగా ఉంటుంది. అయితే దీనిని సరిగ్గా వినియోగించకుంటే మాత్రం ప్రాణాంతకం అవ్వొచ్చు. ఇటీవల కాలంలో కుక్కర్లు పేలిపోవడం చూస్తూ ఉన్నాము. కుక్కర్​ పేలి కొందరు ప్రాణాలు కూడా కోల్పోతున్నారు. అందుకే ప్రెజర్ కుక్కర్​ని వాడేప్పుడు సేఫ్టీ చాలా ముఖ్యం. 

కొనేప్పుడు తీసుకోవాల్సిన జాగ్రత్తలు

ప్రెజర్ కుక్కర్​ని కొనేప్పుడే దాని సామర్థ్యం, పరిమాణం, వారెంటీ, వాడుకలో సౌలభ్యం వంటి అంశాలను పరిగణలోకి తీసుకోవాలి. ఇవి ట్రెడీషనల్ స్టవ్​ టాప్​లు, ఎలక్ట్రిక్ కుక్​టాప్​ల కోసం వివిధ మోడల్స్​లో అందుబాటులో ఉంటాయి. కాబట్టి అన్ని అంశాలు సరి చూసుకొని వీటిని కొనుక్కుంటే మంచిది. మరి దానిని వినియోగించుకునేప్పుడు ఎలాంటి జాగ్రత్తలు తీసుకోవాలో.. ఎలాంటి టిప్స్ ఫాలో అయితే కుక్కర్ పేలకుండా నిరోధించవచ్చో ఇప్పుడు చూద్దాం. 

ప్రమాదాన్ని తగ్గించడానికి.. ప్రెజర్​ని విడుదల చేసే వాల్వ్​లు, లాకింగ్​ మెకానిజమ్​లు మంచి కండీషన్​లో ఉన్నాయో లేదో కొనేప్పుడే చెక్ చేసుకోవాలి. ప్రెజర్​ కుక్కర్​ని మొదటిసారి వినియోగిస్తుంటే.. మ్యానువల్​లోని సేఫ్టీ టిప్స్​ని ఫాలో అవ్వాలి. కుక్కుర్​ని కొనే సమయంలో డ్యామేజ్​లు, పగుళ్లు ఉన్నాయో లేదో చూసుకోవాలి. సీలింగ్ రింగ్, ప్రెజర్ రిలీజ్ వాల్వ్​లు శుభ్రంగా, అడ్డంకులు లేకుండా ఉన్నాయో లేదో చెక్ చేసుకోవాలి. రెగ్యులర్​గా కుక్కర్​ను క్లీన్ చేసుకుంటే.. ప్రెజర్ రిలీజ్ వాల్వ్​లో ఏవి అడ్డుపడకుండా ఉంటాయి. 

తగినంత నీరు వేయాలి.. 

కుక్కుర్ ప్రమాదాల్లో అత్యంత ప్రధానమైన కారణం తగినంత నీరు వేయకపోవడమే. వంటకు తగినంత నీరు పోస్తే.. ప్రెజర్​ కుక్కర్​ ఒత్తిడి కోసం ఆవిరిపై ఆధారపడుతుంది. మీరు నీరు తగ్గినంత వేయకపోతే ఆవిరి ఉత్పత్తి కాదు. దీనివల్ల కుక్కర్ పేలిపోయే ప్రమాదముంది. కాబట్టి మీరు చేసే వంటకు తగినంతగా.. కుక్కర్​కి పరిమాణంకి తగ్గట్లు దానిలో నీళ్లు పోయాలి. 

ఫిల్ చేయవద్దు..

కొందరు త్వరగా వండుకోవాలనే ఉద్దేశంతో కుక్కర్​లో ఓవర్​ ఫిల్ చేస్తారు. దీనవల్ల పై భాగంలో తగినంత స్థలం ఉండదు. దీనివల్ల స్టీమ్ విడుదల కాదు. ఇది కుక్కర్​పై ఒత్తిడి పెంచి.. పేలిపోయే ప్రమాదాన్ని కలిగిస్తుంది. కాబట్టి కుక్కర్​ను ఎప్పుడూ ఓవర్​ఫిల్ చేయవద్దు. 

సమయం..

ప్రతి వంటకు ఓ నిర్థిష్ట సమయం ఉంటుంది. మీకు తెలియకుంటే సెట్టింగ్స్ మ్యానువల్​ని చూడొచ్చు. ఆహారాన్ని తయారు చేసే రకాన్ని బట్టి ఈ సమయం మారుతుంది. కాబట్టి విజిల్ రాకుంటే కచ్చితంగా దానిని ఓసారి రీచెక్ చేయండి. 

ప్రెజర్​ 

స్టౌవ్ ఆపేసిన వెంటనే కుక్కర్​ మూతను ఎప్పుడూ తీయకూడదు. ప్రెజర్​ పూర్తిగా బయటకు వచ్చిన తర్వాత అప్పుడు దాని మూత తీయాల్సి ఉంటుంది. ప్రెజర్ పోకుండా మూత తీస్తే కుక్కర్​లోని పదార్థాలు ముఖంపైకి వచ్చి గాయాలయ్యే అవకాశం ఎక్కువగా ఉంటుంది. 

వాల్వ్​ 

బాగానే ఉంది కదా మార్చేది ఏముంది అనుకోకుండా సేఫ్టీ వాల్వ్​ను రెగ్యులర్​గా మారుస్తూ ఉండాలి. రిప్లేస్​మెంట్ వాల్వ్ ప్రెజర్​ కుక్కర్​ మోడల్​కు అనువుగా.. ఉండేలా చూసుకోవాల్సి ఉంటుంది. 

ఈ సేఫ్టీ టిప్స్​ ఫాలో అవ్వడంతో పాటు.. పిల్లలకు ఈ కుక్కర్​ను దూరంగా ఉంచడం బెటర్. అలాగే డ్రై ప్లేస్​లో కుక్కర్​ని ఉంచితే తుప్పు పట్టకుండా ఉంటుంది. ఈ జాగ్రత్తలు తీసుకుంటే వంటింట్లో కుక్కర్ ప్రమాదాల్ని ఇట్టే తగ్గించవచ్చు.