Optical Illusion: ఈ చిత్రంలో నిద్రపోతున్న పిల్లి ఉంది, ఎక్కడుందో కనిపెట్టండి చూద్దాం

మరొక ఆప్టికల్ ఇల్యూషన్ చిత్రమిది. ఇందులో ఒక జంతువు దాక్కుని ఉంది.

Cat

ఆప్టికల్ ఇల్యూషన్ చిత్రాలంటే ఇష్టపడేవారికి ఇదిగో మరో సవాల్. ఆప్టికల్ ఇల్యూషన్ చిత్రాలు కంటి చూపుకు, మెదడు పనితీరుకు సవాలు విసిరేలా ఉంటాయి. కళ్ల ముందే అంతా స్పష్టంగా ఉన్నట్టే కనిపిస్తాయి, కానీ లోపల ఎన్నో ట్విస్టులు దాక్కుంటాయి. అందుకే ఆప్టికల్ ఇల్యూషన్ బొమ్మలు సోషల్ మీడియాలో తెగ ట్రెండవుతాయి.  ఆప్టికల్ ఇల్యూషన్ వంటి చిత్రాలు సెలవు రోజుల్లో మంచి టైమ్ పాస్ లా ఉంటాయి. మెదడుకు మేతగా పనికొస్తాయి. వీటిని తదేకంగా చూడడం వల్ల ఏకాగ్రత కూడా పెరుగుతుంది. మెదడులోని కొన్ని భాగాలు చురుగ్గా పనిచేస్తాయి. పిల్లలకు కూడా వీటిని అలవాటు చేస్తే మంచిది. ను మాయ చేయడంలో ఈ చిత్రాలు ముందుంటాయి. 

ఇక్కడిచ్చిన ఫోటోలో ఓ పిల్లి ఉంది.అది మీకు చూడగానే కనిపించదు. వెతికి పట్టుకోవాలి. ఈ చిత్రం సోషల్ మీడియాలో తెగ వైరల్ అయింది. చాలా కొద్ది మంది మాత్రమే తక్కువ సమయంలో దీన్ని గుర్తించగలరు. చెట్టును కొట్టాక మోపులుగా వేసిన కట్టెల్లో ఆ పిల్లి దాక్కుని ఉంది. అందులోనూ అది నిద్రపోతూ ఉంది. ఫోటోలో దాని ముఖం ఎదురుగానే ఉంది. మీరు ఫోటోను జూమ్ చేసి ప్రతి అందుళాన్ని పరిశీలిస్తే ఇట్టే మీకు ఆ పిల్లి కనిపించేస్తుంది. 

దీన్ని రెడిట్ అనే అమెరికాకు చెందిన ఓ సోషల్ మీడియా సైట్ లో పోస్టు  చేశారు. కొంతమంది పిల్లిని కనుగొనలేక ‘అందులో అసలు పిల్లే లేదు, అంతా ప్రాంక్’ అని కొట్టి పడేశారు. ఒక వ్యక్తి ‘ఎట్టకేలకు చాలా సేపటి తరువాత పిల్లిని కనిపెట్టా’ అంటూ కామెంట్ చేశాడు. 

ఎక్కుడుందంటే...
మీరు ప్రయత్నించారా? పిల్లిని పట్టుకునేందుకు. దొరికితే ఇక మేము చెప్పేదేం లేదు, మీరు కనిపెట్ట లేకపోతే మాత్రం అదెక్కుడుందో చెప్పాల్సిన బాధ్యత మాదే కదా. ఫోటోపై ఓ లుక్కేయండి. మూడు వరుసలుగా చెట్టు దుంగలు పేర్చి ఉన్నాయి కదా. మొదట అధిక సంఖ్యలో చెక్కలు వరుసగా పేర్చి ఉన్నాయి. ఆ పక్కన మధ్యలో ఉన్న చెక్కల వరుస (రెండు చెట్ల మధ్య ఉన్న చెక్కల వరుస)ను చూడండి. అందులో పై భాగంగా ఉన్న చెక్క ముందు భాగాన్ని జూమ్ చేసి చూడండి. ఓ పిల్లి నిద్రపోతూ కనిపిస్తుంది. దాని రంగు కూడా చెక్కల రంగే కాబట్టి అందులో కలిసిపోయింది. అందుకే ఆప్టికల్ ఇల్యూషన్ గా మారి మన ముందుకు వచ్చింది. 

శిలాజాల ద్వారా..
ఆప్టికల్ ఇల్యూషన్ పుట్టుక వెనుక వేల ఏళ్ల నాటి శిలాజాల ప్రభావం ఉన్నట్టు చెబుతారు. చాలా ఏళ్ల క్రితమే ఇవి వాడుకలో ఉన్నాయని చరిత్రకారుల అభిప్రాయం. చురుగ్గా పనిచేసే మెదడుకు మేతగా ఇలాంటి ఆటలను ఆడేవారు అప్పట్లో. వీటికి సంబంధించి శిలాజ రికార్డులు కూడా లభించాయి. ఎవరు, ఎప్పుడు మొదలుపెట్టారో మాత్రం తెలియదు.