Tea: రోజూ టీ తాగితే రంగు తగ్గిపోతారా? ఇందులో నిజమెంత?

రోజుకి ఒక పూట కాదు, మూడు పూటలా టీ తాగేవారు ఉన్నారు.

(Image credit: Pixabay)

టీ... ఒక ఔషధ పానీయమే, కానీ ఏదైనా మితంగా తీసుకుంటేనే ఆరోగ్యం. అమితంగా తీసుకుంటే మాత్రం వాటి వల్ల అనర్థమే జరుగుతుంది. ప్రపంచం మెచ్చిన టీ తాగడం వల్ల ఎన్నో ఆరోగ్య ప్రయోజనాలు ఉన్నాయి. దీనిపై ఎన్ని పరిశోధనలు చేసినా ఇంకా ఏదో మిగిలే ఉంటుంది. అందుకే టీ కి సంబంధించి రోజుకో పరిశోధన కొత్తగా బయటపడుతూ ఉంటుంది. పని భారం ఎక్కువైనప్పుడు, తలనొప్పి పెడుతున్నప్పుడు టీ తాగుతూ ఉంటారు. ఇలా ప్రతిసారి చిన్న చిన్న సమస్యలకు కూడా టీ తాగుతూ ఉంటాయి. ఆ ప్రభావం జీర్ణవ్యవస్థ పై పడుతుంది. జీర్ణశక్తి తగ్గిపోతుంది. ఎంతటి ఔషధమైన సమయానికి తీసుకుంటేనే ఆరోగ్యం. అలాగే టీ కూడా దానికి తగ్గ సమయానికే తీసుకోవాలి. రోజుకి ఒక టీ తాగితే చాలు, అన్ని రకాల ఆరోగ్య ప్రయోజనాలు కలుగుతాయి. అలా కాకుండా బ్రేక్‌ఫాస్ట్ తిన్నాక ఒక టీ, లంచ్ తిన్నాక ఒక టీ, సాయంత్రం స్నాక్స్ తో ఒక టీ, రాత్రి పడుకునే ముందు ఒక టీ... ఇలా తాగుతూ పోతే ఆరోగ్యం ఇబ్బందుల్లో పడుతుంది. చాలా మందికి టీ తాగడం వల్ల చర్మం నల్లబడుతుందని అభిప్రాయం ఉంది. ఇది నిజమో కాదో చెబుతున్నారు సౌందర్య నిపుణులు.

టీ తాగడం వల్ల చర్మం రంగు తగ్గుతుంది అనేది కేవలం ఒక అపోహ. చర్మం రంగు టీ వల్ల మారదు. అయితే టీ, కాఫీలు వంటివి అధికంగా తాగడం వల్ల అందులో ఉండే కెఫిన్ చర్మం పై తీవ్ర ప్రభావాన్ని చూపిస్తుంది. ఆ కెఫీన్ చర్మం ముడతలు పడేలా, గీతలు పడేలా చేస్తుంది. దీనివల్ల చర్మం తాజాదనాన్ని కోల్పోయి వయసు పైబడినట్టు కనిపిస్తుంది. అందుకే టీ, కాఫీలను అధికంగా తాగుకూడదు. వీటిని అధికంగా తాగితే చర్మం త్వరగా ముసలిదైపోతుంది. దీని మితంగా తాగడం వల్ల మాత్రం ఎన్నో ఆరోగ్య ప్రయోజనాలు ఉన్నాయి. వీటిలో యాంటీ ఆక్సిడెంట్లు పుష్కలంగా ఉంటాయి. ఇవి క్యాన్సర్, గుండె సంబంధిత వ్యాధులు రాకుండా అడ్డుకుంటాయి. కాకపోతే అధికంగా తాగితే మాత్రం డిహైడ్రేషన్ బారిన పడే అవకాశం ఉంది. డిహైడ్రేషన్ సమస్య శరీరానికి చాలా కీడు చేస్తుంది.

దీని మితంగా తాగడం వల్ల మాత్రం ఎన్నో ఆరోగ్య ప్రయోజనాలు ఉన్నాయి. వీటిలో యాంటీ ఆక్సిడెంట్లు పుష్కలంగా ఉంటాయి. ఇవి క్యాన్సర్, గుండె సంబంధిత వ్యాధులు రాకుండా అడ్డుకుంటాయి. కాకపోతే అధికంగా తాగితే మాత్రం డిహైడ్రేషన్ బారిన పడే అవకాశం ఉంది. డిహైడ్రేషన్ సమస్య శరీరానికి చాలా కీడు చేస్తుంది. కాబట్టి చర్మం కాంతివంతంగా ఉండాలంటే టీ ని రోజుకు ఒకసారి మాత్రమే తాగాలి. అంతకుమించి తాగకపోవడమే ఉత్తమం. కాఫీ వంటి వాటికి కూడా దూరంగా ఉండాలి. చర్మం కాంతివంతంగా తయారవ్వాలంటే పండ్లు అధికంగా తీసుకోవాలి. జంక్ ఫుడ్ కు దూరంగా ఉండాలి. అతి చల్లగా ఉన్నా లేదా అతి వేడిగా ఉన్న ఆహారాలకు దూరంగా ఉండటం ఉత్తమం. తాజా కూరగాయలు, పండ్లు తరచూ తింటూ ఉండాలి. 

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.