Diabetes Alert : షుగర్ పేషెంట్స్ ఈ ఫ్రూట్స్ తింటుంటే జాగ్రత్త.. రక్తంలో చక్కెర పెంచే పండ్లు ఇవే

Diabetic Diet : ఆరోగ్యానికి పండ్లు చాలామంచివి. అయితే మధుమేహం ఉన్నప్పుడు కొన్ని ఫ్రూట్స్ తినకూడదని అంటున్నారు నిపుణులు. మరి షుగర్ ఉంటే ఏ పండ్లకి దూరంగా ఉండాలో చూసేద్దాం. 

ఏ పండ్లు తింటే షుగర్ పెరుగుతుందో తెలుసా?

Source : ABPLIVE AI

High-Sugar Fruits to Avoid If You Have Diabetes : పండ్లు ఆరోగ్యానికి మంచివని అందరికీ తెలుసు. చాలామంది వాటిని డైట్​లో చేర్చుకోవాలని అంటారు. అయితే మధుమేహం ఉన్నవారు మాత్రం పండ్ల విషయంలో కాస్త జాగ్రత్తగా ఉండాలని అంటున్నారు. ఎందుకంటే అన్ని పండ్లు రక్తంలో చక్కెరకు సురక్షితం కాదు. కొన్ని పండ్లు రక్తంలో చక్కెర స్థాయిలను వేగంగా పెంచి ఇబ్బందికి కారణమవుతాయి. షుగర్ కంట్రోల్ చేసుకోవాలనుకునేవారు ఎలాంటి ఫ్రూట్స్​కి దూరంగా ఉండాలో.. వేటిని తక్కువ మోతాదులో తీసుకోవాలో చూసేద్దాం. 

అరటిపండు..

అరటిపండు తినడం సర్వసాధారణం. కానీ అందులో చక్కెర అధికంగా ఉంటుంది. మీడియం అరటిపండులో దాదాపు 14 గ్రాముల చక్కెర ఉంటుంది. ఇది హై గ్లైసెమిక్ ఇండెక్స్ కలిగి ఉంటుంది. ఎక్కువగా పండిన అరటిపండ్లు రక్తంలో చక్కెర వేగంగా పెరగడానికి కారణమవుతాయి.

ద్రాక్షలు

చిన్నగా, జ్యూసీగా ఉండే ద్రాక్షలు యాంటీఆక్సిడెంట్లతో నిండి ఉంటాయి. ఇవి ఆరోగ్యానికి మేలు చేస్తాయి అనిపించవచ్చు. కానీ ఒక కప్పు ద్రాక్షలో దాదాపు 23 గ్రాముల చక్కెర ఉంటుంది. వాటిలో ఫైబర్ తక్కువగా ఉంటుంది. కాబట్టి చక్కెర త్వరగా రక్తంలోకి వెళ్లి షుగర్ స్థాయిలు పెరుగుతాయి. కాబట్టి వాటిని మితంగా తినడం మంచిది.

మామిడి

మామిడిలో చక్కెర ఎంత ఎక్కువగా ఉంటుందో అంతే రుచికరంగానూ ఉంటుంది. ఒక కప్పు తరిగిన మామిడిలో దాదాపు 23 గ్రాముల చక్కెర ఉంటుంది. ఇది విటమిన్ సి ని అందిస్తుంది. కానీ అధిక మొత్తంలో రక్తంలో చక్కెర వేగంగా పెరుగుతుంది.

పైనాపిల్

తాజాగా లేదా స్టోర్ చేసిన పైనాపిల్.. చక్కెరను త్వరగా విడుదల చేస్తుంది. ఒక కప్పు పైనాపిల్‌లో దాదాపు 16 గ్రాముల చక్కెర ఉంటుంది. అధిక GI ఉంటుంది. ఇది జీర్ణక్రియకు మంచిది. కానీ పోర్షన్ కంట్రోల్ అవసరం. లేదంటే మధుమేహం పెరుగుతుంది. 

చెర్రీలు

చెర్రీలను తేలికైన పండ్లుగా పరిగణిస్తారు. కానీ ఒక కప్పు చెర్రీలలో దాదాపు 18 గ్రాముల చక్కెర ఉంటుంది. అవి స్వీట్​గా ఉండడం వల్ల తెలియకుండానే ఎక్కువగా తినేస్తారు. వాటిలో యాంటీఆక్సిడెంట్లు ఉంటాయి. కానీ మితంగా తీసుకోవడం మంచిది.

పుచ్చకాయ

పుచ్చకాయలో నీరు పుష్కలంగా ఉంటుంది. కేలరీలు తక్కువగా ఉంటాయి. కానీ దీనికి అధిక గ్లైసెమిక్ సూచిక ఉంటుంది. ఒక కప్పు పుచ్చకాయలో చక్కెర తక్కువగా ఉన్నట్లు అనిపించినప్పటికీ.. ఇది రక్తంలో చక్కెరను త్వరగా పెంచుతుంది.

అంజీర్

అంజీర్ పండ్లను చాలా పోషకమైనవిగా చెప్తారు. కానీ వాటిలో సహజ చక్కెర అధికంగా ఉంటుంది. ఒక మధ్య తరహా అంజీర్‌లో దాదాపు 8 గ్రాముల చక్కెర ఉంటుంది. ఎండిన అంజీర్‌లో ఈ పరిమాణం మరింత పెరుగుతుంది.

ఖర్జూరాలు

ఖర్జూరాలలో చక్కెర ఉండటం వల్ల వాటిని శక్తిని పెంచేవిగా భావిస్తారు. కానీ ఖర్జూరంలో దాదాపు 16 గ్రాముల చక్కెర ఉంటుంది. ఇందులో ఫైబర్ పుష్కలంగా ఉంటుంది. కానీ రక్తంలో చక్కెర సమస్యలు ఉన్నవారు జాగ్రత్తగా ఉండాలి.

లిచీలు

లీచీలు స్వీట్స్ రుచిని పోలి ఉంటాయి. దాదాపు అదే స్థాయిలో చక్కెరను కలిగి ఉంటాయి. కేవలం 10 లీచీలలో దాదాపు 29 గ్రాముల చక్కెర ఉంటుంది. వాటిలో ఫైబర్ తక్కువగా ఉండటం వల్ల.. అవి రక్తంలో చక్కెర వేగంగా పెరగడానికి కారణమవుతాయి.

కాబట్టి పండ్లు ఆరోగ్యానికి మంచిదే అని అన్నీ తీసుకోకూడదు. అలాగే ఎక్కువ మోతాదులో తీసుకోకపోవడమే మంచిది. తక్కువ మోతాదులో అన్ని ఆస్వాదిస్తే ఎలా ఇబ్బందులు రావు.

గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

గుండె ఆరోగ్యంగా ఉండాలంటే రోజూ ఎంతసేపు నడవాలి? వేగం ఎంత ఉండాలి? వైద్యుల సూచనలు ఇవే

కళ్లు తిరుగుతున్నాయా? ఎక్కువగా జరుగుతుంటే జాగ్రత్త.. మీకు గుండెపోటు రావచ్చు