Chia Seeds : వేసవిలో చియా సీడ్స్ ఎలా తీసుకోవాలో తెలుసా? తింటే కలిగే లాభాలు, తీసుకోవాల్సిన జాగ్రత్తలు ఇవే
Summer Foods : సమ్మర్ హీట్ని బీట్ చేయడానికి చాలామంది చియా సీడ్స్ని డైట్లో తీసుకుంటారు. మరి దీనిని ఎలా తీసుకోవాలి? లాభాలు, నష్టాలు ఏంటో చూసేద్దాం.
Chia Seeds in Summer Diet : పోషకాలతో నిండిన చియా సీడ్స్ ఆరోగ్యానికి ఎన్నో ప్రయోజనాలు అందిస్తాయి. అందుకే వీటిని రెగ్యులర్గా తీసుకుంటూ ఉంటారు. ముఖ్యంగా సమ్మర్లో దీనిని ఎక్కువమంది తీసుకుంటారు. దీనిలోని పోషకాలు వేసవిలో మంచి ఫలితాలు ఇస్తాయి. వేడిని తగ్గించి.. హైడ్రేటెడ్గా ఉండడంలో హెల్ప్ చేస్తాయి. అయితే వీటిని సమ్మర్లో తీసుకోవడం వల్ల కలిగే లాభాలు ఏంటో.. వాటిని ఎలా తీసుకోవాలో.. ఏ సమస్యలున్న వారు తీసుకోకపోతే మంచిదో ఇప్పుడు తెలుసుకుందాం.
సమ్మర్లో తీసుకుంటే కలిగే లాభాలివే (Benefits of Chia Seeds in Summer)
చియాసీడ్స్ పదిరెట్లు నీటిని పీల్చుకోగలవు. ఇవి మిమ్మల్ని సమ్మర్లో హైడ్రేటెడ్గా ఉండడంలో హెల్ప్ చేస్తాయి. సమ్మర్లో హైడ్రేషన్ ఎంత ముఖ్యమో ప్రత్యేకంగా చెప్పాల్సిన అవసరం లేదు. ఇవి శరీరంలోని వేడిని తగ్గించి కూలింగ్ ఎఫెక్ట్ ఇవ్వడంలో హెల్ప్ చేస్తాయి. ఎండకాలంలో వేడి వల్ల వచ్చే ఒత్తిడిని, ఇబ్బందులను దూరం చేస్తాయి. శరీరంలో ఎలక్ట్రోలైట్స్ని బ్యాలెన్స్ చేస్తాయి. పొటాషియం, మెగ్నీషియం, కాల్షియం వంటి ఎలక్ట్రోలైట్స్ని అందించి.. డీహైడ్రేషన్ని దూరం చేస్తాయి.
వేసవిలో చాలామందికి జీర్ణ సమస్యలు వస్తాయి. ఎండవల్ల జీర్ణక్రియ కాస్త మందగిస్తుంది. అయితే చియాసీడ్స్ని తీసుకుంటే జీర్ణ సమస్యలకు చెక్ పెట్టొచ్చు. దీనిలో ఫైబర్ పుష్కలంగా ఉంటుంది. మలబద్ధకం వంటి సమస్యలను దూరం చేస్తుంది. గట్ హెల్త్ని ప్రమోట్ చేస్తుంది. చియా సీడ్స్లోని యాంటీఆక్సిడెంట్లు శరీరాన్ని ఒత్తిడిని దూరం చేసి.. ఇన్ఫ్లమేషన్ని తగ్గిస్తాయి. కణాలు దెబ్బతినకుండా కాపాడుతాయి.
చియాసీడ్స్ని ఇలా తీసుకుంటే మంచిది.. (Chia Seeds into Your Summer Diet)
చియాసీడ్స్లో వాటర్ కలిపి తీసుకోవచ్చు. ఇది రిఫ్రెషింగ్, హైడ్రేషన్ని ఇస్తుంది. దీనిని చాలామంది ఫాలో అవుతారు. అయితే చియా సీడ్స్ని పుడ్డింగ్లా కూడా తీసుకోవచ్చు. దీనిని బాదం మిల్క్ లేదా కొబ్బరి పాలలో వేసి.. నానబెట్టి.. క్రీమీ డిజెర్ట్గా తీసుకోవచ్చు. స్వీట్ క్రేవింగ్స్ని హెల్తీగా దూరం చేసుకోవచ్చు. సలాడ్స్లో స్మూతీలలో తీసుకోవచ్చు. పోషకాలు రెట్టింపు అవుతాయి. చియా సీడ్స్ని ఐస్ క్యూబ్స్లా చేసుకుని కూడా సమ్మర్లో ఉపయోగించుకోవచ్చు.
కచ్చితంగా తీసుకోవాల్సిన జాగ్రత్తలు (Precautions)
చియా సీడ్స్ తీసుకుంటే కచ్చితంగా నీటని ఎక్కువగా తీసుకోవాల్సి ఉంటుంది. లేకుంటే మలబద్ధకం సమస్య రావొచ్చు. అలాగే ఎక్కువ మోతాదులో ప్రారంభించకుండా.. రోజూ వాటిని తక్కువ మోతాదులో తీసుకుంటే.. మీ శరీరం ఇచ్చే రియాక్షన్ని బట్టి వాటిని పెంచుకోవచ్చు. మంచి క్వాలిటీ ఉండే చియాసీడ్స్ని ఎంచుకుంటే మంచిది.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
