Telangana Group 3 : తెలంగాణ గ్రూప్స్ అభ్యర్థులకు బిగ్ అలర్ట్ - గ్రూప్ 3 పరీక్షల షెడ్యూల్ ఇదిగో

Group 3 : తెలంగాణ గ్రూప్ 3 పరీక్షల షెడ్యూల్ రిలీజ్ అయింది. నవంబర్ 17, 18 తేదీల్లో పరీక్షలు జరుగుతాయి.

గ్రూప్ 3 పరీక్షల షెడ్యూల్ విడుదల

Source : x

Telangana Group 3 exam schedule has been released : తెలంగాణలో ఉద్యోగ పరీక్షల కోసం ప్రిపేర్ అవుతున్న వారికి మంచి రోజులు వచ్చాయి.  తెలంగాణ గ్రూప్-3 పరీక్షల షెడ్యూల్ ను తెలంగాణ పబ్లిక్ సర్వీస్ కమిషన్ విడుదల చేసింది.  నవంబర్  17, 18 తేదీల్లో గ్రూప్-3 పరీక్షలు నిర్వహించనున్నట్లు టీజీపీఎస్సీ   ప్రకటన విడుదల చేసింది.  17న రెండు సెషన్లలో రెండు పేపర్లకు పరీక్ష జరగనుంది.   17న ఉదయం 10 గంటల నుంచి మధ్యాహ్నం 12:30 వరకు మొదటి సెషన్‌లో ఫస్ట్ పేపర్ పరీక్ష నిర్వహిస్తారు. మధ్యాహ్నం మూడు గంటల నుంచి 5:30 వరకు సెకండ్ పేపర్ పరీక్ష జరుగుతుంది. 18న తేదీన పేపర్-3 ఉదయం 10 గంటల నుంచి 12:30 వరకు జరుగుతుంది.  నవంబర్ 10వ తేదీ నుంచి అభ్యర్థులు హాల్‌ టికెట్లు డౌన్‌లోడ్‌ చేసుకునేందుకు అవకాశం ఇచ్చింది. అభ్యర్థులు టీఎస్‌పీఎస్సీ వెబ్‌సైట్‌లో హాల్ టికెట్లు డౌన్‌లోడ్‌ చేసుకోవచ్చు.

 గ్రూప్‌-3లో మొత్తం 1388 పోస్టులను భర్తీ చేయనున్నారు. 2022 డిసెంబర్ 30వ తేదీన TSPSC Group 3 నోటిఫికేషన్ విడుదల చేసింది. Group 3 పోస్టులకు రాష్ట్ర వ్యాప్తంగా దాదాపు 5,36,477 మంది దరఖాస్తు చేసుకున్నారు. టీజీ‌పీఎస్సీ గ్రూప్ 3 పరీక్షలో మొత్తం మూడు పేపర్లు ఉంటాయి.  ఒక్కో పేపరుకు 150 మార్కుల చొప్పున 450 మార్కులకు పరీక్షలు నిర్వహిస్తారు. ఒక్కో పేపరు రాసేందుకు రెండున్నర గంటల సమయం ఉంటుంది.  గ్రూప్‌-3 పోస్టులకు పోటీపడే అభ్యర్థులు మూడు పేపర్లు రాయాల్సి ఉంటుంది. ప్రతి పేపర్‌లోనూ 150 ప్రశ్నలుంటాయి. ఒక్కో ప్రశ్నకు ఒక మార్కు ఉంటుంది. ఈ పరీక్షల్లో అత్యధిక మార్కులు సాధించిన అభ్యర్థులను పోస్టులకు ఎంపిక చేయనున్నారు. 

గ్రూప్ త్రీలో పూర్తిగా రాత పరీక్, ఆధారంగానే ఎంపిక ఉంటుంది.   ఇంటర్వ్యూ ఉండదు. రాత పరీక్షలను తెలుగు, ఇంగ్లిష్‌, ఉర్దూ భాషల్లో నిర్వహిస్తారు. గ్రూప్ 3లోని మొదటి పేపర్ లో జనరల్ నాల్జెడ్ కి సంబంధించి ఉంటుంది. ఇక పేపర్‌-2లో మొత్తం 3 అంశాలు ఉండగా.. ప్రతి అంశంపై 50 ప్రశ్నలు.. 50 మార్కులు ఉంటాయి. ఇదే పేపర్‌లో భారత రాజ్యాంగం అంశానికి 50 మార్కులు, భారత చరిత్రకు మరో 50 మార్కులతో ప్రశ్నాపత్రం ఉంటుంది.   తెలంగాణ సామాజిక, సాంస్కృతిక చరిత్ర, ప్రత్యేక రాష్ట్ర ఏర్పాటు అంశానికి 50 మార్కులు ఉంటాయి. పేపర్‌-3లో మూడు అంశాలుండగా.. ఒక్కో అంశానికి 50 మార్కులున్నాయి. వీటిలో భారత ఆర్థిక వ్యవస్థ, తెలంగాణ ఆర్థిక వ్యవస్థ, అభివృద్ధిలో మార్పులు వంటి అంశాలను సిలబస్‌లో చేర్చారు.   

గ్రూప్ త్రీ కేటగిరిలో సీనియర్ అకౌంటెంట్ , అకౌంటెంట్,  అసిస్టెంట్ ఆడిటర్,   జూనియర్ అసిస్టెంట్  ,   జూనియర్ అకౌంటెంట్ , స్టేషన్ ఆఫీసర్, సహకార సంఘాల జూనియర్ ఇన్‌స్పెక్టర్, స్టోర్-కీపర్ (ఉపాధి మరియు శిక్షణ విభాగం), ఇండస్ట్రియల్ కో-ఆప్ సొసైటీల అసిస్టెంట్ సూపర్‌వైజర్ వంటి పోస్టులు వస్తాయి.