అన్వేషించండి

IBPS RRB నోటిఫికేషన్ విడుదల.. 10 వేలకు పైగా బ్యాంకు ఉద్యోగాలు..

IBPS RRB Exam 2021: ఐబీపీఎస్ ఆర్ఆర్‌బీ 2021 నోటిఫికేషన్ విడుదలైంది. దీని ద్వారా రీజినల్ రూరల్ బ్యాంకుల్లో (ఆర్ఆర్‌బీ) 10,447 ఆఫీసర్లు, ఆఫీస్ అసిస్టెంట్ (మల్టీ పర్పస్) పోస్టులను భర్తీ చేయనున్నారు.

Written By : ABP Desam | Updated at : 29 Jun 2021 09:23 AM (IST)

IBPS RRB Exam- get to know the examination 2021 details and other Notification IBPS RRB నోటిఫికేషన్ విడుదల.. 10 వేలకు పైగా బ్యాంకు ఉద్యోగాలు..

IBPS_Logo

బ్యాంకు ఉద్యోగాల కోసం నిరీక్షిస్తున్న నిరుద్యోగులకు ఐబీపీఎస్ (Institute of Banking Personnel Selection) గుడ్‌ న్యూస్ అందించింది. 2021 సంవత్సరానికిగానూ భారీ జాబ్ నోటిఫికేషన్ విడుదల చేసింది. కామన్ రిక్రూట్‌మెంట్ ప్రాసెస్ X (సీఆర్‌పీ X) ద్వారా రీజినల్ రూరల్ బ్యాంకుల్లో (ఆర్ఆర్‌బీ) ఖాళీగా ఉన్న 10,447 ఆఫీసర్లు, ఆఫీస్ అసిస్టెంట్ (మల్టీ పర్పస్) పోస్టులను భర్తీ చేయనుంది. నోటిఫికేషన్ ప్రకారం దరఖాస్తు ప్రక్రియ జూన్ 8వ తేదీన ప్రారంభమవ్వగా.. జూన్ 28వ తేదీతో ముగియనుంది. ఈ పోస్టులకు సంబంధించిన ప్రిలిమనరీ పరీక్ష ఆగస్టు నెలలో, మెయిన్ పరీక్ష సెప్టెంబర్ లేదా అక్టోబర్ నెలల్లో జరగనుంది. పూర్తి వివరాలకు https://www.ibps.in/ వెబ్‌సైట్‌ను చూడవచ్చు.

పరీక్ష విధానం:

ఆఫీస్ అసిస్టెంట్ (మల్టీ పర్పస్), ఆఫీసర్ స్కేల్ 1 పోస్టులకు ప్రిలిమనరీ పరీక్ష ఉంటుంది. ఆఫీస్ అసిస్టెంట్ (మల్టీ పర్పస్) పరీక్షలో రీజనింగ్, న్యూమరికల్ ఎబిలిటీ సబ్జెక్టులు ఉంటాయి. ఆఫీసర్ స్కేల్ 1 పరీక్షలో రీజనింగ్, క్వాంటిటేటివ్ ఆప్టిట్యూడ్ ఉంటాయి. ప్రతి విభాగంలో 40 మార్కుల చొప్పున రెండింటికీ కలిపి మొత్తం 80 మార్కులకు పరీక్ష ఉంటుంది. ఈ ప్రశ్నలు అన్నీ ఆబ్జెక్టివ్ రూపంలో ఉంటాయి. ఇందులో నెగిటివ్ మార్కింగ్ కూడా ఉంది. ప్రిలిమనరీ పరీక్ష క్వాలిఫై అయిన వారికి మెయిన్ పరీక్ష ఉంటుంది.
మెయిన్ పరీక్ష మొత్తం 200 మార్కులకు ఉంటుంది. ఆఫీస్ అసిస్టెంట్ (మల్టీ పర్పస్), ఆఫీసర్ స్కేల్ 1 మెయిన్ పరీక్షలో రీజనింగ్, జనరల్ అవేర్‌నెస్, కంప్యూటర్ నాలెడ్జ్, న్యూమరికల్ ఎబులిటీ, లాంగ్వేజ్ పేపర్ ఉంటాయి. ఇందులో కూడా నెగిటివ్ మార్కింగ్ ఉంటుంది. ఈ రెండు పరీక్షల్లో క్వాలిఫై అయిన తర్వాత ఇంటర్వ్యూ ఉంటుంది. దీని ఆధారంగా అర్హులను ఎంపిక చేస్తారు.

విద్యార్హత:

పోస్టును బట్టి విద్యార్హత మారుతుంది. పోస్టును అనుసరించి సంబంధిత సబ్జెక్టుల్లో బ్యాచిలర్ డిగ్రీ, ఎంబీఏ, సీఏ ఉత్తీర్ఱతతో పాటు సంబంధిత అనుభవం కూడా ఉండాలి.

మరిన్ని వివరాలు:

దరఖాస్తు విధానం: ఆన్‌లైన్ ద్వారా దరఖాస్తు చేసుకోవాలి.
వెబ్‌సైట్‌: https://www.ibps.in/
దరఖాస్తు ప్రక్రియ ప్రారంభం: 08-06-2021
దరఖాస్తులకు చివరి తేది: 28-06-2021
ప్రిలిమినరీ పరీక్ష: ఆగస్టు 2021
మెయిన్ పరీక్ష: సెప్టెంబర్ / అక్టోబర్, 2021
దరఖాస్తు ఫీజు: ఎస్సీ, ఎస్టీ, పీడబ్ల్యూబీడీ అభ్యర్థులకు రూ.175, మిగతా వారికి రూ.850

పోస్టుల వివరాలు: