![ABP Premium](https://cdn.abplive.com/imagebank/Premium-ad-Icon.png)
Brain Tumor Symptoms : ఉదయం లేచిన వెంటనే ఆ సమస్యలున్నాయా? అయితే మీకు బ్రెయిన్ ట్యూమర్ వచ్చే అవకాశముంది జాగ్రత్త
Morning Nausea : ఉదయాన్నే కొన్ని లక్షణాలు కనిపిస్తే కచ్చితంగా జాగ్రత్తగా ఉండాలంటున్నారు నిపుణులు. ఆ సమస్యలు బ్రెయిన్ ట్యూమర్కు సంకేతాలుగా చెప్తున్నారు.
![Brain Tumor Symptoms : ఉదయం లేచిన వెంటనే ఆ సమస్యలున్నాయా? అయితే మీకు బ్రెయిన్ ట్యూమర్ వచ్చే అవకాశముంది జాగ్రత్త Dont neglect these symptoms These are very dangerous they will lead to brain tumors Brain Tumor Symptoms : ఉదయం లేచిన వెంటనే ఆ సమస్యలున్నాయా? అయితే మీకు బ్రెయిన్ ట్యూమర్ వచ్చే అవకాశముంది జాగ్రత్త](https://feeds.abplive.com/onecms/images/uploaded-images/2024/07/01/6ba6e1627f776738530f06a988a995041719811637066874_original.jpg?impolicy=abp_cdn&imwidth=1200&height=675)
Brain Tumor : కొన్ని ఆరోగ్య సమస్యలను చిన్నవేగా.. ఏమి కాదులే తగ్గిపోతాయి అనుకుంటాము. కానీ అవే అసలు కొంపముంచుతాయి అంటున్నారు నిపుణులు. రెగ్యూలర్ సమస్యలే కదా.. అని లైట్ తీసుకుంటే అవి తీవ్రమైన అనారోగ్య సమస్యలకు దారితీస్తాయని హెచ్చరిస్తున్నారు. వాటిలో తలనొప్పి కూడా ఒకటి. అవును ఉదయాన్నే వచ్చే తలనొప్పి, వికారం, వాంతులు వంటి లక్షణాలు ఆరోగ్యానికి చాలా ప్రమాదకరం అంటున్నారు.
అస్సలు అశ్రద్ధ చేయొద్దు..
తలనొప్పి, వికారం, వాంతులు చూసేందుకు చిన్న సమస్యలుగానే కనిపిస్తాయి. కానీ ఉదయాన్నే ఈ లక్షణాలు కనిపిస్తే అస్సలు అశ్రద్ధ చేయొద్దంటున్నారు నిపుణులు. ఒత్తిడి, అలసట, చిన్న అనారోగ్యాలకు కారణమవుతాయి కానీ.. ఈ లక్షణాలు ఉదయాన్నే వస్తుంటే అవి బ్రెయిన్ ట్యూమర్కు దారి తీస్తాయి అంటున్నారు. తలనొప్పి ఎక్కువగా వస్తుంటే అది మెదడులో కణితి వంటి తీవ్రమైన లక్షణాలకు సంబంధించిన హెచ్చరిగా చెప్తున్నారు.
మెదడులో కణితి ఎలా ఏర్పడుతుందంటే..
మెదడు లేదా దాని చుట్టు పక్కల కణజాలాలలో కణాలు అసాధారణంగా పెరిగి.. కణితులకు దారి తీస్తాయి. మెదడులో ప్రారంభమయ్యే ట్యూమర్లను ప్రైమరీ ట్యూమర్లని.. ఇతర భాగాలకు వ్యాపించే వాటిని సెకండరీ ట్యూమర్లని అంటారు. బ్రెయిన్లోని ట్యూమర్స్ పరిమాణం, పెరుగుదల.. తలనొప్పి, వాంతులు, వికారం వంటి లక్షణాలను ప్రేరేపిస్తుందని న్యూరోసర్జన్ తెలిపారు. ఇవే కాకుండా కొందరిలో మూర్ఛ, దృష్టి లోపం, మందమరుపు, ప్రవర్తనలో మార్పులు, శరీరంలో తిమ్మరి వంటి లక్షణాలు ఉంటాయి.
తలనొప్పి ఎక్కువైతే..
సాధారణంగా తలనొప్పి వస్తే ప్రాబ్లమ్ లేదు. కానీ రోజూ తలనొప్పి వస్తూ.. అది భరించలేని విధంగా మారుతూ ఉంటే వెంటనే వైద్యులను సంప్రదించాలి. వాంతులు, వికారం కూడా ఉంటే అవి తీవ్రమైన లక్షణాలుగా పరిగణించాలని చెప్తున్నారు. ఆ సమయంలో వెంటనే వైద్య సాయం తీసుకోవాలని సూచిస్తున్నారు. చాలా మంది ఉదయాన్నే ఫుడ్ తీసుకోకపోవడం వివిధ కారణాల వల్ల తలనొప్పి, వికారం వస్తుంది అనుకుని అశ్రద్ధ చేస్తారు. కానీ అలా చేయడం ప్రాణాంతకమని చెప్తున్నారు.
లక్షణాలు ఇలా గుర్తించండి..
దీర్ఘకాలిక తీవ్రమైన తలనొప్పి వస్తుంటే వైద్యులను సంప్రదించాలి. ముందు తక్కువగా ప్రారంభమై.. కాలక్రమేణా ఎక్కువ అవుతూ ఉంటే.. వెంటనై డాక్టర్ దగ్గరకు వెళ్లాలి. వాంతులు, చూపు మందగించడం, వికారం, మూర్ఛలు, బలహీనత ఉంటే అవి తీవ్రమైన లక్షణాలుగా గుర్తించి వైద్య చికిత్స్ తీసుకోవాలి. పెయిన్ కిల్లర్స్, ప్రామాణిక చికిత్సలతో సమస్య తగ్గవచ్చు. అలా తగ్గకుంటే.. ట్రీట్మెంట్లో లెవెల్స్ పెంచుతారు. ఈ లక్షణాలు గుర్తించి అశ్రద్ధ వహిస్తే మాత్రం ప్రాణానికే ప్రమాదం. కాబట్టి ఉదయాన్నే ఈ లక్షణాలు కనిపిస్తే.. చులకనగా తీసుకోకుండా సీరియస్గా తీసుకోవాలంటున్నారు నిపుణులు.
Also Read : వర్షాకాలంలో ఇమ్యూనిటీని ఇలా పెంచుకోండి.. ఆ ఫుడ్స్కి వీలైనంత దూరంగా ఉండాలట
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)