Liger: 'లైగర్'లో ఐటెం సాంగ్.. పూరి ప్లాన్ ఇదే..

'లైగర్' కోసం కూడా అదిరిపోయే ఐటెం సాంగ్ ను రెడీ చేస్తున్నారట.

'లైగర్'లో ఐటెం సాంగ్..

భారీ బడ్జెట్ సినిమా అంటే అందులో కచ్చితంగా ఐటెం సాంగ్ ఉండాల్సిందే. మాస్ ఆడియన్స్ ను ఎట్రాక్ట్ చేయడానికి ఈ ఐటెం సాంగ్స్ బాగా ఉపయోగపడతాయి. అందుకే ఎంత పెద్ద దర్శకుడైనా.. తన సినిమాలో కచ్చితంగా స్పెషల్ సాంగ్ ఉండేలా చూసుకుంటారు. ఇటీవల విడుదలైన 'పుష్ప' సినిమాలో సమంత ఐటెం సాంగ్ ఎంత పాపులర్ అయిందో తెలిసిందే. 

 

ఇప్పుడు 'లైగర్' కోసం కూడా అదిరిపోయే ఐటెం సాంగ్ ను రెడీ చేస్తున్నారట. విజయ్ దేవరకొండ హీరోగా దర్శకుడు పూరి జగన్నాథ్ డైరెక్ట్ చేస్తోన్న ఈ సినిమాపై ప్రేక్షకుల్లో భారీ అంచనాలు నెలకొన్నాయి. ఈ సినిమాతో బాలీవుడ్ లో ఎంటర్ అవుతున్నాడు విజయ్ దేవరకొండ. అందుకే ప్రతీది పెర్ఫెక్ట్ గా ఉండేలా ప్లాన్ చేస్తున్నారు. 

 

ఈ క్రమంలో ఐటెం సాంగ్ ను గ్రాండ్ గా చిత్రీకరించాలని భావిస్తున్నారు. ఓ స్టార్ హీరోయిన్ తో సాంగ్ చేయించాలని చూస్తున్నారు. పూరి జగన్నాధ్ చాలా మంది అగ్ర హీరోయిన్స్ తో కలిసి పని చేశారు. ఆయన అడిగితే కచ్చితంగా హీరోయిన్లు ఒప్పుకుంటారు. కానీ పూరి మాత్రం ఇప్పటివరకు ఐటెం సాంగ్ లో కనిపించని హీరోయిన్ ను తీసుకోవాలనుకుంటున్నారు. 

 

ప్రస్తుతం ఉన్న తారలంతా కూడా ఐటెం సాంగ్స్ లో నటించినవారే. మరి పూరికి ఎవరు దొరుకుతారో చూడాలి. ఇక ఈ సినిమాలో బాలీవుడ్ ముద్దుగుమ్మ అనన్య పాండే హీరోయిన్ గా నటిస్తోంది. ప్రముఖ బాలీవుడ్ దర్శక నిర్మాత ప్రొడక్షన్ కంపెనీ ధర్మ ప్రొడక్షన్స్, పూరి కనెక్ట్స్ నిర్మిస్తున్న ఈ సినిమాకు థాయ్‌లాండ్‌ స్టంట్ డైరెక్టర్ కెచ్చా యాక్షన్ సీక్వెన్స్‌లు డిజైన్ చేస్తున్నారు. రమ్యకృష్ణ, రోనిత్ రాయ్ ప్రధాన పాత్రల్లో నటిస్తున్నారు. బాక్సింగ్ దిగ్గజం మైక్ టైసన్‌ను కీలక పాత్ర కోసం తీసుకున్నారు. ఈ సినిమాకు పూరి జగన్నాథ్, ఛార్మీ కౌర్, కరణ్ జోహర్, అపూర్వ మెహతా నిర్మాతలు.

 

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి