News
News
X

Sidharth Shukla: ‘బిగ్‌బాస్’ విన్నర్ మృతిపై సందేహాలు.. ఆ రాత్రి ఏం జరిగింది? పోలీసులు ఏమన్నారంటే..

చిన్నారి పెళ్లి కూతురు సీరియల్‌తో ప్రజాభిమానం పొందిన ఆ నటుడు చిన్న వయస్సులోనే గుండె పోటు రావడం ఆశ్చర్యం కలిగిస్తుంది. ఎంతో ఫిట్‌గా ఉండే శుక్లా ఎలా చనిపోతారనే సందేహాలు వ్యక్తం చేస్తున్నారు.

FOLLOW US: 

‘చిన్నారి పెళ్లి కూతురు’ (బాలికా వధు) సీరియల్‌లో కలెక్టర్‌గా, ఆనంది భర్తగా ఆకట్టుకున్న నటుడు సిద్ధార్థ్ శుక్లా మరణం బాలీవుడ్‌ను విషాదంలో ముంచేసిన సంగతి తెలిసిందే. ఆ సీరియల్‌లో ఆనంది పాత్ర పోషించిన ప్రత్యూష బెనర్జీ కూడా చనిపోయింది. 2016లో ముంబయిలోని తన ఫ్లాట్‌లో ఆత్మహత్య చేసుకుంది. ఆ ఘటన చోటుచేసుకున్న ఐదేళ్లకే శుక్లా కూడా చనిపోవడం బాధాకరం. 2020లో ప్రసారమైన ‘బిగ్ బాస్’ 13 సీజనల్‌లో ఎంతోమంది అభిమానుల గుండెలను గెలుచుకుని విజేతగా నిలిచాడు. దీంతో ఆయన మరణ వార్తను అభిమానులు నమ్మలేకపోతున్నారు. 

అయితే.. శుక్లా నిజంగానే గుండె నొప్పితో మరణించారా? లేదా ఆత్మహత్య అనేది తెలియాల్సి ఉంది. ప్రాథమిక విచారణ ప్రకారం వైద్యులు శుక్లా గుండె పోటుతోనే చనిపోయినట్లు తెలుస్తోంది. కుటుంబ సభ్యులు తెలిపిన వివరాలను పరిశీలిస్తే పోలీసులకు కొన్ని సందేహాలు కలిగాయి. ముంబయిలో నివసిస్తున్న శుక్లా బుధవారం రాత్రి నిద్రపోయే ముందు కొన్ని మాత్రలు వేసుకుని నిద్రపోయారని, తెల్లవారుజామున సుమారు 3 గంటల సమయంలో గుండెలో ఏదో గాబరగా ఉందని చెప్పడంతో తల్లి మంచి నీళ్లు ఇచ్చింది. దీంతో శుక్లా మళ్లీ నిద్రలోకి జారుకున్నారు. ఉదయం తల్లి నిద్రలేపేందుకు ప్రయత్నించారు. ఎంత ప్రయత్నించినా చలనం లేకపోవడంతో ఆమె తన కుమార్తెకు ఫోన్ చేశారు. దీంతో ఆమె డాక్టర్‌తో వచ్చింది. వైద్యుడి సూచనతో వెంటనే శుక్లాను 9.40 గంటల సమయంలో హాస్పిటల్‌కు తరలించారు. 10.15 గంటలకు శుక్లా చనిపోయినట్లు వైద్యులు ధృవీకరించారు. అయితే, శుక్లా శరీరంపై ఎక్కడా గాయాలు కాలేదని తెలిపారు.  

ఈ ఘటనపై ముంబయి పోలీస్ డీసీపీ స్పందిస్తూ.. ‘‘పోస్ట్ మార్టం నివేదిక కోసం వేచి చూస్తున్నాం. అవి లభించేవరకు ఏ విషయం నిర్ధరించలేం. కుటుంబికులు ఎలాంటి అనుమానాలు వ్యక్తం చేయలేదు. హాస్పిటల్‌కు వచ్చే సరికే శుక్లా చనిపోయి ఉన్నారు’’ అని తెలిపారు. అయితే, సిద్ధార్థ్ మానసిక ఒత్తిడికి లోనయ్యాడని, అందుకే ఆత్మహత్య చేసుకుని ఉండవచ్చనే వదంతులు వినిపిస్తున్నాయి.  

సిద్ధార్థ్‌ 2004లో ‘షో‌బిజ్’ ద్వారా మోడలింగ్ రంగంలోకి అడుగుపెట్టారు. 2005లో టర్కీలో జరిగిన మోడలింగ్ పోటీల్లో కూడా పాల్గొన్నారు. ఆ తర్వాత పలు వాణిజ్య ప్రకటనల్లో నటిస్తూ 2008లో టెలివిజన్ రంగంలోకి అడుగుపెట్టారు. సోనీలో ప్రసారమయ్యే ‘బాబుల్ కా అంగాన్ చూటే నా’ సీరియల్ ద్వారా బుల్లితెర ప్రేక్షకులకు పరిచమయ్యారు. ఆ తర్వాత ‘లవ్ యు జిందగీ’, ‘పవిత్ర పునియా’ సీరియల్స్ ద్వారా మరింత గుర్తింపు పొందారు. 

Also Read: చిన్న వయసులోనే గుండెపోటు.. ప్రమాదంలో భారత యువత, కారణాలు ఇవే..

2012లో ‘బాలికా వధు’ (చిన్నారి పెళ్లికూతురు) సీరియల్‌లో కలెక్టర్ శివరాజ్ శేఖర్ పాత్రలో కనిపించారు. ఆ సీరియల్ సూపర్ హిట్ కావడంతో శుక్లాకు అభిమానులు పెరిగారు. ఈ సీరియల్‌లో ఆయన నటనకు పలు అవార్డులు కూడా దక్కాయి. దీంతో పలు రియాలిటీ షోల్లో కూడా శుక్లా పాల్గోని తన టాలెంట్ చూపించారు. శుక్లా క్రేజ్.. బిగ్‌ బాస్ వైపు అడుగులు వేయించింది. 2020లో ప్రసారమైన ‘బిగ్‌ బాస్’ సీజన్ 13 ద్వారా సిద్ధార్థ్ శుక్లా ప్రేక్షకులకు మరింత దగ్గరయ్యారు. అందులో అతడి వ్యక్తిత్వాన్ని చూసి ప్రేక్షకులు విజేతగా నిలిపారు. ఆల్ట్ బాలాజీ, మ్యాక్స్ ప్లేయర్‌ తదితర ఓటీటీల్లో ప్రసారమవుతున్న వెబ్ సీరిస్‌ల్లో కూడా శుక్లా నటిస్తున్నారు. ‘బిగ్‌ బాస్’ సీజన్ 14లో వీకెండ్ వార్‌లో సల్మాన్‌కు బదులు హోస్ట్‌గా కూడా శుక్లా ఆకట్టుకున్నారు. 

Also Read: గుండె నొప్పితో ‘బిగ్ బాస్’ విన్నర్ మృతి.. ‘చిన్నారి పెళ్లి కూతురు’ కలెక్టర్‌కు కన్నీటి వీడ్కోలు!

Published at : 02 Sep 2021 09:04 PM (IST) Tags: Sidharth Shukla Sidharth Shukla Death Sidharth Shukla Death News Sidharth Shukla dies Bigg Boss 13 Winner Bigg Boss 13 Winner Death సిద్ధార్థ్ శుక్లా సిద్ధార్థ్ శుక్లా మరణం

సంబంధిత కథనాలు

తరణ్ ఆదర్శ్ రివ్యూ: ‘లాల్ సింగ్ చడ్డా’ అలా - ‘రక్షాబంధన్’ ఇలా, బాలీవుడ్ ఊపిరి పీల్చుకుందా?

తరణ్ ఆదర్శ్ రివ్యూ: ‘లాల్ సింగ్ చడ్డా’ అలా - ‘రక్షాబంధన్’ ఇలా, బాలీవుడ్ ఊపిరి పీల్చుకుందా?

Laal Singh Chaddha Review - లాల్ సింగ్ చడ్డా రివ్యూ : ఆమిర్ సినిమా ఎలా ఉంది? హిందీలో నాగ చైతన్యకు గ్రాండ్ ఎంట్రీ లభిస్తుందా? లేదా?

Laal Singh Chaddha Review - లాల్ సింగ్ చడ్డా రివ్యూ : ఆమిర్ సినిమా ఎలా ఉంది? హిందీలో నాగ చైతన్యకు గ్రాండ్ ఎంట్రీ లభిస్తుందా? లేదా?

Rishabh Pant on Urvashi Rautela: నన్ను వదిలెయ్‌ చెల్లెమ్మా! ఊర్వశి రౌటెలాపై పంత్‌ పంచ్‌లు!

Rishabh Pant on Urvashi Rautela: నన్ను వదిలెయ్‌ చెల్లెమ్మా! ఊర్వశి రౌటెలాపై పంత్‌ పంచ్‌లు!

Allu Arjun: రూ.10 కోట్ల ఆఫర్ వదులుకున్న అల్లు అర్జున్ - అభిమానుల కోసమే అలా చేశాడట!

Allu Arjun: రూ.10 కోట్ల ఆఫర్ వదులుకున్న అల్లు అర్జున్ - అభిమానుల కోసమే అలా చేశాడట!

Hero Vishal: షూటింగ్ సెట్లో ప్రమాదం, తీవ్ర గాయాలపాలైన హీరో విశాల్

Hero Vishal: షూటింగ్  సెట్లో ప్రమాదం,  తీవ్ర గాయాలపాలైన హీరో విశాల్

టాప్ స్టోరీస్

Normon And Foster : ఏపీ ప్రభుత్వం నుంచి బిల్లులు ఇప్పించండి - సుప్రీంకోర్టులో నార్మన్ ఫోస్టర్స్ పిటిషన్ !

Normon And Foster : ఏపీ ప్రభుత్వం నుంచి బిల్లులు ఇప్పించండి - సుప్రీంకోర్టులో నార్మన్ ఫోస్టర్స్ పిటిషన్ !

YS Vijayamma : వైఎస్ విజయమ్మకు తప్పిన ప్రమాదం

YS Vijayamma : వైఎస్ విజయమ్మకు తప్పిన ప్రమాదం

Ysrcp Reactions : ఫేక్ వీడియోపై ఇంకా రాద్దాంతమా ? టీడీపీపై వైఎస్ఆర్‌సీపీ ఆగ్రహం !

Ysrcp Reactions : ఫేక్ వీడియోపై ఇంకా రాద్దాంతమా  ? టీడీపీపై వైఎస్ఆర్‌సీపీ ఆగ్రహం !

Fact Check: బీసీసీఐ ఛైర్మన్‌ పదవికి గంగూలీ రాజీనామా! కొత్త ఛైర్మన్‌గా జే షా!! నిజమేనా?

Fact Check: బీసీసీఐ ఛైర్మన్‌ పదవికి గంగూలీ రాజీనామా! కొత్త ఛైర్మన్‌గా జే షా!! నిజమేనా?