Ori Devuda: ఓరి దేవుడా... విశ్వక్‌ను అమ్మాయి ఎలా లాగుతుందో చూశారా?

విశ్వక్‌ సేన్‌, మిథిలా పాల్కర్‌ జంటగా నటిస్తున్న సినిమాకు 'ఓరి దేవుడా' టైటిల్‌ ఖరారు చేశారు. ఈ రోజు హీరో హీరోయిన్ల ఫస్ట్‌ లుక్‌, మోషన్‌ పోస్టర్‌ విడుదల చేశారు.

Written By : ABP Desam | Updated at : 09 Nov 2021 03:45 PM (IST)

Vishwak Sen, Mithila Palkar starrer movie titled as Ori Devuda and Here is the first look n motion poster Ori Devuda: ఓరి దేవుడా... విశ్వక్‌ను అమ్మాయి ఎలా లాగుతుందో చూశారా?

'ఓరి దేవుడా' సినిమాలో విశ్వక్‌ సేన్‌, మిథిలా పాల్కర్‌

యువ హీరో విశ్వక్‌ సేన్‌ కొత్త సినిమాకు 'ఓరి దేవుడా' టైటిల్‌ ఖరారు చేశారు. పి.వి.పి సినిమా, శ్రీ వెంకటేశ్వర క్రియేషన్స్‌ సంస్థలు సంయుక్తంగా నిర్మిస్తున్నాయి. ఇందులో ఉత్తరాది భామ మిథిలా పాల్కర్‌ హీరోయిన్‌. ఈ రోజు (మంగళవారం) హీరో హీరోయిన్ల ఫస్ట్‌ లుక్‌తో పాటు మోషన్‌ పోస్టర్‌ విడుదల చేశారు. 'పెళ్లిల్లు స్వర్గంలో నిశ్చయింపబడతాయి' - మోషన్‌ పోస్టర్‌ ప్రారంభంలో కనిపించిన లైన్‌ ఇది. ఆ తర్వాత సూటు, బూటులో విశ్వక్‌ సేక్‌ కనిపించారు. సీతాకోక చిలుకను పట్టుకోవడానికి ఆయన పైగి ఎగిరితే... ఆయన్ను పట్టుకుని వెనక్కి లాగుతున్న అమ్మాయిగా మిథిలా పాల్కర్‌ కనిపించారు.
"స్క్రీన్‌ నీది. బ్లాస్ట్‌ నాది. ఓ బ్యాంగ్‌తో పార్టీ స్టార్ట్‌ అవుతుంది. నా ఆరో సినిమా అనౌన్స్‌ చేయడం చాలా సంతోషంగా ఉంది. #VS6 ఫస్ట్‌ లుక్‌, మోషన్‌ పోస్టర్‌ ఇదిగో" అని విశ్వక్‌ సేన్‌ పోస్ట్‌ చేశారు. తమిళ సినిమాలో భగవంతుడి పాత్రలో విజయ్‌ సేతుపతి నటించారు. తెలుగులో ఎవరు ఆ పాత్ర చేశారో చూడాలి.

View this post on Instagram

A post shared by Vishwak Sen (@vishwaksens)

తమిళంలో అశోక్‌ సెల్వన్‌, 'గురు' ఫేమ్‌ రితికా సింగ్‌ జంటగా నటించిన 'ఓ మై కడవులే' సినిమాకు రీమేక్‌ ఈ 'ఓరి దేవుడా'. ఒరిజినల్‌ సినిమాకు దర్శకత్వం వహించిన అశ్వత్‌ మారిముత్తు తెలుగు సినిమాకూ దర్శకత్వం వహించారు. 'ఓరి దేవుడా'కు యువ దర్శకుడు తరుణ్‌ భాస్కర్‌ డైలాగులు రాశారు. పెరల్‌ వి పొట్లూరి, పరమ్‌ వి పొట్లూరి, 'దిల్‌' రాజు చిత్రాన్ని నిర్మిస్తున్నారు. హీరోగా విశ్వక్‌ సేన్‌కు 6వ సినిమా ఇది.