Vijay Devarakonda: 'నాతో బెడ్ షేర్ చేసుకుంది ఎవరో తెలుసా..?' విజయ్ ట్వీట్ వైరల్.. 

తాజాగా విజయ్ దేవరకొండ ట్విట్టర్ లో షేర్ చేసిన వీడియో బాగా వైరల్ అవుతోంది.

వైజాగ్ హోటల్ లో విజయ్ దేవరకొండ బెడ్ పై ఎవరున్నారో తెలుసా..?

టాలీవుడ్ సెన్సేషనల్ హీరో విజయ్ దేవరకొండ ఓపక్క హీరోగా సినిమాలు చేస్తూనే మరోపక్క నిర్మాతగా కూడా కొత్త వాళ్లను ప్రోత్సహిస్తున్నాడు. ప్రస్తుతం తన తమ్ముడు హీరోగా 'పుష్పక విమానం' అనే సినిమాను నిర్మించాడు విజయ్ దేవరకొండ. దీంతో కొన్ని రోజులుగా 'పుష్పక విమానం' ప్రమోషన్స్ లో పాల్గొంటున్నాడు మన రౌడీ హీరో. దీపావళి రోజు బిగ్ బాస్ ప్లాట్ ఫామ్ పై ఈ సినిమాను ప్రమోట్ చేశారు. రీసెంట్ గా దేవరకొండ బ్రదర్స్ ఇద్దరూ కలిసి సరదాగా చాట్ లో పాల్గొన్నారు. ఈ సెషన్ లో విజయ్ తనకు బ్రేకప్ జరిగిందని చెప్పి వార్తల్లో నిలిచాడు. 

ఇదిలా ఉండగా.. తాజాగా విజయ్ దేవరకొండ ట్విట్టర్ ఓ పోస్ట్ పెట్టారు. 'Guess who is sharing the bed with me today' అంటూ క్యాప్షన్ ఇచ్చి ఓ వీడియో షేర్ చేశారు. ఇందులో విజయ్ తో పాటు మరొక వ్యక్తి బెడ్ పై ఉన్నాడు. నవంబర్ 8, వైజాగ్ లో ఒక హోటల్ లో నాతో బెడ్ షేర్ చేసుకున్నది ఎవరో తెలుసా అంటూ ఆనంద్ దేవరకొండని చూపించాడు విజయ్. 'హే సుందర్.. నీ పెళ్లామేది.. ఇక్కడేం చేస్తున్నావ్..?' అంటూ పడుకున్న ఆనంద్ ని నిద్రలేపే ప్రయత్నం చేశాడు విజయ్. దీంతో ఇరిటేట్ అయిన ఆనంద్.. స్టాప్ ఇట్ అంటూ మళ్లీ పడుకోబోయాడు. కానీ విజయ్ మళ్లీ మళ్లీ 'నీ వైఫ్ ఎక్కడ..? ఈ బెడ్ పై ఎందుకు ఉన్నావ్..?' అని ప్రశ్నిస్తూనే ఉన్నాడు. దీంతో ఆనంద్ దేవరకొండ 'లేచిపోయిందిరా బయ్' అంటూ బదులిచ్చాడు. సినిమా ప్రమోషన్స్ కోసం వెరైటీగా ప్లాన్ చేసిన ఈ వీడియో నెటిజన్లను ఆకట్టుకుంటుంది. 

'దొరసాని' సినిమాతో హీరోగా ఎంట్రీ ఇచ్చిన ఆనంద్ దేవరకొండ.. ఆ తరువాత 'మిడిల్ క్లాస్ మెలోడీస్'తో హిట్ అందుకున్నాడు. ఈసారి 'పుష్పక విమానం' సినిమాతో ప్రేక్షకుల ముందుకు రాబోతున్నాడు. నవంబరు 12న ఈ సినిమా విడుదల కానుంది. అవుట్ అండ్ అవుట్ కామెడీ ఎంటర్టైనర్ గా ఈ సినిమాను రూపొందించారు. 

Guess who is sharing the bed with me today 😉

Book your tickets now - https://t.co/0neeFHptsf pic.twitter.com/qQrDTt5dSr

— Vijay Deverakonda (@TheDeverakonda) November 9, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి