Seethe Ramudi Katnam Serial September 3rd: 'సీతే రాముడి కట్నం' సీరియల్: మహాలక్ష్మీ, జనార్థన్‌ల చేతుల మీదగా రేవతి, కిరణ్‌ల నిశ్చితార్థం.. అత్త మీద కోడలి పై చేయి!

Seethe Ramudi Katnam Today Episode కిరణ్, రేవతిల నిశ్చితార్థం మహాలక్ష్మీ జనార్థన్‌ల చేతుల మీదుగా సీత చేయించడంతో ఇవాళ్టి ఎపిసోడ్ ఆసక్తికరంగా మారింది.

Image Credit: Zee5/YouTube

Source : Zee5/YouTube

Seethe Ramudi Katnam Serial Today Episode బిజినెస్ మెన్ ముఖేష్‌ని సీత తెలివిగా ఇంటికి రప్పిస్తుంది. సీత పనికి అందరూ సీతని పొగిడేస్తారు. కిరణ్ కూడా సీతకి థ్యాంక్స్ చెప్తాడు. ఇక సీత రేవతి పిన్ని జనార్థన్‌, మహాలక్ష్మీల చేతుల మీద నిశ్చితార్థం అవ్వాలని కోరుకుందని అందుకే ఇందతా చేశానని సీత అంటుంది. మహాలక్ష్మీ వాళ్లు ఇంటికి వచ్చినా నిశ్చితార్థం చేయడానికి ఒప్పుకుంటారా లేదా అని శివకృష్ణ అడిగుతాడు. 

కిరణ్: అందుకే మంచి మనసున్న మీ చేతుల మీద నా నిశ్చితార్థం జరగాలి అని కోరుకుంటున్నా సీత.
సీత: లేదు కిరణ్ గారు రేవతి పిన్ని కోరుకున్నట్లు అత్తామామల చేతుల మీదగానే ఈ నిశ్చితార్థం జరుగుతుంది. 
రామ్: మా నాన్న పిన్ని చేతుల మీదగానే నిశ్చితార్థం జరుగుతుందని నాకు అనిపిస్తుంది.
చలపతి: జరగకపోయిన సీత వాళ్ల మెడలు వంచి అయినా సరే జరిపిస్తుంది.
జనార్థన్: గిరి ముఖర్జీ గారు ఇంట్లో ఉన్నారా.
గిరిధర్: ఉన్నారు అన్నయ్య మీరు ఎందుకు అసలు వచ్చారు.
మహాలక్ష్మీ: ఆయన ఇంట్లో ఉంటే మేం బయట ఉండి ఏం చేస్తాం. ఆయనే ఫోన్ చేసి ఇంటికి రమ్మన్నారు.
అర్చన: ఇదంతా రామ్, సీతల ప్లాన్ మహా. కావాలనే సీత ఇలా చేసింది. ఇప్పుడు రేవతి నిశ్చితార్థం మీరు జరిపిస్తారా.
జనార్థన్: ఆయన పక్కా బిజినెస్ మెన్ ఇలాంటి ఆయన పట్టించుకోరు.
అర్చన: సీత ఆయన్ను ముందు నిశ్చితార్థం అని కూర్చొన్నారు. 

మహాలక్ష్మీ వాళ్లు ఇంట్లోకి వెళ్తారు. ముఖర్జీ మహాతో మీకు ఇంట్లో నిశ్చితార్థం కంటే ప్రాజెక్టే ఎక్కువ అని అడుగుతాడు. సీత కూడా మహాని ఇరికించేలా మాట్లాడుతుంది. జనా, మహాలకు రేవతి అని చాలా ఇష్టమని సీత, రామ్‌లు ముఖర్జీతో చెప్తారు. ప్రాజెక్ట్ కోసమే వచ్చారు కానీ తనకు అసలు వాళ్ల చెల్లి ఇంపార్ట్‌టెంట్ అని ఇద్దరినీ ఇరికించేస్తారు. మిగతా వాళ్లు కూడా ఇద్దరినీ ముఖర్జీ దగ్గర ఇరికించేస్తారు. దాంతో ముఖర్జీ అదంతా నిజం అనుకొని ముందు నిశ్చితార్థం చేయమని అంటాడు. పంతులు కూడా టైం అయిపోతుందని చెప్పడంతో ముందు నిశ్చితార్థం చేయమని అంటారు. సీత రేవతిని తీసుకొని వస్తుంది. ఇరుక్కున్నామని తప్పని పరిస్థితుల్లో నిశ్చితార్థం చేయాలని మహాలక్ష్మీ వాళ్లు అనుకుంటారు. 

సీత సమక్షంలో మహాలక్ష్మీ, జనార్థన్ రేవతి తరఫున ఇక సీత తల్లిదండ్రులు శివకృష్ణ, లలితలు కిరణ్ అన్నవదినల స్థానంలో ఉండి మహాలక్ష్మీ వాళ్లతో తాంబూలం మార్చుకుంటారు. మహాలక్ష్మీ ఎదురుగానే కిరణ్, రేవతిలు రింగులు మార్చుకొని ఒక్కటవుతారు. మహాలక్ష్మీ అండ్ బ్యాచ్ కోపంతో రగిలిపోతారు. నిశ్చితార్థాన్ని విద్యాదేవి మేడ మీద నుంచి చూస్తూ సీత ఘటికురాలని అనుకుంటుంది. కిరణ్, రేవతిల నిశ్చితార్థం మహాలక్ష్మీ సమక్షంలో జరగడంతో ఇవాళ్టి ఎపిసోడ్ పూర్తయిపోతుంది.