The Raja Saab TV Premiere Date: థియేటర్లలో డిజాస్టర్... ఓటీటీలో ట్రోలింగ్... టీవీలో ఎలా? 'ది రాజా సాబ్' టెలికాస్ట్ ఎప్పుడంటే?

Prabhas The Raja Saab TV Telecast Date: రెబల్ స్టార్ ప్రభాస్ హీరోగా మారుతి డైరెక్ట్ చేసిన 'ది రాజా సాబ్' సినిమా టీవీ ప్రీమియర్ కోసం రెడీ అయ్యింది. ఈ మూవీ ఎప్పుడు? ఏ ఛానల్ లో వస్తుంది? అంటే...

థియేటర్లో డిజాస్టర్.. ఓటీటీలో ట్రోలింగ్.. మరి టీవీలో ‘రాజా సాబ్’?

Source : https://www.instagram.com/starmaa/

రెబల్ స్టార్ ప్రభాస్ నటించిన 'ది రాజా సాబ్'పై వచ్చిన అన్ని విమర్శలు ఈ మధ్య కాలంలో ఇతర సినిమాలపై వచ్చి ఉండవు. దానికి ప్రధాన కారణం దర్శకుడు మారుతి. ఆయన ప్రమోషన్స్‌లో చెప్పిన, చేసిన అతి. మారుతి తానేదో వరల్డ్ క్లాస్ సినిమా తీస్తున్నట్టుగా బిల్డప్ ఇవ్వడం, పైగా షూటింగ్ ఆలస్యం అవ్వడం, ఎప్పటికప్పుడు సినిమా వాయిదా పడుతూ ఉండటం ఇవన్నీ కలిసి ప్రేక్షకుల్లో చిరాకుని తెప్పించాయి. దానికి తగ్గట్టు మూవీ కూడా దారుణంగా ఉంది. వీఎఫ్ఎక్స్ అని ఊరించారు. అవి కూడా చివరకు తేడా కొట్టాయి. వెరసి రాజా సాబ్ అనేది పీపుల్స్ మీడియా ఫ్యాక్టరీకి గుదిబండలా మారింది.

తమ అప్పులన్నీ రాజా సాబ్ తీర్చేస్తుందని విశ్వ ప్రసాద్ ఎంతో నమ్మకంగా, గొప్పగా చెప్పేవాడు. కానీ ఇప్పుడు అతడే అడ్రస్ లేకుండా పోయారు. రాజా సాబ్ తరువాత మళ్లీ మీడియా ముందుకు రాలేదు. సోషల్ మీడియాలో కూడా అతను సైలెంట్ అయిపోయారు. ఒక్క రాజా సాబ్‌తో అటు దర్శకుడు, ఇటు నిర్మాత అడ్రెస్ గల్లంతయింది. థియేటర్లో ఈ మూవీకి భారీ నష్టాలు వచ్చాయి. ఓటీటీలోకి వచ్చిన తరువాత మారుతిని ఫ్యాన్స్ మరింతగా ఆడుకున్నారు. ఇక ఇప్పుడు ఈ సినిమా టీవీలో రాబోతోంది. వరల్డ్ టెలివిజన్ ప్రీమియర్‌కు రెడీ అయింది.

రాజా సాబ్ మూవీని ఈ ఆదివారం ప్రసారం చేయబోతోన్నారు. స్టార్ మా ఈ చిత్రాన్ని ఏప్రిల్ 26న సాయంత్రం ఐదున్నర గంటలకు ప్రసారం చేయబోతోంది. అయితే ఈ స్ట్రీమింగ్ ఎలాంటి రేటింగ్‌ని సాధిస్తుందో చూడాలి. మామూలు ఆడియెన్స్‌కే ఈ చిత్రం ఎక్కలేదు. ఇక ఇంట్లో టీవీల ముందు కూర్చుని చూసే ఫ్యామిలీ ఆడియెన్స్‌కి ఏ మాత్రం ఎక్కుతుందో చూడాలి.

రాజా సాబ్ మీద ఆశలు పెట్టుకున్న ముగ్గురు హీరోయిన్లు కూడా దెబ్బకు సైలెంట్ అయ్యారు. రిలీజ్‌కి ముందు సోషల్ మీడియాలో నిధి, మాళవిక, రిద్ది తెగ హడావిడి చేశారు. కానీ రాజా సాబ్ ఫలితాన్ని చూసి వారు కూడా నోరు మెదపడటం లేదు. మరి మారుతి ఇప్పట్లో కం బ్యాక్ ఇస్తాడా? రెబెల్ ఫ్యాన్స్ అంత సులభంగా అతడ్ని వదులుతారా? అన్నది చూడాలి. అసలే అడ్రెస్ చెప్పి మరీ ఇరుక్కున్నాడు మారుతి.