Sandeep Reddy Vanga: ప్రభాసే కాదు... రణబీర్‌తోనూ వెయిటింగే!

Animal Park Update: బాలీవుడ్ షాక్ అయ్యే హిట్ తీసినా సరే... సందీప్ రెడ్డి వంగాకు వెయిటింగ్ తప్పడం లేదు. 'స్పిరిట్' స్టార్ట్ చేయడానికి ప్రభాస్ వెయిట్ చేయించారు. ఆ నెక్స్ట్ కూడా వెయిటింగ్ తప్పేలా లేదు.

'రామాయణ', 'లవ్ అండ్ వార్' తర్వాత 'బ్రహ్మాస్త్ర పార్ట్ 2' లేదా 'ధూమ్ 4' స్టార్ట్ చేయాలని రణబీర్ ప్లాన్ చేస్తున్నారట.

Source : https://www.instagram.com/sandeepreddy.vanga/

ఒక వైపు సౌత్ ఇండియన్ సినిమాలు హిందీలోనూ సూపర్ డూపర్ హిట్లు కొడుతున్న టైం, మరో వైపు నార్త్ ఇండియన్ సినిమాలు బోల్తా పడుతున్నాయి. అప్పుడు మన సందీప్ రెడ్డి వంగా బాలీవుడ్ ఇండస్ట్రీకి 'యానిమల్'తో భారీ హిట్ ఇచ్చారు. ఆ తర్వాత ఇండియాస్ బిగ్గెస్ట్ సూపర్ స్టార్ ప్రభాస్ (Prabhas) హీరోగా 'స్పిరిట్' స్టార్ట్ చేశారు. అయితే... ఆ సినిమాను సెట్స్ మీదకు తీసుకు వెళ్లడం కోసం వెయిట్ చేయక తప్పలేదు.

'స్పిరిట్'కు ముందు కొన్నాళ్ళు వెయిటింగ్!
ప్రభాస్ హీరోగా 'స్పిరిట్' తీయడానికి అయితే సందీప్ రెడ్డి వంగా కమిట్ అయ్యాడు కానీ ఆ సినిమాను సెట్స్ మీదకు తీసుకు వెళ్ళడానికి మాత్రం కొన్నాళ్ళు వెయిట్ చేయాల్సి వచ్చింది. ప్రభాస్ చేతిలో ఎప్పుడూ నాలుగైదు సినిమాలు ఉండటం కామన్. అందులో మినిమమ్ రెండు మూడు షూటింగులు అయినా జరుగుతాయి. సందీప్ రెడ్డి వంగా ఏమో తన సినిమా చేసేటప్పుడు మరొక సినిమా వద్దని, లుక్ కంటిన్యూటీ దెబ్బ తింటుందని వెయిట్ చేసి చేసి షూటింగ్ స్టార్ట్ చేశారు. ఆ మూవీ షూటింగ్ మొదలయ్యాక ప్రభాస్ మరో సినిమా షూట్ చేస్తున్నారని టాక్. అది పక్కన పెడితే... 'స్పిరిట్' తర్వాత చేయబోయే సినిమాకూ సందీప్ రెడ్డి వంగా వెయిట్ చేయక తప్పదేమో!?

 

 

 

 

 

View this post on Instagram

 

 

 

 

 

 

 

 

 

 

 

A post shared by Sandeep Reddy Vanga (@sandeepreddy.vanga)

'యానిమల్ పార్క్' కంటే ముందు!?
'స్పిరిట్'కు ముందు సందీప్ రెడ్డి వంగా డైరెక్ట్ చేసిన సినిమా 'యానిమల్'. ఆ మూవీ క్లైమాక్స్‌లో సీక్వెల్ అనౌన్స్ చేశారు. 'యానిమల్ పార్క్' తీస్తామని చెప్పారు. అందులో రణబీర్ కపూర్ డ్యూయల్ రోల్ హైలైట్ కానుంది. ప్రజెంట్ 'రామాయణ' పూర్తి చేసిన రణబీర్ కపూర్... ఈ ఏడాది దీపావళికి మొదటి భాగాన్ని విడుదల చేస్తున్నారు. వచ్చే ఏడాది దీపావళికి రెండో భాగం రానుంది. మధ్యలో రిపబ్లిక్ డే వీకెండ్ (జనవరి 21, 2027న) సంజయ్ లీలా భన్సాలీ దర్శకత్వంలో నటించిన 'లవ్ అండ్ వార్' రానుంది.

'రామాయణ', 'లవ్ అండ్ వార్' తర్వాత 'యానిమల్ పార్క్'ను రణబీర్ కపూర్ సెట్స్ మీదకు తీసుకు వెళతారని బాలీవుడ్ భావించింది. అయితే ఆయన 'బ్రహ్మాస్త్ర పార్ట్ 2' లేదా 'ధూమ్ 4' స్టార్ట్ చేయాలని ప్లాన్ చేస్తున్నారట. సో... 'స్పిరిట్' కంప్లీట్ చేసిన వెంటనే 'యానిమల్ పార్క్' స్టార్ట్ చేయడానికి సందీప్ రెడ్డి వంగా వెయిట్ చేయక తప్పదన్నమాట.