Ram Charan Remuneration: వంద కోట్లకు మించి... 'పెద్ది' కోసం రామ్ చరణ్ ఎన్ని కోట్లు తీసుకుంటున్నాడంటే?

Ram Charan Remuneration For Peddi: వంద కోట్ల రెమ్యునరేషన్ తీసుకుంటున్న టాలీవుడ్ హీరోల లిస్టులో మెగా పవర్ స్టార్ రామ్ చరణ్ చేరారు. 'పెద్ది' కోసం ఆయన వందకు మించి తీసుకుంటున్నట్టు టాక్.

'పెద్ది' సినిమాకు మెగా పవర్ స్టార్ రామ్ చరణ్ ఎన్ని కోట్ల రూపాయల రెమ్యునరేషన్ తీసుకుంటున్నారంటే?

Source : https://www.instagram.com/vriddhicinemas/

మెగా పవర్ స్టార్ రామ్ చరణ్ (Ram Charan) ప్రస్తుతం 'పెద్ది' (Peddi Movie) సినిమాతో బిజీగా ఉన్నాడు. 'ఆర్ఆర్ఆర్: రౌద్రం రణం రుధిరం' తర్వాత రామ్ చరణ్ పేరు గ్లోబల్‌ స్థాయిలో వినిపించింది. గ్లోబల్ స్టార్‌గా రామ్ చరణ్‌కి మంచి క్రేజ్ ఏర్పడింది. అయితే ఆ తర్వాత వచ్చిన 'గేమ్ చేంజర్' ఆశించిన స్థాయిలో ఆడలేదు. దీంతో రామ్ చరణ్ ప్రైమ్ టైం వేస్ట్ అయిపోయినట్టు అయింది. శంకర్ సినిమా కోసం రామ్ చరణ్ చాలా రోజులు టైం వేస్ట్ చేశాడు. అయితే ఆ తర్వాత బుచ్చిబాబు సానాతో 'పెద్ది' మూవీని రామ్ చరణ్ స్టార్ట్ చేశాడు. ఈ మూవీ కూడా అంతకంతకు ఆలస్యం అవుతూనే వస్తోంది.

ఎప్పటికప్పుడు వాయిదా వేస్తూ 'పెద్ది' టీం ఆడియన్స్, అభిమానుల్ని నిరుత్సాహ పర్చుతోంది. అయితే పెద్ది మేకర్స్ మాత్రం ఆడియన్స్‌కి అద్భుతమైన అనుభవాన్ని అందించాలనే ఉద్దేశంతో ఇలా వాయిదాలు వేస్తోంది. క్వాలిటీ విషయంలో ఎక్కడా కాంప్రమైజ్ కాకూడదు అనే టార్గెట్‌తోనే 'పెద్ది'ని బుచ్చిబాబు ప్రతీ ఫ్రేమ్‌ని చెక్కుతున్నట్టుగా సమాచారం. ఇక ఇప్పటికే టాకీ పార్ట్ పూర్తయింది. ఒక సాంగ్ షూటింగ్ మాత్రమే బ్యాలెన్స్ ఉంది. ఆర్ఆర్ వర్క్, మ్యూజిక్ పనుల్ని రెహమాన్ పూర్తి చేస్తున్నాడు. పోస్ట్ ప్రొడక్షన్ పనులు కూడా స్టార్ట్ అవుతాయి.

ఇక ఏప్రిల్ 30న సినిమాని రిలీజ్ చేయడం కష్టమని, జూన్‌లో ఈ చిత్రాన్ని రిలీజ్ చేస్తామని పెద్ది టీం ప్రకటించింది. అయితే కచ్చితమైన డేట్‌ని మాత్రం ఇంకా ఫిక్స్ చేయలేదు. ఈ లోపు రామ్ చరణ్ తీసుకుంటున్న రెమ్యూనరేషన్ గురించి ఇప్పుడు చర్చలు తెర మీదకు వచ్చాయి. దాదాపు 120 కోట్ల రెమ్యూనరేషన్‌ని రామ్ చరణ్ తీసుకుంటున్నాడట. అయితే ఇది రామ్ చరణ్ కెరీర్‌లోనే హయ్యస్ట్ అని చెప్పుకోవచ్చు.

ప్రభాస్, అల్లు అర్జున్ వంటి వారు కూడా ఇప్పటికే వందలు, రెండొందల కోట్లు తీసుకుంటున్నట్టుగా తెలుస్తోంది. ఇక రామ్ చరణ్ సైతం వంద కోట్ల క్లబ్బులో జాయిన్ అయిపోయాడు. ఇక పెద్ది తరువాత రామ్ చరణ్ మార్కెట్ మరింత పెరిగే అవకాశం ఉంది. దీంతో సుకుమార్ ప్రాజెక్ట్‌కి ఇంకా ఎక్కువే తీసుకునే అవకాశం ఉందని అంతా అనుకుంటున్నారు.