Jagadhatri Actress Deepthi Manne: జగద్ధాత్రి సీరియల్ నటి దీప్తి మన్నే గురించి ఇంట్రెస్టింగ్ ఫ్యాక్ట్స్‌! ఫ్రెండ్‌తో ఆడిషన్‌కు వెళ్లి సీరియల్ ఆఫర్ ఎలా కొట్టేసింది!

Deepthi Manne: తెలుగు బుల్లితెరపై జగద్ధాత్రిగా లక్షల మంది హృదయాలను గెలుచుకున్న నటి దీప్తి మన్నే జర్నీ చాలా ఆసక్తికరమైంది. ఫ్యాషన్ డిజైనింగ్ చేసిన ఆమె నటనలోకి రావడం అంతా కలలా జరిగిపోయింది. 

జగద్ధాత్రి సీరియల్ నటి దీప్తి మన్నే గురించి ఇంట్రెస్టింగ్ ఫ్యాక్ట్స్‌!

Source : Social Media

Show Quick Read

Key points generated by AI, verified by newsroom

• జగద్ధాత్రి సీరియల్ నటి దీప్తి మన్నే, మహిళల శక్తిని చాటే పాత్రలు ఎంచుకున్నారు.
• గతేడాది రోహన్ తో ప్రేమలో ఉన్నట్టు ప్రకటించి, త్వరలో పెళ్లి చేసుకోనున్నారు.
• ఫ్యాషన్ డిజైనర్ కావాలనుకున్న దీప్తి, అనుకోకుండా నటనలోకి అడుగుపెట్టారు.
• కన్నడ, తెలుగు సీరియల్స్ తో మంచి గుర్తింపు తెచ్చుకొని, ప్రస్తుతం జగద్ధాత్రిగా నటిస్తున్నారు.

Jagadhatri Telugu Serial Lead Actress Deepthi Manne: దక్షిణ భారత బుల్లితెర ప్రపంచంలో ప్రస్తుతం అత్యంత ప్రజాదరణ పొందిన పేర్లలో దీప్తి మన్నే(Deepthi Manne) అగ్రస్థానంలో నిలుస్తారు. కేవలం గ్లామర్‌కే పరిమితం కాకుండా, సమాజంలో మహిళల శక్తిని చాటిచెప్పే బలమైన పాత్రను ఎంచుకుంటూ ఆమె తనకంటూ ప్రత్యేక గుర్తింపు తెచ్చుకున్నారు. ముఖ్యంగా జీ తెలుగులో ప్రసారమవుతున్న జగద్ధాత్రి సీరియల్ ద్వారా ఆమె చాలా క్రేజ్ సంపాదించుకున్నారు. 

చాలా కాలంగా దీప్తి వ్యక్తిగత జీవితం గురించి ఆసక్తిగా ఎదురు చూస్తున్న అభిమానులకు గతేడాది ఆమె తీపి కబురు చెప్పాలు. తన సోషల్ మీడియా హ్యాండిల్ ద్వారా తన జీవిత భాగస్వామిని పరిచయం చేస్తూ ఫొటోలను షేర్ చేశారు. రోహన్ అనే వ్యక్తితో ప్రేమలో ఉన్నట్టు ఒప్పుకున్నారు. అతనే తన జీవితంలోకి వచ్చిన హెవెన్లీ గిఫ్ట్‌ అని దీప్తి పేర్కొన్నారు. మొదట అతని ముఖం కనిపించకుండా కొన్ని మిస్టరీ ఫొటోలు షేర్ చేసినప్పటికీ చివరికి కాబోయే భర్త ముఖాన్ని రివీల్ చేసి అందర్నీ ఆశ్చర్యపరిచారు. వీరి జోడీ చూడముచ్చటా ఉందని అభిమానులు కామెంట్స్ చేశారు. 

దీప్తి మన్నే అక్టోబ్‌ 25 , 1991లో కర్ణాటలోనే దావణగెరెలో జన్మించారు. ఆమె ప్రాథమిక విద్య దావణగెరెలో జరిగింది. బెంగళూరులో ఉన్నత విద్యను అభ్యరించారు. ఆమె ఇండియన్ ఇన్‌స్టిట్యూట్‌ ఆఫ్ ఫ్యాషన్ టెక్నాలజీ నుంచి బీఎస్సీ ఫ్యాషన్ డిజైనింగ్ పూర్తి చేశారు. 

వాస్తవానికి ఆమె నటి కావాలని కోరుకోలేదు. కాలేజీ రోజుల్లో తన స్నేహితురాలు మోనిషా గౌడతో కలిసి సరదాగా ఒక ఆడిషన్‌కు వెళ్లింది. అక్కడ ఆమెను చూసిన మేకర్స్ ఆమెను ప్రధాన పాత్రకు ఎంపిక చేశారు. అలా ఒక ఫ్యాషన్ డిజైనర్ కావాల్సిన దీప్తి, అనుకోకుండా మేకప్ వేసుకొని కెమెరా ముందుకు వచ్చింది. తండ్రి గంగాధర్ రావు, తల్లి లక్ష్మీ మొదట నటనకు అంగీకరించలేదు. తర్వాత ఆమె నిర్ణయానికి పూర్తి మద్దతు ఇచ్చారు. 

పద్మావతితో కన్నడ ప్రేక్షకులకు దగ్గరైన దీప్తి 

దీప్తి మన్నే తన నటనా ప్రస్థానాన్ని తొలుత తమిళ చిత్రం ఎవన్‌తో ప్రారంబించింది. అయితే ఆమెకు అసలైన బ్రేక్ ఇచ్చింది మాత్రం కన్నడ బుల్లితెర. కలర్స్ కన్నడలో ప్రసారమైన పద్మావతి సీరియల్‌లో ఆమె పోషించిన తులసి పాత్ర కన్నడ గృహిణులకు, యువతకు ఎంతగానో నచ్చింది. ఆ పాత్రలో ఆమె అమాయకత్వం దైవభక్తి ప్రేక్షకులను కట్టిపడేశాయి. ఆ సమయంలో ఆమెను కర్ణాటక క్రేష్ అని పిలిచేవారు. 

రాధమ్మ కూతురుతో తెలుగులోకి ఎంట్రీ 

కన్నడలో సక్సెస్ సాధించిన తర్వాత, దీప్తి 2019లో రాధమ్మ కూతురు సీరియల్‌తో తెలుగు ప్రేక్షకులకు పరిచయమైంది. ఈ సీరియల్‌లో అక్షర అనే పాత్రను పోషించారు. ఒక సామాన్య మధ్యతరగతి అమ్మాయిగా జీవితాన్ని ప్రారంభించి, ఎన్నో ఆటంకాలను ఎదుర్కొని ఐఏఎస్ ఆఫీసర్‌గా ఎలా అయ్యిందనేది ఈ సీరియల్ ప్రధాన కథాంశం. దాదాపు 1477 ఎపిసోడ్స్‌ పాటు సాగిన ఈ సీరియల్‌ తెలుగు బుల్లితెర చరిత్రలో మైలురాయిగా నిలిచంది. 

అక్షర పాత్ర ముగిసిన వెంటనే దీప్తి జగద్ధాత్రిగా కొత్త అవతారమెత్తారు. ఇందులో ఆమె ఒక గృహిణిగా కనిపిస్తూనే రహస్యంగా ఒక అండర్ కవర్ ఇంటెలిజెన్స్ ఆఫీసర్‌గా నేరగాళ్ల గుండెల్లో నిద్రపోతుంటారు. ఈ పాత్ర కోసం ఆమె ప్రత్యేకంగా మార్షల్ ఆర్ట్స్‌, సెల్ఫ్ డిఫెన్స్ మెళకువలు నేర్చుకున్నారు. ప్రస్తుతం ఈ సీరియల్ 700 ఎపిసోడ్లు పూర్తి చేసుకుంది. 

దీప్తి కేవలం నటి మాత్రమే కాదు. ఆమె ఒక గొప్ప వ్యక్తిత్వం గల మనిషి. ఆమె సద్గురు ఫాలోవర్. సోషల్ మీడియాలో ఆమె మంచి మంచి కొటేషన్లు షేర్ చేస్తుంటారు. ఆమెకు ట్రావెలింగ్ అంటే ఇష్టం. నటనలోకి రాకపోయి ఉంటే ట్రావెలర్ అయ్యేదాన్ని  లేదా ఫ్యాషన్ బొటిక్ నడిపేద్దాన్ని అని ఆమె చెబుతుంటారు. ప్రయాణాలతోపాటు కొత్త వంటకాలు రుచి చూడటం కూడా ఆమెకు ఎంత ఇష్టం. ఆమెకు సీఫుడ్, చికెన్ వంటి మాంసాహార వంటలంటే మక్కువ. 

మరిన్ని చదవండి

జగద్ధాత్రి సీరియల్: అవినాష్‌ను త్రిశూలంతో పొడిచి చంపేసిన జేడీ..కేదార్‌ సుధాకర్‌ కొడుకేనన్న సాక్ష్యాలు కాపాడిన జగధాత్రి

జగద్ధాత్రి సీరియల్: జేడీ,కేడీని చంపేందుకు అవినాష్‌ వేసిన ప్లాన్ ఎలా బెడిసికొట్టింది? కార్తిక్‌ను కేడీ ఎలా చంపాడు?