Chinni Serial Today February 10th: చిన్ని సీరియల్: మధు మిస్సింగ్ కేసు ఛేదించడానికి సత్యభామ ఎంట్రీ! చిన్ని వర్సెస్ సత్య.. నిజమేనా!
Chinni Serial Today Episode February 10th మధు మిస్సింగ్ కేసు ఇన్వెస్టిగేషన్ చేయడానికి సత్యభామ రావడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode మధు తల్లిదండ్రులు దేవా, నాగవల్లికి మీరే మా మధుని కిడ్నాప్ చేశారా అని అడుగుతారు. ఇంట్లో అందరూ వాళ్లని కోప్పడతారు. మ్యాడీ రాగానే విషయం చెప్తారు. మీరేనా అంకుల్ అలా మాట్లాడేది.. చాలా తప్పు.. శ్రేయతో నిశ్చితార్థం అయిన తర్వాత కూడా మధుతో నా పెళ్లిని ఒప్పుకున్నారు అలాంటి వాళ్లని మీరు ఇలా అనడం బాలేదు అని అంటాడు.
తిలక్ గారు అలా చెప్పడంతో మేం ఇలా వచ్చామని స్వరూప చెప్తుంది. రాజకీయంగా ఆ తిలక్ ఏం చేయలేక.. ఇలాంటి తప్పుడు ప్రచారాలు చేస్తున్నాడు.. రెండు రోజుల్లో ఎక్కడున్నా మధుని తీసుకొస్తా అని చెప్పా.. అని అంటాడు. స్వరూప, సుబ్బు ఇద్దరూ దేవాకి సారీ చెప్తారు. తొందర్లోనే అందరి బాధని తీర్చుతాను.. దయచేసి మీరు బాధపడి మమల్ని బాధ పెట్టొద్దు అని మ్యాడీ చెప్తాడు. మ్యాడీ గదిలో ఆలోచిస్తూ ఉంటే వరుణ్ వెళ్తాడు. మధు గురించి ఏం తెలీకుండానే వాళ్లకి అలా ఎలా మాటిచ్చావ్ బావ అని అడిగితే మధు ఎక్కడుందో తెలీదు కానీ ఎక్కడున్నా మధుని తీసుకురావాలని అంటాడు. ఆ తిలక్ డాడీ మీద అనుమానం పెంచి మధు వాళ్ల పేరెంట్స్ని మన ఇంటికి పంపాడు.. వాళ్లని తప్పు పట్టడం లేదు కానీ డాడీ మీద నింద పడింది.. వీలైనంత త్వరగా మధు ఎక్కడుందో తెలుసుకొని డాడీ మీద పడిన నింద తొలగించాలని అంటాడు. మ్యాడీ వెంటనే ఒకరికి కాల్ చేసి మాట్లాడుతాడు. డాడీ నిర్దోషి అని నిరూపించడానికి ఒక మార్గం దొరికింది బావ అని మ్యాడీ సంతోషంగా చెప్తాడు.
చిన్ని దేవా నుంచి తప్పించుకున్న విషయం గుర్తు చేసుకొని బాలరాజు నవ్వుతాడు. ఒక మనిస్టర్ అయిండి నా కూతురిని కనిపెట్టలేకపోయాడు మీదేవా.. కానీ చివరకు నా కూతురు ఆ దేవా, నాగవల్లిలకు ఓ ఆట ఆడించింది.. ఆ ఆటతో దేవా, నాగవల్లి ఉక్కిరిబిక్కిరి అయిపోతున్నారు అని అంటాడు. బాలరాజు నవ్వడం చూసి రౌడీలు కొడతారు. అయినా బాలరాజు నవ్వుతూనే ఉంటాడు. మరోవైపు దేవా తన మనుషులతో మాట్లాడి ఊరంతా జల్లిడ పట్టి అయినా మధుని తీసుకురమ్మని అంటాడు. నాగవల్లి వచ్చి మధు కచ్చితంగా దొరకాలి.. నీ మీద పడిన నింద పోవాలి అని అంటుంది. ఇంతలో ఇంటికి ఎస్పీ వస్తాడు. నా ఫ్రెండ్ కదా నా కోసం వచ్చుంటాడు అని దేవా అంటాడు. ఇంతలో ఎస్పీ వచ్చి మీ కోడలి కనిపించడం లేదని ఎంక్వైరీ చేయడానికి వచ్చానని అంటాడు. మీకు ఎవరు చెప్పారు అని దేవా అడిగితే నేనే చెప్పా అని మ్యాడీ అంటాడు.
పోలీసులకు చెప్తే మీడియాలో వస్తుందని చెప్పకుండా పర్సనల్గా ఎంక్వైరీ చేయిస్తున్నా కదా అని దేవా అంటాడు. తిలక్ మీ మీద వేసిన నింద పోవాలి అంటే అంకుల్ సాయం కావాలి అని మ్యాడీ అంటాడు. తిలక్ ఇంత చేశాడా.. నా ఫ్రెండ్ మీద పడిన నింద పొగొట్టుకునే బాధ్యత నాకు ఉందని సురేశ్ అంటారు. డిటైల్స్ అన్నీ తెలుసుకొని ఈ కేసు డీల్ చేయడానికి పవర్ఫుల్ పోలీస్ని అపాయింట్ చేస్తా అని చెప్పి వెళ్లిపోతారు. దేవా మనసులో అనవసరంగా పోలీస్లను ఇన్వాల్వ్ చేశాడని అనుకుంటాడు. ఇక శ్రేయ మొత్తం విని లోహితకు చెప్తాడు.
ఎస్పీ చెప్పిన డైనమిక్ ఆఫీసర్ సత్యభామగా బిగ్బాస్ బ్యూటీ యష్మీ ఎంట్రీ ఇస్తుంది. ఇంటికి వచ్చి మ్యాడీ మ్యాడీ అని పిలుస్తుంది. అందరూ బయటకు వస్తారు. నువ్వు ఎవరు లగేజ్తో వచ్చేశావ్ అని లోహిత అడిగితే నువ్వు ఎవరు.. మీ అమ్మనాన్న ఎవరు.. అని మొత్తం అడుగుతుంది. నువ్వు ఎవరు అని అడిగినందుకు ఇన్ని అడగాలా అని అంటుంది. మ్యాడీ రాగానే సత్యభామ హగ్ చేసుకుంటుంది. నేను ఎవరో గుర్తు పట్టలేదా.. ఇప్పుడు గుర్తు పడతావ్.. చూడు అని చిన్ని వర్సెస్ చిట్టి అని చిన్నప్పుడు గురించి చెప్తుంది. దాంతో మ్యాడీ గుర్తు పట్టి నువ్వు సత్యభామ కదా అని అంటాడు. సారీ సత్య గుర్తు పట్టలేకపోయా అంటాడు. పోనీ నేను గుర్తు పట్టా దట్ ఈజ్ భామ సత్యభామ అని అంటుంది. మ్యాడీ సత్యభామని అందరికీ పరిచయం చేస్తాడు. అందరూ సత్యభామ ఎవరా అనుకుంటారు. మినిస్టర్ దేవా రాగానే సత్యభామ వెళ్లి సెల్యూట్ కొట్టి స్పెషల్ ఇన్విస్టిగేషన్ ఆఫీసర్ అని చెప్తుంది. అందరూ షాక్ అయిపోతారు. దీంతో ఇవాళ్టి ఎపిసోడ్ పూర్తయిపోతుంది.
Before You Go
NTR Sister In Law Politics Entry Rumours | నందమూరి ఫ్యామిలీ నుంచి మరో పొలిటికల్ ఎంట్రీ?
టాప్ హెడ్ లైన్స్
ట్రెండింగ్ వార్తలు
