‘కల్కి’ ట్రైలర్ రిలీజ్ డేట్, ‘ఫ్యామిలీ స్టార్’ టీజర్ అప్‌డేట్ - నేటి టాప్ సినీ విశేషాలివే!

ఈ రోజు 5 గంటల వరకు జరిగిన సినీ విశేషాల గురించి తెలుసుకోవాలని ఉందా? మరి ఇంకెందుకు ఆలస్యం... ఈ టాప్-5 విశేషాలు చూసేయండి.

ప్రతీకాత్మక చిత్రం

Source : Pixabay

ప్రభాస్ ఫ్యాన్స్ గెట్ రెడీ - 'కల్కి 2898 ఏడీ' ట్రైలర్ ఎప్పుడంటే?
టాలీవుడ్ నుంచి ఈ ఏడాది రాబోతున్న ఇండియన్ మోస్ట్ అవైటెడ్ ప్రాజెక్ట్స్ లో 'కల్కి 2898 ఏడీ' ముందు వరుసలో ఉంటుంది. 'సలార్' వంటి సక్సెస్ తర్వాత యంగ్ రెబల్ స్టార్ ప్రభాస్ హీరోగా నటిస్తున్న సినిమా కావడం, టాలెంటెడ్ డైరెక్టర్ నాగ్ అశ్విన్ సైన్స్ ఫిక్షన్ కథాంశంతో హాలీవుడ్ స్టాండర్డ్స్ లో ఈ సినిమాని తెరకెక్కిస్తుండడంతో ఆడియన్స్ లో భారీ అంచనాలు ఉన్నాయి. ఇప్పటికే సినిమా నుంచి వస్తున్న అప్డేట్స్ మరింత క్యూరియాసిటీ పెంచాయి. ఆల్రెడీ గ్లింప్స్ వీడియోతో ఈ సినిమా హాలీవుడ్ రేంజ్ లో ఉంటుందని హింట్ ఇచ్చింది మూవీ యూనిట్. ఇక తాజాగా 'కల్కి2898 ఏడీ' ట్రైలర్ రిలీజ్ డేట్ గురించి ఒక రూమర్ వచ్చింది. (పూర్తి వివరాల కోసం ఇక్కడ క్లిక్ చేయండి.)

పాతికేళ్ల తర్వాత హిందీ సినిమా - ఇప్పుడు తనకు ఏం కావాలో చెప్పిన జ్యోతిక
మార్చి 8న విడుదలకు సిద్ధమైన హిందీ చిత్రాల్లో 'సైతాన్' ఒకటి. బాలీవుడ్ స్టార్ అజయ్ దేవగణ్, సౌత్ స్టార్ ఆర్ మాధవన్ ప్రధాన పాత్రలు పోషించారు. ఇందులో జ్యోతిక మరో ప్రధాన పాత్రధారి. 'సైతాన్' స్పెషాలిటీ ఏమిటంటే... పాతికేళ్ల తర్వాత జ్యోతిక నటించిన హిందీ చిత్రమిది. ఇరవై సంవత్సరాల మాధవన్, జ్యోతిక నటించిన చిత్రమిది. ఆత్మలు, క్షుద్రపూజలు నేపథ్యంలో సినిమా తీశారు. 'సైతాన్' విడుదల సందర్భంగా బాలీవుడ్ మీడియాకు ఇచ్చిన ఇంటర్వ్యూలో కథల ఎంపికలో తాను ఏ విషయానికి ప్రాముఖ్యం ఇస్తాననేది జ్యోతిక చెప్పారు. (పూర్తి వివరాల కోసం ఇక్కడ క్లిక్ చేయండి.)

‘ఫ్యామిలీ స్టార్’ అప్డేట్ - టీజర్ రిలీజ్ డేట్ ఫిక్స్
జనవరి, ఫిబ్రవరీలో సినిమాల సందడి ముగిసింది. వచ్చే రెండు నెలల్లో పెద్దగా ప్రేక్షకులు ఎగ్జైట్ చేసే సినిమాలు ఏవీ వారి ముందు రావడం లేదు. దీంతో రౌడీ హీరో విజయ్ దేవరకొండకు లైన్ క్లియర్ అయ్యింది. ఏప్రిల్ 5న విజయ్ హీరోగా నటించిన ‘ఫ్యామిలీ స్టార్’ థియేటర్లలో విడుదలకు సిద్ధమవుతోంది. దీంతో ప్రమోషన్స్ కార్యక్రమాలను నెల ముందే ప్రారంభించాలని మేకర్స్ భావిస్తున్నారు. అందులో భాగంగానే ఇటీవల ‘టీజర్ వస్తుంది’ అంటూ విజయ్ దేవరకొండ ట్వీట్ చేశాడు. ఆ ట్వీట్ చేసిన రెండు రోజుల్లోనే ‘ఫ్యామిలీ స్టార్’ టీజర్ అప్డేట్‌తో ఫ్యాన్స్‌ను సంతోషపెట్టాడు. (పూర్తి వివరాల కోసం ఇక్కడ క్లిక్ చేయండి.)

ఖాన్‌లతో కాలు కదిపిన మెగా పవర్ స్టార్ - 'నాటు నాటు' పాటకి స్టెప్పులు!
ప్రముఖ వ్యాపారవేత్త, రిలయన్స్ ఇండస్ట్రీస్ అధినేత ముఖేష్ అంబానీ ఇంట పెళ్లి సందడి నెలకొన్న విషయం అందరికి తెలిసిందే. ముఖేష్, నీతూ అంబానీల రెండవ కుమారుడు అనంత్ అంబానీ ఎన్ కోర్ హెల్త్ కేర్ అధినేత వీరెన్ మర్చంట్ కుమార్తె రాధిక అనంత్ ని వివాహం చేసుకోబోతున్నాడు. ప్రస్తుతం వీరి ప్రీ వెడ్డింగ్ వేడుకలు గుజరాత్ జామ్ నగరంలో అంగరంగ వైభవంగా జరుగుతున్నాయి. ఈ వేడుకకు పంచ వ్యాప్తంగా సినీ సెలబ్రిటీలు, పారిశ్రామికవేత్తలు, దేశ విదేశాలకు చెందిన ప్రధానులు హాజరుకానున్నారు. ఫిబ్రవరి 28 నుంచి మొదలైన ప్రీ వెడ్డింగ్ సెలబ్రేషన్స్ నేటితో ముగియనున్నాయి. ఈ సెలబ్రేషన్స్ లో బాలీవుడ్ స్టార్స్ అంతా డాన్సులతో తెగ సందడి చేశారు. అందుకు సంబంధించిన వీడియో ఇప్పుడు సోషల్ మీడియాలో ట్రెండ్ అవుతుంది. (పూర్తి వివరాల కోసం ఇక్కడ క్లిక్ చేయండి.)

సినిమా కేక పుట్టిస్తుంది, అందులో డౌట్ లేదు - ‘భీమా’ ప్రీ రిలీజ్ ఈవెంట్‌లో గోపీచంద్
కమర్షియల్ సినిమాలు హిట్ అయినా ఫ్లాప్ అయినా అవి కొందరు హీరోలకు సక్సెస్ ఫార్ములాగా మిగిలిపోతాయి. అలాంటి వారిలో గోపీచంద్ ఒకరు. మ్యాచో స్టార్ గోపీచంద్.. చివరిగా ‘రామబాణం’ అనే చిత్రంతో ప్రేక్షకుల ముందుకు వచ్చారు. ఆ సినిమా ఆశించినంత విజయాన్ని అందించలేదు. అందుకే ప్రస్తుతం తన ఆశలన్నీ అప్‌కమింగ్ మూవీ ‘భీమా’పైనే ఉన్నాయి. ఏ హర్ష దర్శకత్వం వహిస్తున్న ఈ సినిమా మార్చి 8న విడుదలకు సిద్ధమవుతోంది. అందుకే సినిమా గురించి ప్రేక్షకులకు తెలిసేలా చేయడానికి మేకర్స్.. ఒక ప్రీ రిలీజ్ ఈవెంట్‌ను ఏర్పాటు చేశారు. హన్మకొండలో జరిగిన ఈ ప్రీ రిలీజ్ ఈవెంట్‌కు ఎమ్మెల్యే నాయిని రాజేందర్ రెడ్డి, పద్మశ్రీ గడ్డం సమ్మయ్య చీఫ్ గెస్టులుగా హాజరయ్యారు. (పూర్తి వివరాల కోసం ఇక్కడ క్లిక్ చేయండి.)