Kalki2898AD Trailer : ప్రభాస్ ఫ్యాన్స్ గెట్ రెడీ - 'కల్కి2898AD' ట్రైలర్ ఎప్పుడంటే?

Kalki 2898 AD: ప్రభాస్ 'కల్కి 2898 ఏడీ' ట్రైలర్ ని ఏప్రిల్ 9న విడుదల కానున్నట్లు తెలుస్తోంది.

ప్రభాస్ (Image Credit : Kalki2898AD/Twitter)

Kalki 2898 AD trailer release : టాలీవుడ్ నుంచి ఈ ఏడాది రాబోతున్న ఇండియన్ మోస్ట్ అవైటెడ్ ప్రాజెక్ట్స్ లో 'కల్కి 2898 ఏడీ' ముందు వరుసలో ఉంటుంది. 'సలార్' వంటి సక్సెస్ తర్వాత యంగ్ రెబల్ స్టార్ ప్రభాస్ హీరోగా నటిస్తున్న సినిమా కావడం, టాలెంటెడ్ డైరెక్టర్ నాగ్ అశ్విన్ సైన్స్ ఫిక్షన్ కథాంశంతో హాలీవుడ్ స్టాండర్డ్స్ లో ఈ సినిమాని తెరకెక్కిస్తుండడంతో ఆడియన్స్ లో భారీ అంచనాలు ఉన్నాయి. ఇప్పటికే సినిమా నుంచి వస్తున్న అప్డేట్స్ మరింత క్యూరియాసిటీ పెంచాయి. ఆల్రెడీ గ్లింప్స్ వీడియోతో ఈ సినిమా హాలీవుడ్ రేంజ్ లో ఉంటుందని హింట్ ఇచ్చింది మూవీ యూనిట్. ఇక తాజాగా 'కల్కి 2898 ఏడీ' ట్రైలర్ రిలీజ్ గురించి ఒక న్యూస్ చక్కర్లు కొడుతోంది.

 ఏప్రిల్ 9న 'కల్కి 2898 ఏడీ' ట్రైలర్?

'కల్కి' సినిమా మహాభారతంలో స్టార్ట్ అయ్యి 2898వ సంవత్సరంలో ముగుస్తుందని, ఈ కథ 6000 సంవత్సరాల మధ్య జరుగుతుందని డైరెక్టర్ నాగ్ అశ్విన్ ఇటీవల ఓ ఈవెంట్ లో చెబుతూ సినిమాపై అంచనాలను పెంచేశాడు. ఈ సినిమా ట్రైలర్ ఏప్రిల్ 9న విడుదల కానున్నట్లు తెలుస్తోంది. ఈ రూమర్లతోనే ఫ్యాన్స్ ఫుల్ ఖుషీ అయిపోతున్నారు. ట్రైలర్ కోసం ఎంతో ఆతృతగా ఎదురు చూస్తున్నారు. మే 9వ తేదీన సినిమా విడుదల కాగా, ఈ రూమర్స్ నిజమైతే నెల ముందు ట్రైలర్ విడుదల కానుంది.

Exclusive: #Kalki2898AD Trailer will be releasing on April 9th 🔥🔥🔥🔥

Get ready for never before visual spectacle on this May 9 in cinemas 💥#Prabhas #Kalki2898AD pic.twitter.com/3aoPazXmkt

— Kalki 2898AD FC (@Kalki2898AD_FC) March 2, 2024

 ఆ హాలీవుడ్ సినిమాతో పోలికలు

డైరెక్టర్ నాగ్ అశ్విన్ సైన్స్ ఫిక్షన్ కథాంశాన్ని తీసుకొని హాలీవుడ్ స్టాండర్డ్స్ లో 'కల్కి' సినిమాని తెరకెక్కిస్తున్నారు. అయితే 'బ్లేడ్ రన్నర్' అనే హాలీవుడ్ సినిమాతో 'కల్కి' సినిమాకి పోలికలు ఉన్నాయని ఇప్పటికే వార్తలు వినిపించగా.. ఆ వార్తలపై ఇటీవల ఈవెంట్ లో డైరెక్టర్నాగ్ అశ్విన్ క్లారిటీ ఇచ్చారు." కల్కి 2898 ఏడీ కోసం అప్పటి రోజులకు తగినట్టు ఒక ప్రపంచాన్ని సృష్టించాం. అన్నింటిలో ఇండియన్ టేస్ట్ కనిపించేలా జాగ్రత్త తీసుకున్నాం. దాదాపు ఇదే కథాంశంతో గతంలో బ్లేడ్ రన్నర్ అనే చిత్రం విడుదలయ్యింది. కానీ దాని పోలికలు ఏమీ ఈ చిత్రంలో కనిపించకుండా ఉండేలా జాగ్రత్త తీసుకున్నాం. ఇది మాకు పెద్ద సవాలులాగా అనిపించింది" అని అన్నారు.

22 భాషల్లో విడుదల

'కల్కి2898 ఏడీ' సినిమాని పాన్ వరల్డ్ స్థాయిలో రిలీజ్ కి ప్లాన్ చేస్తున్నారు మేకర్స్. తాజా సమాచారం ప్రకారం ఈ సినిమాని ప్రపంచవ్యాప్తంగా ఏకంగా 22 భాషల్లో విడుదల చేయబోతున్నారట. ప్రస్తుతం ఫిలిం సర్కిల్స్ తో పాటు సోషల్ మీడియాలోనూ ఈ న్యూస్ వైరల్ గా మారింది. ఇప్పటివరకు దీనిపై ఎలాంటి అధికారిక సమాచారం లేనప్పటికీ సోషల్ మీడియా అంతటా ఈ వార్త ట్రెండ్ అవుతోంది. ఒకవేళ ఇదే నిజమైతే అత్యధిక భాషల్లో రిలీజ్ కాబోతున్న బిగ్గెస్ట్ ఎవర్ ఇండియన్ ఫిల్మ్ గా 'కల్కి2898 ఏడీ' సరికొత్త రికార్డ్ క్రియేట్ చేయడం గ్యారెంటీ.