Allu Arjun: అక్క‌డ తెలుగు సినిమాలు చూడ‌టం 'ఆర్య‌'తో మొద‌లుపెట్టారట... అలాగే మీడియాకు సారీ

'బాహుబలి'తో తెలుగు సినిమాలకు నేషనల్ లెవెల్ మార్కెట్ ఏర్పడింది. అయితే... ఓ రాష్ట్రంలో మాత్రం 'ఆర్య'తో క్రేజ్ ఏర్పడిందని అల్లు అర్జున్ అన్నారు.

Written By : ABP Desam | Updated at : 15 Dec 2021 08:17 PM (IST)

The Craze for Telugu movies started with Arya at Kerala, Saya Allu Arjun Allu Arjun: అక్క‌డ తెలుగు సినిమాలు చూడ‌టం 'ఆర్య‌'తో మొద‌లుపెట్టారట... అలాగే మీడియాకు సారీ

అల్లు అర్జున్

ఐకాన్ స్టార్ అల్లు అర్జున్‌కు మలయాళంలో మంచి మార్కెట్ ఉంది. కేరళలో అతడి సినిమాలకు మంచి వసూళ్లు వస్తాయి. అల్లు అర్జున్ సినిమాలు మాత్రమే కాదు, ఈ మధ్య చాలా సినిమాలు తెలుగులో విడుదల అవుతున్నాయి. 'బాహుబలి: ద బిగినింగ్', 'బాహుబలి: ద కంక్లూజ‌న్‌' సినిమాలు కేరళలోనూ భారీ విజయాలు అందుకున్నాయి. అయితే... కేరళలో తెలుగు సినిమాలు చూడటం 'ఆర్య'తో మొదలు అయ్యిందని అల్లు అర్జున్ వ్యాఖ్యానించారు.

"కేర‌ళ‌లో నా క్రేజ్‌, కేర‌ళ‌లో తెలుగు సినిమాలు చూడ‌టం నా సినిమా ఆర్య‌తో మొద‌లైంది. ఆ సినిమా నాకు ప్రేక్ష‌కుల ఓ స్థానం క‌ల్పించింది. ఆర్య‌కు ప‌ని చేసిన ముగ్గురం... నేను (హీరో), దేవి శ్రీ ప్ర‌సాద్ (సంగీత ద‌ర్శ‌కుడు), సుకుమార్ (ద‌ర్శ‌కుడు) క‌లిసి చేసిన సినిమా పుష్ప‌. ఆర్య చేసిన‌ప్పుడు... 20 సినిమాలు చేసిన త‌ర్వాత కేర‌ళ వ‌స్తే మ‌ళ్లీ అదే ప్రేమ ల‌భిస్తుంద‌ని క‌ల‌లోనూ ఊహించ‌లేదు.కేర‌ళ‌లో నాకు ల‌భిస్తున్న ఆద‌ర‌ణ వ‌ల్ల తెలుగు ప్ర‌జ‌లు న‌న్ను చూసే విధానం మారింది. మీ సినిమాల్లో న‌టించిన కార‌ణంగా కేర‌ళ‌లో మ‌మ్మ‌ల్ని గుర్తుప‌ట్టార‌ని చాలామంది తెలుగు ఆర్టిస్టులు నాకు చెప్పారు" అని 'పుష్ప' ప్రచార కార్యక్రమాల నిమిత్తం కేరళ వెళ్లిన అల్లు అర్జున్ వ్యాఖ్యానించారు.

బుధవారం సాయంత్రం కేరళ వెళ్లిన అల్లు అర్జున్, అంతకు ముందు బెంగళూరు వెళ్లారు. అయితే... అనుకున్న సమయం కంటే ఆలస్యంగా ప్రోగ్రామ్ స్టార్ట్ కావడంతో ఓ విలేకరి 'మీడియాను రెండు గంటలు వెయిట్ చేయించారు' అని అడిగారు. ఫాగ్ వల్ల ఫ్లయిట్ టేకాఫ్ అవ్వడం లేట్ అయ్యిందని, అక్కడి మీడియా జనాలకు సారీ చెప్పారు. సారీ చెప్పడం వల్ల మనిషి విలువ పెరుగుతుంది తప్ప తగ్గదని అన్నారు.