‘Thalaivi’ Movie Update: జయలలిత సమాధిని సందర్శించిన రీల్ ‘తలైవి’ కంగనా

బాలీవుడ్ నటి కంగనా రనౌత్ చెన్నైలో జయలలిత సమాధి వద్ద పుష్ప నివాళి అర్పించింది. తమిళనాడు మాజీ సీఎం జయలలిత జీవితకథ ఆధారంగా తెరకెక్కిన ‘తలైవి’ సినిమా త్వరలోనే విడుదల కానుంది.

కంగన `జయలలిత మెమోరియల్`

జయలిలత జీవితకథ ఆధారంగా తెరకెక్కిన ‘తలైవి’ వినాయకచవితి కానుకగా ప్రేక్షకుల ముందుకి రానుంది. ఈ మేరకు సినిమా విడుదలకు ముందు కంగనా..ఆమె చెన్నైలోని మెరీనా బీచ్ లో దివంగత ముఖ్యమంత్రి జయలలిత స్మారకానికి నివాళులర్పించింది. క్వీన్ కట్టు-బొట్టు రియల్ క్వీన్ జయలలితనే తలపించింది.

ప్రస్తుతానికి ఇండస్ట్రీలో బయోపిక్‌ల ట్రెండ్ నడుస్తోంది. మరీ ముఖ్యంగా సినీ, రాజకీయాలు రెండింటితో సంబంధం ఉన్న జయలలిత జీవితంపై సినిమా అంటే సామాన్య ప్రేక్షకులకు కూడా ఎంతో ఆసక్తి. ఇందులో భాగంగా సౌత్ లో ఒకప్పటి స్టార్ హీరోయిన్, రాజకీయనాయకురాలు అయిన జయలలిత జీవితంపై పలు సినిమాలు తెరకెక్కుతున్నాయి. అందులో కంగనా రనౌత్ ప్రధాన పాత్రలో ‘తలైవి’ సినిమా ఒకటి.  సెప్టెంబర్ 10 న ప్రేక్షకుల ముందుకు రానున్న ఈ సినిమాకు సంబంధించి విడుదలైన పోస్టర్లు, టీజర్, ట్రైలర్, పాటలు అన్నీ సినీ ప్రియులను ఆకట్టుకున్నాయి. తాగా ఈ సినిమా విడుదలకు ముందు కంగ‌నా.. చెన్నైలోని మెరీనా బీచ్‌లో ఉన్న జ‌య స‌మాధి వ‌ద్ద‌కు వెళ్లి పుష్ప నివాళి అర్పించింది.

తెలుగు, త‌మిళం, హిందీ భాష‌ల్లో ఈ సినిమాను రూపొందించారు. కరోనా కారణంగా తొలుత త‌లైవి సినిమాను ఓటీటీ రిలీజ్ చేయాల‌ని ప్లాన్ చేసినా.. థియేట‌ర్ ఓన‌ర్ల ఆందోళ‌న‌తో ఆలోచన మార్చుకున్నారు.  మొద‌ట థియేట‌ర్ల‌లో రిలీజ్ చేసేందుకు అంగీక‌రించారు. థియేటర్లో విడుదలైన రెండు వారాల తర్వాత OTT ప్లాట్ ఫామ్ సందడి చేయనుంది. ఈ సినిమాలో కంగనాతో పాటూ అర‌వింద స్వామి, సామ్నా కాసిమ్‌, స‌ముతిరాకాని, భాగ్య‌శ్రీ, ప్రియ‌మ‌ణి న‌టిస్తున్నారు.

వాస్తవానికి ఈ సినిమాను ఏప్రిల్ 23 న విడుదల చేయాలని అనుకున్నారు. కానీ కరోనా కారణంగా ఆలస్యం కావడంతో  సెప్టెంబర్ 10 న ప్రపంచవ్యాప్తంగా థియేటర్లలోకి తెస్తున్నారు. ``అమ్మ జయలలిత వ్యక్తిత్వాన్ని ఆమె కథను బిగ్ స్క్రీన్ పై మాత్రమే చూడడానికి అర్హమైనది! ఆమె సినిమా ప్రపంచంలోకి సూపర్ స్టార్ ఎంట్రీ ఇవ్వడానికి సిద్ధంగా ఉన్నందున..మళ్లీ అదే దరహాసం! సెప్టెంబర్ 10 న మీకు సమీపంలో ఉన్న సినిమా థియేటర్లలోలో తలైవి చూడండి!`` అని పోస్ట్ చేసింది కంగనా. జయలలిత జీవితంలోని విభిన్న కోణాలను ఈ చిత్రంలో చూపిస్తున్నారు.