Sridevi Soda Center: శ్రీదేవి సోడా సెంటర్‌లో గోలీ కొట్టిన మహేశ్ బాబు.. అదిరిపోయిందంటూ ట్వీట్

'పలాస 1978' తో విమర్శకుల ప్రశంసలు అందుకున్న డైరెక్టర్ కరుణ కుమార్.. ''శ్రీదేవి సోడా సెంటర్'' తో వచ్చేందుకు సిద్ధంగా ఉన్నాడు. బావ సుధీర్ బాబు కోసం ఈ మూవీ ట్రైలర్ రిలీజ్ చేశాడు మహేశ్ బాబు.

By: ABP Desam | Published : 19 Aug 2021 12:33 PM (IST)|Updated : 19 Aug 2021 12:33 PM (IST)

శ్రీదేవి సోడా సెంటర్ ట్రైలర్ రిలీజ్ చేసిన మహేశ్ బాబు

సుధీర్ బాబు హీరోగా 'పలాస 1978' ఫేమ్ కరుణ కుమార్ తెరకెక్కిస్తున్న తాజా చిత్రం ''శ్రీదేవి సోడా సెంటర్''. గ్రామీణ యాక్షన్ ఎంటర్టైన గా రూపొందిన ఈ చిత్రాన్ని ఆగస్టు 27న గ్రాండ్ గా థియేటర్లలో రిలీజ్ చేస్తున్నారు. దీంతో ప్రమోషన్స్ స్పీడ్ పెంచిన చిత్ర బృందం.. తాజాగా ట్రైలర్ ను వదిలింది. సుధీర్ బాబు బావ సూపర్ స్టార్ మహేష్ బాబు ఈ సినిమా ట్రైలర్ ను విడుదల చేసి చిత్ర బృందానికి విషెస్ అందించారు.

శ్రీదేవి సోడా సెంటర్ ట్రైలర్

''శ్రీదేవి సోడా సెంటర్ ట్రైలర్ చూసి ఖచ్చితంగా ఎంజాయ్ చేసాను! థియేటర్లలో ఈ సినిమా విడుదల కోసం ఎదురు చూస్తున్నాను. సుధీర్ బాబు మరియు మొత్తం బృందానికి శుభాకాంక్షలు!'' అని మహేష్ ట్విట్టర్ లో పేర్కొన్నారు. ట్రైలర్ విషయానికొస్తే.. మర్డర్ కేసులో జైలుకు వెళ్లిన వ్యక్తిగా సుధీర్ బాబును పరిచయం చేయడంతో ప్రారంభమైంది. ఇందులో లైటింగ్ సూరిబాబుగా సుధీర్ కనిపిస్తుండగా.. సోడాల శ్రీదేవి గా హీరోయిన్ ఆనంది కనిపించింది.

వేర్వేరు సామాజిక వర్గాలకు చెందిన సూరిబాబు - శ్రీదేవి లు ప్రేమించున్న తర్వాత ఏర్పడిన పరిస్థితులు..అనంతరం చోటు చేసుకున్న పరిణామాలను ఈ ట్రైలర్ లో చూపించారు. హీరోని జైలుకు పంపించి.. హీరోయిన్ కు వేరే పెళ్లి చేసారని అనుకునేలా ట్రైలర్ కట్ చేశారు. కులాలు- పరువు ప్రతిష్ట బ్యాక్ డ్రాప్ లో సూరిబాబు శ్రీదేవి ప్రేమ పోరాటమే ఈ కథ అని అర్థం అవుతోంది. 'శ్రీదేవికి పెళ్లి చేసేస్తారురా.. శ్రీదేవి నాది.. ఎప్పటికీ నాదే..' అంటూ ట్రైలర్లో సుధీర్ బాబు నటనకి మంచి మార్కులే వేస్తున్నారు ప్రేక్షకులు. మ్యూజిక్ డైరెక్టర్ మణిశర్మ అందించిన సంగీతం సినిమాకు ప్లస్ అవుతుందంటోంది టీమ్. సినిమాటోగ్రాఫర్ శ్యామ్ దత్ సైనుద్దీన్, శ్రీకర్ ప్రసాద్ ఎడిటింగ్ వర్క్ చేశారు. ఇప్పటికే విడుదలైన ఫస్ట్ లుక్ - టీజర్ - పాటలు మంచి రెస్పాన్స్ తెచ్చుకోగా.. తాజాగా వచ్చిన ట్రైలర్ సినిమాపై అంచనాలు పెంచేసిందంటున్నారు ఘట్టమనేని అభిమానులు.

Also Read: Love Story: వినాయక చవితి నాడు ‘లవ్ స్టోరీ’ చెప్పనున్న నాగచైతన్య , సాయిపల్లవి

Also Read: భీమ్లానాయక్ జోష్ తగ్గకముందే ‘హరి హర వీరమల్లు’ రిలీజ్.. 3 నెలల గ్యాప్‌లోనే వస్తోన్న పవన్ కళ్యాణ్

Also Read: పవన్ కళ్యాణ్ సేఫ్ జర్నీ.. రిమేక్ సినిమాలే బెటర్ అనుకుంటున్న పవర్ స్టార్?

Also Read: తగ్గేదే లే అంటున్న లీకు వీరులు.. తగ్గిస్తామంటున్న బన్నీ

Also Read: ఓటీటీలో బాబాయ్ అబ్బాయ్ వెంకీ - రానా సందడి... ఈసారి పూర్తి స్థాయిలో ప్లాన్!