RRR Movie Length: ఆర్ఆర్ఆర్.. అంతసేపా.. ఇద్దరు హీరోలంటే ఆ మాత్రం ఉంటది!

రాజమౌళి దర్శకత్వంలో.. జూనియర్ ఎన్టీఆర్, రామ్ చరణ్ హీరోలుగా ఆర్ఆర్ఆర్ రూపొందుతున్న సంగతి తెలిసిందే. ఈ సినిమా రన్‌టైం, సెన్సార్ వివరాలు ఇవే..

ఆర్ఆర్ఆర్ నిడివి మూడు గంటలకు పైగా ఉండనున్నట్లు తెలుస్తోంది.

యంగ్ టైగర్ జూనియర్, మెగా పవర్ స్టార్ రామ్ చరణ్ హీరోలుగా నటిస్తున్న ఆర్ఆర్ఆర్ సినిమా జనవరి 7వ తేదీన విడుదలకు సిద్ధం అవుతున్న సంగతి తెలిసిందే. ఈ సినిమా ట్రైలర్ డిసెంబర్ 9వ తేదీన ఉదయం 10 గంటలకు థియేటర్లలోనూ, సాయంత్రం యూట్యూబ్‌లోనూ విడుదలకు సిద్ధం అవుతోంది. ఇప్పుడు ఈ సినిమా, రన్‌టైంకు సంబంధించిన వివరాలు నెట్టింట్లో హల్‌చల్ చేస్తున్నాయి.

ఆర్ఆర్ఆర్ సినిమా సెన్సార్ నవంబర్ 26వ తేదీనే పూర్తి అయింది. ఈ సినిమాకు యూ/ఏ సర్టిఫికెట్ లభించింది. ఇక రన్‌టైం విషయానికి వస్తే.. మూడు గంటల ఆరు నిమిషాల 54 సెకన్ల నిడివితో ఆర్ఆర్ఆర్ ప్రేక్షకుల ముందుకు రానుంది. ఇంటర్వెల్ విరామంతో కలుపుకుంటే సుమారు 3 గంటల 20 నిమిషాల వరకు ప్రేక్షకులు థియేటర్లోనే ఉండాల్సి వస్తుంది.

అయితే ఇద్దరు స్టార్ హీరోలు ఉన్నారు, వీరు ప్రేక్షకుల ముందుకు వచ్చి మూడేళ్లకు పైగానే అవుతుంది కాబట్టి.. నిడివి సమస్య అయ్యే అవకాశం లేదు. దీంతోపాటు హీరో ఎలివేషన్లు ఏ స్థాయిలో ఉండనున్నాయో గ్లింప్స్, మేకింగ్ వీడియోలు, రెండు టీజర్ల ద్వారానే తెలిసిపోయింది. కథనం ఎంగేజింగ్‌గా ఉంటే రన్‌టైం అసలు సమస్యే కాదని అర్జున్ రెడ్డి, రంగస్థలం, భరత్ అనే నేను లాంటి సినిమాలు ఇప్పటికే నిరూపించాయి.

రాజమౌళి ఎంతో ప్రతిష్ఠాత్మకంగా తెరకెక్కిస్తోన్న ఈ సినిమా కోసం సినీ ప్రియులు ఎంతో ఆసక్తిగా ఎదురుచూస్తున్నారు. ఈ భారీ బ‌డ్జెట్  మూవీలో ఆలియా భ‌ట్‌, అజ‌య్ దేవ‌గ‌ణ్ కీల‌క పాత్ర‌ల్లో న‌టిస్తున్నారు. ఒలివియా మోరిస్‌, అలిస‌న్ డూడి, రే స్టీవెన్ స‌న్ వంటి విదేశీ స్టార్స్ కూడా ఈ  ప్రాజెక్టులో భాగమయ్యారు. డివివి దాన‌య్య నిర్మిస్తున్న ఈ పాన్ ఇండియా చిత్రం  సంక్రాంతి కానుకగా జనవరి 7న ప్రపంచ వ్యాప్తంగా భారీ స్థాయిలో విడుదలకు సిద్ధమవుతోంది.

#RRR (UA 187) already Cleared Censors Uncut according to the CBFC Portal!. #RRRMovie pic.twitter.com/fo2Qszuf4H

— AndhraBoxOffice.Com (@AndhraBoxOffice) December 8, 2021

 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి