Virosh Wedding First Pics: విజయ్ దేవరకొండను భర్తగా పరిచయం చేసిన రష్మిక... మరి రౌడీ బాయ్? వధూవరులు ఇద్దరి లుక్స్ సూపర్...

The Wedding Of Virosh First Photo: విజయ్ దేవరకొండ, రష్మికా మందన్నా జంట తమ వివాహ బంధాన్ని అధికారికంగా వెల్లడించింది. పెళ్లి ఫోటోలను సోషల్ మీడియాలో షేర్ చేసింది. 

విజయ్ దేవరకొండ - రష్మిక పెళ్లి: ఫస్ట్‌ ఫోటోలు వైరల్... భర్తగా పరిచయం చేస్తూ రష్మిక ఎమోషనల్ పోస్ట్!

Source : https://www.instagram.com/thedeverakonda/

Vijay Deverakonda - Rashmika Mandanna Wedding First Photos: విజయ్ దేవరకొండ, రష్మికా మందన్నా జంట వివాహ బంధంతో ఒక్కటైంది. రాజస్థాన్‌లోని ఉదయ్‌పూర్‌ అందుకు వేదిక అయ్యింది. ఈ రోజు (ఫిబ్రవరి 26వ తేదీ, గురువారం) ఉదయం 10.10 గంటలకు రష్మిక మెడలో మూడు ముళ్ళు వేశారు విజయ్ దేవరకొండ. తొలుత తెలుగు, ఆ తర్వాత కడువ సంప్రదాయాల్లో వివాహ క్రతువు నిర్వహించినట్లు సమాచారం. సాయంత్రం తమ వివాహ బంధాన్ని ఇద్దరూ సోషల్ మీడియాలో అధికారికంగా ప్రకటించారు.

నా భర్త విజయ్ దేవరకొండ - రష్మిక పోస్ట్ చదివారా?
విజయ్ దేవరకొండను తన భర్తగా పరిచయం చేస్తూ రష్మికా మందన్నా సోషల్ మీడియాలో పెళ్లి ఫోటోలు షేర్ చేశారు. ''నిజమైన ప్రేమ ఎలా ఉంటుందో నాకు నేర్పించిన వ్యక్తి, ప్రశాంతంగా ఉండటం ఎలా ఉంటుందో నాకు చూపించిన వ్యక్తి, ప్రతిరోజూ పెద్ద కలలు కనడం కచ్చితంగా సరేనదేనని, నా ఊహలకు అందని విధంగా నేను ఏదైనా సాధించగలనని ఎప్పుడూ చెప్పగలిగే వ్యక్తి, ఎవరూ చూడనట్లు నృత్యం చేయకుండా నన్ను ఎప్పుడూ ఆపని వ్యక్తి, స్నేహితులతో ప్రయాణించడం ఎంత సరదాగా ఉంటుందో నాకు చూపించిన వ్యక్తి... ఈ వ్యక్తి గురించి ఒక పుస్తకం రాయగలను'' అని రష్మిక చెప్పారు. 

విజ్జు (విజయ్ దేవరకొండ) పట్ల తనకు ఉన్న భావాలను వర్ణించడానికి ఎప్పుడూ మాటలు లేవని రష్మిక తెలిపారు. ఇప్పుడు తన జీవితంలో అతను ఓ భాగం కావడం ఎంతో సంతోషంగా ఉందని పేర్కొన్నారు. విజయ్ దేవరకొండ భార్యగా మారడానికి చాలా ఉత్సాహంగా ఉన్నానని, ఎప్పుడూ లేనంత ఉత్తమ జీవితాన్ని గడుపుతామని, విజయ్ దేవరకొండను ప్రేమిస్తున్నానని రష్మిక స్పష్టం చేశారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Rashmika Mandanna (@rashmika_mandanna)

రష్మికను భార్యగా పరిచయం చేసిన విజయ్ దేవరకొండ
రష్మికా మందన్నాను తన భార్యగా విజయ్ దేవరకొండ పరిచయం చేశారు. ''ఒక రోజు తనను మిస్ అయ్యాను. తన నా పక్కన ఉంటే జీవితం బావుంటుందని అనేంతగా మిస్ అయ్యాను'' అని ఆయన పేర్కొన్నారు. తన బెస్ట్ ఫ్రెండును తన భార్యగా చేసుకున్నట్టు విజయ్ దేవరకొండ తెలిపారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Deverakonda (@thedeverakonda)

విజయ్ దేవరకొండ, రష్మిక వివాహానికి హీరోయిన్లు కల్యాణీ ప్రియదర్శన్, ఆషికా రంగనాథ్, ఈషా రెబ్బా, దర్శకుడు - నటుడు తరుణ్ భాస్కర్, స్టైలిస్ట్ & నిర్మాత శ్రావ్య వర్మ తదితరులు హాజరయ్యారు.