RRR Celebration Anthem: 'ఎత్తర జెండా' సాంగ్ ప్రోమో చూశారా?
'ఆర్ఆర్ఆర్' సినిమా నుంచి 'ఎత్తర జెండా' అనే సెలబ్రేషన్ ఆంథెమ్ ను విడుదల చేయడానికి ప్లాన్ చేస్తున్నారు.
దర్శకధీరుడు ఎస్.ఎస్.రాజమౌళి డైరెక్ట్ చేసిన 'ఆర్ఆర్ఆర్' సినిమా మార్చి 25న విడుదలకు సిద్ధమవుతోంది. నిజానికి ఈ సినిమా జనవరి 7న విడుదల కావాల్సింది. దానికి తగ్గట్లుగానే ప్రమోషన్స్ ఓ రేంజ్ లో చేశారు. ముంబై, కర్ణాటక, చెన్నై, హైదరాబాద్ ఇలా అన్ని ప్రాంతాల్లో ప్రమోషన్స్ నిర్వహించారు. కానీ సినిమా వాయిదా పడడం వలన ఆ కష్టమంతా వృధా అయింది. ఈసారి కూడా ప్రమోషన్స్ భారీగా ప్లాన్ చేస్తున్నారు.
ఈ క్రమంలో సినిమా నుంచి 'ఎత్తర జెండా' అనే సెలబ్రేషన్ ఆంథెమ్ ను విడుదల చేయడానికి ప్లాన్ చేస్తున్నారు. నిజానికి ఈ పాటను ఒక సర్ప్రైజింగ్ ఎలిమెంట్ లా ఉంచాలనుకున్నారు. కానీ ఇప్పుడు సినిమా రిలీజ్ కి ముందే విడుదల చేస్తున్నారు. ఈ పాటలో జూనియర్ ఎన్టీఆర్, రామ్ చరణ్, ఆలియా భట్ ముగ్గురూ కనిపించనున్నారు. దీనికి సంబంధించిన ప్రమోషనల్ పోస్టర్ను ఇప్పటికే విడుదల చేశారు. తాజాగా ఈ పాట ప్రోమోను వదిలారు. 'ఉరుము ఉరుము' అంటూ సాగే ఈ ప్రోమో అభిమానులను ఆకట్టుకుంటుంది. పూర్తి పాటను మార్చి 14న సాయంత్రం 4గంటలకు విడుదల చేయనున్నారు.
డీవీవీ దానయ్య నిర్మించిన సినిమా ఈ సినిమాకి ఎం.ఎం. కీరవాణి సంగీతం అందించారు. కె.కె. సెంథిల్ కుమార్ సినిమాటోగ్రఫీ అందించారు. ఈ సినిమాలో ఎన్టీఆర్ సరసన విదేశీ భామ ఒలీవియా మోరిస్, రామ్ చరణ్కు జోడీగా ఆలియా భట్ కనిపించనున్నారు. శ్రియా శరన్, అజయ్దేవ్గణ్, రాహుల్ రామకృష్ణ తదితరులు కీలక పాత్రలు పోషిస్తున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
