Khiladi First Single Out : ఫ్యాన్స్ కు రవితేజ ట్రీట్.. 'ఖిలాడి' ఫస్ట్ సాంగ్ ఔట్..

మాస్ మహారాజ్ రవితేజ హీరోగా దర్శకుడు రమేష్ వర్మ తెరకెక్కిస్తోన్న చిత్రం 'ఖిలాడి'.

'ఖిలాడి' ఫస్ట్ సాంగ్ ఔట్..

మాస్ మహారాజ్ రవితేజ హీరోగా దర్శకుడు రమేష్ వర్మ తెరకెక్కిస్తోన్న చిత్రం 'ఖిలాడి'. వినాయకచవితి సందర్భంగా ఈ సినిమా నుంచి ఫస్ట్ సింగిల్ ను విడుదల చేశారు. 'చిన్నప్పుడు నాకు అమ్మ గోరుముద్ద అంటే ఇష్టం. కొంచెం ఎదిగినాక బామ్మ గోరింటాకు ఇష్టం.. కానీ ఇప్పుడు నాకు ఒకటే ఇష్టం. అది నాకోసం నువ్వు పడే కష్టం' అంటూ సాగే ఈ లిరికల్ సాంగ్ ప్రేక్షకులను ఆకట్టుకుంటుంది. 

ఈ పాటకు సాహిత్యాన్ని శ్రీమణి అందించగా.. హరిప్రియ ఆలపించారు. రాక్ స్టార్ దేవీశ్రీప్రసాద్ సంగీతం అందించారు. సస్పెన్స్ థ్రిల్లర్ బ్యాక్‌డ్రాప్‌లో రూపొందుతున్న ఇందులో హీరోయిన్స్‌గా డింపుల్ హయాతి, మీనాక్షి చౌదరి నటిస్తున్నారు. ప్రముఖ నటుడు అర్జున్‌ ఈ చిత్రంలో విలన్ గా కనిపించబోతున్నారు. అలానే హాట్ యాంకర్ అనసూయ కీలకపాత్ర పోషిస్తుంది.'క్రాక్' సినిమా తరువాత రవితేజ నటిస్తోన్న సినిమా కావడంతో దీనిపై మంచి అంచనాలు ఏర్పడ్డాయి. ఈ సినిమాను త్వరలోనే ప్రేక్షకుల ముందుకు తీసుకురానున్నారు. 

ఈ సినిమాతో పాటు 'రామారావు ఆన్ డ్యూటీ' అనే మరో సినిమాలో నటిస్తున్నాడు రవితేజ. శరత్ మండవ అనే డైరెక్టర్ రూపొందిస్తోన్న ఈ సినిమాలో దివ్యంశ కౌశిక్ హీరోయిన్ గా నటిస్తోంది. 

Vinayaka Chavithi Subhakankshalu🙏🏻
Stay safe 😊#Istam #Khiladi https://t.co/EHUh07SR9u

— Ravi Teja (@RaviTeja_offl) September 10, 2021